กำลังแสดงผล 1 ถึง 6 จากทั้งหมด 6

หัวข้อ: ... คนที่ใช่ ไผคนนั้น ...

  1. #1
    แบ่งปันความรู้และประสบการณ์
    วันที่สมัคร
    May 2007
    กระทู้
    184

    ... คนที่ใช่ ไผคนนั้น ...


    ... คนที่ใช่ ไผคนนั้น ...
    [Radio]http://baanmaha.us/jolo/Pare/paya/tomorrow.wma[/Radio]

    เก็บความฮักไส่ขวดน้อย ฝากลอยส่งลงทะล หม่องได๋เด้เส้นทางฝัน ล่องคืนวันนำหาเจ้า

    ติดตามเงาคนที่ใช่ ทางเส้นได๋บ่ฮู้แหล่ง เช้าหรือแลงสิค่ำคล้อย หวังดาวน้อยค่อยส่องทาง

    เก็บกำห่อความอ้างว้าง บ่เคยวางความฝันไผ่ คนที่ฮักของหัวใจ สิแม่นไผดอกเด้อเจ้า พอได้เว้าว่าห่วงหา

    แม่นอยู่เส้นโค้งขอบฟ้า หรือหากว่าทะเลเหงา ตนโตเขาอยู่ทางได๋ ฟ้าดนใจมาหาบ้าง

    เคยสวนทางมาหลายเที่ยว ได้ฝันเกี่ยวบ่เพียงหน ไผน้อคนที่ฝันหา ฟ้าส่องเห็นเป็นไผแน่

    คนดูแลยามเจ็บไข้ คอยปลอบใจยามล้าหล่อย ยิ้มทักทายปลายนิ้วก้อย คอยเกี่ยวไว้ให้อุ่นใจ





  2. #2
    Moderators สัญลักษณ์ของ ต่าย
    วันที่สมัคร
    Nov 2007
    ที่อยู่
    เชียงใหม่
    กระทู้
    1,244
    บล็อก
    5

    พบปะพูดคุย ฝากฮักผ่านฟ้า

    :heart:..:heart:

    ส่งใจสู่..ปลายฟ้า ปรารถนาสื่อใจนาง
    บ่เคยจางความคึดฮอด บ่เคยจอดความจริงใจ......

    ฮักท้อใด๋อ้ายบ่ฮู้ นับเบิ้งดูดาวเทิงฟ้า ......
    แทนสายตาสื่อสายใจ คนที่"ใช่"กะเพียงนาง.....

    ฮักบ่จางจากใจพี่ ควมภักดียังคือเก่า......
    ความเหงาบ่เคยคลาย ยามพี่ชายบ่เห็นน้อง......

    คนหมายปองเจ้าเกินร้อย คนมาคอยเจ้าเกินหมื่น ......
    บ่อยากฝืนใจน้องหล่า มีญาอ้ายแต่ผู้เดียว ......

    ได้แต่เกี้ยวผ่านกลอน ฝากคำวอนเว้าหวาน........
    ทรมานในหัวใจ....คนที่"ใช่"ให้เป็นอ้าย.... สิได้บ่อน้องหล่า....


    ฝากฮักผ่านฟ้า ฝากฮักผ่านฟ้า ......ฝากฮักผ่านฟ้า

    ( อั่น..มาเว้าแทนผุลางคนอีกแล้วเด้อจ้า น้องแพรจ๋า อิ อิ )ฝากฮักผ่านฟ้า
    แก้ไขครั้งสุดท้ายโดย ต่าย; 07-06-2009 at 07:11.

  3. #3
    ผู้ช่วยผู้ใหญ่บ้านมหา
    มิสบ้านมหา 2012
    สัญลักษณ์ของ ติ๊กต็อค
    วันที่สมัคร
    Mar 2007
    กระทู้
    2,197
    บล็อก
    3
    คนที่ใช่...คือไผ๋คนนั้น...คิดคือกัน..บ่น่อ


  4. #4
    แบ่งปันความรู้และประสบการณ์
    วันที่สมัคร
    May 2007
    กระทู้
    184

    น้องคอยถ้าตั้งแต่อ้าย ชายคนนั้นเป็นจั่งได๋


    หากความเหงา เป็นมีดพร้า ย่านได้ฆ่าน้องหลายเทื่อ เจ็บปวดเหลือแท้น้อเจ้า มื้อเหงาต้องป้องหน่วยใจ

    สิเป็นไผใครคนนั้น มาเติมฝันที่ขาดแหว่ง มาเติมแฮงที่ออ่นหล้า มองดาวจ้าได้งดงาม

    มื้อเดินตามความโชคร้าย อยู่ข้างกายมีอ้ายซ่อย มีอ้ายคอยถ้าส่งยิ้ม มื้อหลงลิ้มรสน้ำตา

    เห็นบ่น๊ากามเทพ ได้นอนเมบชี้ศรไส่ ยิงหัวใจผู้จั่งอ้าย หมายตาจ้องส่องไส่กัน

    ถือความฝันนั้นครึ้งเสี้ยว กับทางเทียวที่ว่างเปล่า สู้ลมหนาวจนว่าล้า ไผน้อจ้าสิส่องเห็น

    ไผสิเป็นคนที่ใช่ คนที่ใจนั้นบอกว่า น้องคอยถ้าตั้งแต่อ้าย ชายคนนั้นวันนี้ เผิ่นอยู่ไส น้ออ้ายเอ๊ย




    :heart:
    แก้ไขครั้งสุดท้ายโดย น้องแพรจ้า; 31-07-2009 at 22:43.

  5. #5
    Moderators สัญลักษณ์ของ ต่าย
    วันที่สมัคร
    Nov 2007
    ที่อยู่
    เชียงใหม่
    กระทู้
    1,244
    บล็อก
    5

    แพรเอ๊ย..

    หล่าแพรเอ้ย....
    คนที่ใช่ขอเป็นอ้าย...อย่าฟ้าวหน่ายดอกเด้ออุ่น

    อย่าสิสูนยามอ้ายห่าง..อย่าสิม้างยามอ้ายหาย..เด้อหล่า

    ฝากวาจาต่อเจ้า..แทนความเหงาเข้าสิงใจ..ฮักน้องหลายฮู้หรือบ่...คึดพะนอแต่นำนาง..

    ฮอดฟ้าสางยังบ่ซา...ตะเวนจ้ายังบ่ซ่วง...อยากขอควงแน้จั๊กน่อย..อย่าให้คอยซ้ำเฒ่า..เด้อนาง...

    อ้ายถอดวางหัวใจแล้ว...บ่เหลือแนวเจ้าชู้ใหญ่..คนที่ " ใช่" .ให้เป็นเจ้า...เอาหัวใจเป็นประกัน..ซั่นแหล่ว...แพรเอ้ย คิคิ

    ****************
    :1-:heart::heart::1-

  6. #6
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    140
    หล่านางเอ้ย เป็นหยังน้อน้องหล่า ให้เจ้าจาเตี้ยงต่อ ชายดู
    เป็นหยังมาพี่ยังคอยชูชัก ฮักนางเสมอด้าม
    แม่นผู้งามคือน้อง ทองทองคำชายบ่ได้เกี่ยง นางเอ้ย
    แม่นว่าไผบ่เตี้ยง ชายสิต้านต่อเอา
    แม่นว่าเขาบ่เว้า ชายสิเอาผญาป่อน
    แม่นว่าแก้วก่ำก้อน นอนนิ่งพี่สิออย
    แม่นว่าเป็นกำพลอยหาชู้ ชายสิซูเป็นซู้ฮ่วม
    แม่นว่าเจ้าบ่หวังให้ร่วม ชายสิถ่าฮับฮอง เองตี้
    เซาสาเด้อน้องหล่า เอาน้ำตาไว้สาก่อน
    เหงาส่ำใด๋เซาสาถ่อน ให้เอาอ้ายเป็นคู่ดอม
    หรือว่าน้องบ่พร้อม พี่ก็ยอมสิถ่าก่อน
    หรือว่าน้องสิตัดรอน พี่ยังสิเป็นก้อนขี่ดินแห้ง คอยถ่าห่าฝน หล่าเอ้ย...........

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •