ส่อนฮวก

[บ่าวกุดชุม]

ส่อนฮวก ฮวกกะคือลูกของกบ ตามวัฎจักรของกบ ตั้งแต่กบไข่ จนว่ากัดหางจากฮวกเป็นกบน้อย
จักหน่อยกะสิขั่วกบน้อยใส่บักบวบแซบๆๆๆอีก ฮวกกะหาอึดแล้วสู่มื้อนี้ เพราะฝนบ่ตกต้องตามฤดูกาล
บางคนกะจับกบกินหมด เกษตรกรจั่งหันมาเลี้ยงฮวก ขาย เป็นอาชีพที่น่าสนใจอีกอาชีพหนึ่ง
อันนี่กะส่อนฮวกธรรมชาตินำไฮ่นาเฮา

นี่ล่ะครับกบ แม่ของฮวก

ส่อนเฒ่าส่อน ผบ.ผมเอง เอาเผิ่นมาออกงาน บรรยายหลายบ่ได้เผิ่นสิฮ้าย

สู้เขาๆๆๆ แม่บักหนุงหนิง

คือบ่มีหยังล่ะพ่อบักหนุงหนิง

เอามาเบิ่งคันแทพี่เฒ่า

กะนี่เด่ฮวก แหน่ แมงหน้างัมกะมี

พอแล้วงายอยู่ดอกเฒ่า เอาส่ำนี่ล่ะ เอาไว้ให้มันเป็นกบน้อย พอได้กินยามนา

แกงใส่หน่อไม้ส้มท่อนั่นแหล่ว มันบ่ได้หลาย กินพอแล้วงาย ซั่นหล่ะ

[เซียนเมา]

ซุมื้อนี่คือสิหายากเนาะ ลูกฮวกแหมะ

[ลูกหินกอง]

ได้บรรยากาศอีหลีครับ...สุดยอดเลย..แต่หว่าอย่าสิส่อนไปหลายเด้อครับเอาไว่ให้มันเป็นกบแหน่ครับ..

[บ่าวจัย]

หมกเด้อบ่าวชาลี บีบขี้มันออกหมกใส่ผักอีตูเด้อหอมหลายแซบหลาย

[หนุ่มคำก้าว]

คึดฮอดบ้านเด้เอาไว้ให้ไปส่อนนำเเนเด้อครับ

[คนตระการ...]

บ่าวชาลี แม่บ้านเจ้านี่หากินเก่งเนาะครับ....แต่ภาพมันบ่อค่อยชัดปานได๋เนาะ

[MADELA]

ไดบรรยกาศคัก บ้านเฮากะพอได้อยู่ได้กินเนาะ ขยันชะอย่าง ฮวกเอามาหมกใส่ใบอี่ตู่แนวแซบคัก แมงหน้างั้มกินได้บ่

[ทิดแหล่]

ได้บรรยากาศอีหลีครับ
ขอปันมากินจั๊กคำแหน่เด้อ...

[แหลวแดง]

ผบ.เจ้าซ่างบ่จกขี้ตมดึกจักบาดเนาะเฒ่าบ่าวกุดซุม ถ่ายเอาๆโว่ยหละ อิอิ แกงใส่หน่อไม้ส้มกะสุดยอดคับ หิวข้าว

[ตรี ศรีเมืองใหม่]

โอ๊ย//มาเป็นตาไปอยู่นําแท้พ่อบักหนุ่งหนิง หมายเหตุ พ่อบักหนุ่งหนิงติดต่อผู้สาวทางนั้นให้อ้ายแหน่เด้อจักคน แบบว่าอยากไปอยู่ทางกุดชุมนําเจ้าฮั่นน๊า แนวกินบ่ออึดบ่ออยาก อิอิๆๆ