มื้อนี้อยู่ว่างๆบ่มีแนวสิเฮ็ดเลยนึกอยาก กรึบแต่ยากนำกับแกล้มครับ
เลยนึกได้ว่ามีกุ้งอยู่ในตู้เย็น มีดั่งนี้แล้วสิช้าอยู่ใยไปเอามาเลยครับ เมนูมื้อนี้ล่ะกะมีคั่วแมว
โอ้ย...บ่แม่น พล่ากุ้งครับ แช่น้ำปลากินบ่เป็นนำเขา เลยเฮ็ดสุกเอาครับ
ส่วนผสม
กุ้งสด ตระไคร้ซอย หอมแดงซอย พริกขี้หนูสดทุบแล้วสับ
ต้นหอม ผักชี สะระแหน่ มะนาว น้ำปลา น้ำตาลทรายขาว
กล่ำปลีซอยเป็นเส้นน้อยๆ
วิธีทำ
เอากุ้งมาลวกน้ำฮ้อนให้สุกแล้วตักมาค้างไว้ให้เสด็ดน้ำก่อน
แล้วเอาเครื่องปรุ่งทุกอย่างที่เอ่ยมาใส่รวมกันลงไป บีบหมากนาว น้ำปลา ลงไปแล้วชิมรสตาบมัก
แล้วเอากล่ำปลีที่เฮาซอยไว้มาลองก้นจานเอากุ้งมาลง เทน้ำเครื่องปรุ่งใส่ แต่งหน้าด้วยสะระแหน่
บาดนิกะเชิญแซบเด้อครับ ผู้ได๋สิเฮ็ดกินแลงนี้กะเอาเลยเด้อครับ
Bookmarks