หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 14

หัวข้อ: ชื่อเด้อชื่อ

  1. #1
    แบ่งปันความรู้และประสบการณ์ สัญลักษณ์ของ ลาวสวิส
    วันที่สมัคร
    Mar 2009
    กระทู้
    390

    บ้านมหาโพสต์ ชื่อเด้อชื่อ

    อันว่าชื่อในสมัยก่อนนั้นผู้เฒ่าเพิ่นกะตั้งให้ตามกะเหยิมเนาะ เพราะเพิ่นบ่ได้ไปฝากท้องคือสุมื่อนี้เนาะค่ะ เพิ่นกะเลยบ่ฮู้ว่าเด็กน้อยในท้องแม่นั้นเป็นผู้ชายหรือผู้หญิง เพิ่นกะเลยบ่ได้เตรียมตั้งชื่อไว้ท่า พอลูกคลอดออกมา หมอตำแยเอิ่นบอกว่าได้ลูกผู้ชายหรือผู้หญิงเด้อทอนั้นละ ผู้เป็นพ่อกะงวกซ้ายงวกขวา เห็นอิหยังเป็นตาตั้งเป็นชื่อ เพิ่นกะเอามาตั้งให้โลดตั่ว นับตั้งแต่ของกินไปจนฮอดของใช้เนาะค่ะ บ่ว่าซิเป็น บักต้องแลง บักแขง บักเขือ บักพริก บักหนาว บักแตงโม บักน้ำเต้า บักเงาะ บักสีดา มีฮอดชื่อผักชื่อหญ้ากะว่ากันไปเนาะค่ะแล้วแต่เพิ่นซิแนมไปเห็นอิหยังในตอนนั้นว่าซั่นเถาะ หมู เห็ด เป็ด ไก่ ปู ปลา นา น้ำ กบ เขียด หอย กะว่าไปที่ไล่มานี้ชื่อคนเด้อค่ะ บาดนี้พวกของใช้กะซิมีชื่อว่า หมอน หวี ช้อน แปง แป้ง โอ้ยไล่ไปบ่เบิ่ดดอกเนาะค่ะกะแค่ยกโตอย่างมาเล่าสู่กันฟังทอนั้นละ แต่ผู้ข้ากะบ่ฮู้ว่าขเจ้าตั้งเป็นชื่อเล่นฮือว่าชื่ออิหลีเพราะว่ากะยังมีให้ได้ยินยุ แต่ว่าคนสุมื้อนี้ส่วนใหญ่เพิ่นกะเอามาตั้งเป็นชื่อเล่นซะมากกว่าและกะเติมคำนำหน้าให้มันฟังเบิ่งสุภาพขึ้นกว่าเก่า คือจังคำว่าน้องแตงโม น้องบักขาม น้องพริก น้องปู น้องปลา กะว่าไปเนาะค่ะ อีกอย่างเด็กน้อยสุมื้อนี้พากันนิยมชื่อฝรั่งพู้นตั่ว ชื่อพวกนี้เพิ่นว่าเชยรับบ่ได้พะนะ โตผู้ข้าเองกะมีหมู่ชื่อ จิ๋ม เำิ่พิ่นกะจ่มเช้าจ่มแลงอยู่คือกันว่า จักพ่อแม่ตั้งมาได้จังได๋ เพิ่นว่าคันนั่งรถเข้าไปในเมืองในนา อย่าเอิ่นชื่อเฮาเด้อ "อายคนวะ"ว่าซั่นเพิ่นว่า แต่กะเว้าไปแล้วชื่อที่พ่อแม่เฮาเพิ่นตั้งให้นั้น บ่อว่าซิชื่อเล่นฮือชื่ออิหลีมันกะดีเบิ่ดนั้นละเนาะพี่น้องแม้นบ้อค่ะ...
    แก้ไขครั้งสุดท้ายโดย คนตระการ...; 12-06-2009 at 11:43. เหตุผล: ให้ตัวใหญ่ขึ้น


  2. #2
    หวัดดีครับพี่ น้องมาเเจมนำเดี่ยวซิเว่าที่มาที่ไปของหนุ่มเหงาชื่อนั้นท่านใด้แต่ใด่มา
    แม่เล่าสู่ฟังว่าตอนซิให้กำเนิดผมแม่ทำหมันแล้วครับบ่อนึกว่าซิมีลูกมาเกิดอีกครับ
    แล้วตอนคลอดออกมากะบ่อร้องย่ากะเลยเอาชายผ้าสิ่นนี้วีวาบวีวาบ แม่เลยตั้งชื่อว่า บุญมี ครับ

  3. #3
    ดูแลตรวจสอบเนื้อหา สัญลักษณ์ของ ฝนหลวง
    วันที่สมัคร
    Feb 2008
    กระทู้
    1,444
    ฮ่วยอิพ่อผมแนมเห็นหยังน้อคือเอามาตั้งชื่อไห่ผมว่า จง กลับบ้านรอบนี่สิได้ส่อละ
    รู้แล้วที่มาของนิคเนมบาดนิ

  4. #4
    ดูแลตรวจสอบเนื้อหา สัญลักษณ์ของ แหลวแดง
    วันที่สมัคร
    Mar 2008
    กระทู้
    2,194
    เกิดมาที่แรกโตแหล่โตเขียวว่าซั้น อี่พ่อเลยตั้งซื่อว่าบักเขียวๆๆ ตอนเรียนประถมเหมิดห้องมีสามสิบคน ซื่อเขียวซะสี่คน หลายกว่าหมู่ 555

  5. #5
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,728
    แม่นอยู่ครับ หมู่ผมกะมีคือกัน. ซื่อ จ่อย แห้ง สว่ย เบี้ยว..มีอีกหลายครับ

  6. #6
    ฝ่ายเทคนิคและโปรแกรม สัญลักษณ์ของ ต่วง
    วันที่สมัคร
    Feb 2008
    กระทู้
    2,090
    โอ้ยหมู่ผมสมัยเป็นนักเรียนมัธยม แฮ่งซือ สีดา นามสกุล ใจดำ อีกต่างหาก

  7. #7
    Maximum learning
    ศิลปิน นักเขียน
    สัญลักษณ์ของ khonsurin
    วันที่สมัคร
    Apr 2008
    ที่อยู่
    ท่าตูม สุรินทร์
    กระทู้
    9,605
    บล็อก
    197
    ก็แม่นแหละน้อ พ่อแม่ตั้งชื่อให้น้อ ก็อนุรักษ์ไว้นะคะ

    แต่ถ้าต้องการเปลี่ยนชื่อ ราคาไม่แพงค่ะที่อำเภอ เปลี่ยนได้เลย
    ราคาระดับไม่ถึงสามสิบบาทมั้งคะ

  8. #8
    แบ่งปันความรู้และประสบการณ์ สัญลักษณ์ของ COLLETTE
    วันที่สมัคร
    May 2009
    กระทู้
    119
    น่านซื่อสุเจ๊ากะม่วนอยู่เ้ด้อลููกข่อยแห่งซื่อคักพี่น้อง ซื่อเอโลดี้ ซื่อลองผัดข้าวปุ้นพ่อใหญ่Pierre ลาวฮ้องลููกลาว
    ฝรั่งซื่อข้าวปุ้น กะเลยเป็นอีสานบ้านเฮาดีจ้า:em01)

  9. #9
    แบ่งปันความรู้และประสบการณ์ สัญลักษณ์ของ บ่าวกระสัง
    วันที่สมัคร
    Nov 2008
    ที่อยู่
    บุรีรัมย์
    กระทู้
    197
    บ่าวจันทร์เกิดวันจันทร์พ่อกะแม่กะเลยให้ชื่อจันทร์ แม้นเลาคงซิคึดหยังบ่ออกคือว่าเนาะครับ 5555
    พอไปแจ้งเกิดเลาว่ามันสั้นกะเลยใส่บุญนำหน้าเลยได้บุญจันทร์ พะนะ ::)

  10. #10
    แบ่งปันความรู้และประสบการณ์ สัญลักษณ์ของ ก.กุ้งเผา
    วันที่สมัคร
    Jun 2009
    กระทู้
    213
    แต่ก่อนผมชื่อยิ้มคับ บางคนก็เรียกไทกะปิ ตามเอกลักษ์นะคับ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •