ไปนาสูบปลา

[บ่าวกุดชุม]

ตึกแหกะบ่หมาน ชวนน้องสูบมันโลดครับ เอ๋ามาแล้ว บ่แม่นลาวอพยพดอก ขบวนการสูบปลา

มาฮอดแล้วกะหาหม่องเหมาะๆๆ ตั้งเครื่องสูบน้ำออก มันสิค่ำก่อน นี่กะเที่ยงแล้ว

ตั้งเครื่องแล้วหล่ากะขอหล่อๆ จักบาดก่อน

ลุงครับ หล่าหิวเข้าแล้วครับ

นี่ล่ะแนวหกินกะดาย กินตามมีตามเกิด

นึ่งปลา สาก่อน จี่ปลา น้ำกะบ่ทันบก

บกลงแหน่แล้วใกล้สิได้เก็บปลาแล้ว

นี่ล่ะปลา เก็บบ่ทันแล้ว สิถึกขี้ตมน้องเมีย ฟ้าวไปเก็บส่อยก่อน

หอยกะได้ครับ พอได้แบ่งกันไปอ่อม

เล็กๆ น้อยๆ จากทีมงานครับผม

[กำพร้าผีน้อย]

สนใจแต่แจ่ว ปลาแดกนั่นหละ..เผาปลาค่อจัก 2-3 โตเนาะ ซ่ำนี่กะแซบคักแล้ว..

[บุญศรี]

เหมิดน้ำมันไปจักบาทล่ะคือใด้แต่บักหอยหลายแท่ผู้ใด๋ลักตึกกินเหมิดก่อนน้อ

[เพ็นนี]

สูบน้ำออกแล้วสูบคืนไป่อ้าย ฮิ้วๆๆๆๆๆๆๆๆๆ ขอปลามานึ่งจักโตแน๊อ้าย

[บ่าวเมืองลำดวน]

ขอมาต้มแหน่จักหม้ออ้ายบ่าว

[ผู้ก่อการรัก]

ถ้าปลาช่อนตายแล้วขอจักโตเด้อ สิไปต้มใบมะขามอ่อนให้คุ้มสามเสนแกล้มเหล้าสักชามดอก ...

[คนตระการ...]

เบิ่งซงแล้วมื่อนี่คือสิบ่อหมานซ่ำไปตึกมื่อก่อนเนาะบ่าว...แต่กะได้บรรยากาศเนาะครับ..

[อหิงสา]

ปลาคือสิบ่มี คักเด้อครับ
บ้านผมสูบ ครั้งหนึ่งได้ 3-4 โอ่ง
ปลาดุก ปลาข่อ ปลาเข็ง หลายคัก

[บ่าวจอหอ]

คุ้มค่าน้ำมันบ่ละท่าน แต่กะได้บรรยากาศเนาะ

[เซียนเมา]

ฮ่วย! คือได้หน่อยแท้หล่ะมื้อนี่ บ่คือหว่านแหมื้อวานเนาะ
เห็นแล้วคึดฮอดตอนไปสูบปลานำหมู่อยู่สุรินทร์เด้ จักเถื่อได๋จั่งสิมีโอกาสได้สัมผัสบรรยากาศแบบนี้อีก ม่วนหลาย(เมาหลายนำ อิอิ)