คำว่า โอ

[บักหล่าลูกกก]

จากเพลงเซิ้งบั้งไฟที่ ว่า โอ้ เฮา โอ เฮาโอ้ เฮา โอ ขอเหล้าเด็ดกินนำเจ้าจัก "โอ" ขอเหล้าโทกินนำเจ้าจักแก้ว....

คำว่า โอ คืออิหยังครับ

[บ่าวจัย]

น่าจะเป็นจังหวะทำนองซื่อๆนี้ล่ะครับผมว่า บ่มีความหมายดอกติ รึไผ๋ว่าแนวได๋ครับ

[คนตระการ...]

โอ..กะคือขันตักน้ำนี่ล่ะครับ (ขอเหล้าเด็ดกินนำเจ้าจัก "โอ") กะคือจักขันนี่ละครับ ..บ่าวจัยไปอยู่ไสมาน้อ..

[มันฑนา]

แม่นแล้วค่ะ โอ = ขัน ใส่น้ำ ภาชนะสำหรับรองน้ำค่ะ

[สาวทองแพง]

ขอบคุณจ้าสำหรับความรู้ใหม่

[หนุ่มน้ำยืน]

แม่นแล้วคับ โอ = ขันน้ำ แต่เป็นเด็กน้อยเคยได้ยินเอิ้นกันอยู่
สู่มื้อนี้บ่ได้ยินเลยสงสัยสูญหายไปกับกาลเวลาแล้ว

[บ่าวจัย]

โอ..กะคือขันตักน้ำนี่ล่ะครับ (ขอเหล้าเด็ดกินนำเจ้าจัก "โอ") กะคือจักขันนี่ละครับ ..บ่าวจัยไปอยู่ไสมาน้อ..

แม่นติอ้ายเอ๋ เกิดบ่ทันเนาะบ่เคยได้ยินจักเทื่อ5555+

[บ่าวนิติกร]

ถ้าเป็นวันรุ่น "ก็ โอ นะ" แปลว่า โอเค
ถ้าภาษาบ้านเฮา ขันน้ำถูกต้องแล้วละ อาว

[บักหล่าลูกกก]

ไปถามผุเฒ่ามาแล้วครับ โอ นิ คือ โจก ที่เฮ็ดจากไม้ไผ่ ตัด กลางปล้องให้มันเหลือ เป็นคือรูปแก้วน้ำครับ แล้วกะถากเปลือก ถากติว มันออกให้มันบาง ๆ แล้วเอาไปลงชัน ใช้ ตักน้ำกิน ตักน้ำ สงพระ แผ่งเหล้า พะนะ ผุเฒ่าเพิ่นว่า
บ่มีรูป