ไก่น้อยพาไปหาหน่อโจด

[ไก่น้อย]

มื้อนี้หยุดงานไก่น้อยมาชวนพี่น้องเข้าป่าไปหาหน่อโจดว่าส่าน บ่รุว่าทางบ้านเพิ่นเอิ่นคือทางกาสิน บ่ดอก
หน่อโจดมีลักษณะคือกันกับหน่อไม้ไผ่หนิหละจ้า แต่กอโจดสิบ่มีหนามแล้วกะสิเป็นไม้ทรงพุ่ม แต่ลักษณะรวมๆกะคล้ายๆกันกับไผ่จ้า แต่ยามแกงแล้วหน่อโจดสิกรอบกับรสชาดดีกว่าหน่อไม้ค่ะ


หน่อโจด กะคล้ายๆกับหน่อไม้




ลักษณะต้นเป็นพุ่มไม้




แกะเปลือก ขาวอวบหละบาดนิ เตรียมอ่อม ขั่นตอนการอ่อมกะคล้ายๆแกงนั่นหละจ้า ใส่น้ำยานางบ่หลายกับทุบหน่อโจดบวบๆก่อนจ้า แซบๆ



มาเด้อบาดนิ เตรียมซด อิอิ มีฮอดป่นกะปูแถมมานำ

[หมอนกิ่ว]

อันนี้หมอนกิ่วบ่เคยเห็นอีหลีจ้าเอื้อยไก่
เคยได้ยินแต่ชื่อ แต่กะคือหน่อไม้เนาะ แกงแล้วเบิ่งเป็นตาแซบบบ

อยากกินป่นกะปู แง่มๆ:1-

[บ่าวน้อยยโส]

บ่เคยได้ยินจั๊กเถื่อเห็นหน่อกะว่าแมนหน่อไม้สั่นแหลว อันฮูปถ่ายต้นมันคึบ่ชัดเลยเบิ่งบ่ออกว่าต้นมันเป็นจังได๋

[ร้อยหมื่นพันไมล์ไกลบ้าน]

แกงแซบบ่จ้า รสชาติคือกันกับหน่อไม้บ่

เป็นแฝดกับหน่อไม้เลย อิอิ
ไปเจอที่อื่นคือสิบ่ฮู้ว่าบ่แม่นหน่อไม้

[หนุ่มเหงาคนไกลบ้าน]

อยู่บ้านกะน่าจะมียุครับพี่ไก่น้อยแต่อาจซิเอิ้นบ่อคือกันเนาะครับขอมาต้มกินกับส้มตำแน่เด้อครับอิอิ

[ติ๋ม เปอร์โย]

เอิ้นคือกันหละจ้า หน่อโจด...ซังแต่ขนหละหล่า คันคัก(ขนหน่อไม้เด้อยายเด้อ555+ดักไว้ก่อน)

เป็นตาออนซอนเนาะหากินง่ายคักหน้าฝนบ้านเฮา...คึดฮอดบ้าน...

[เพ็นนี]

บ่เคยเห็นเลยเอื้อย..แกงแล้วเป็นตาแซบเนาะ

[ลูกอิสาน]

อยากกินน่ำเด้จ้าเอื้อยไก่น้อย ขอจักถ้วยแหน่จ้าเป็นตาแซบหลาย
ตอนนี้หน่อไม้คือสิเกิดหลายน้อจ้า ฝนตกมาใส่บ่อึดแนวอยู่แนวกิน

[คนตระการ...]

แกงแบบนี่หล่ะครับ เป็นตาแซบคัก...ได้ผักแว่นนำกะไคเด้อ.หิวเข้าทันทีเลย

[บ่าวต้นฅนมุกดาหาร]

แบ่งมาให้บ่าวต้นต้มกินกับป่นแน่เด้อเอื้อย แต่ผมกะไปอยู่กาสินหลายปี กะยังบ่ทันได้ลองกินหน่อโจด
หรือว่ากินแล้วล่ะบู๋ เพราะว่ามันกะคือกันกับหน่อไม้เน๊าะ อิๆ