หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 11

หัวข้อ: อยากเว้าผญาเป็น..สั้นแล้ว

  1. #1

    อยากเว้าผญาเป็น..สั้นแล้ว

    ผญา........................ เย้ เว้าเป็นละ แล้วจั่งจิ มาต่อดอก
    มาจองที่ไว้ซือๆ ย้าน คน มาจองเบิดก่อน อยากเว้าผญาเป็น..สั้นแล้ว


  2. #2
    นางกะอยากอ่านเว้าผญาคำล้ำค่า
    นางกะเลยมาเฮียนหัดเผียบคำจาเว้า
    นางผัดเลยมาพ้อออมนายยอดพี่
    ขอฝากคำผญากลอนนี้ไว้เฮือนเอื้อยพี่กะออม

  3. #3
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,728
    เออ....หัดเว้าผญากะดีล่ะ...อย่าสิเอาแต่เรื่องเศร้าๆมาเว้าให้ฟังหลาย ฮ่าๆๆๆ

  4. #4
    เผิ่นว่าลมเย็นบ้า
    พัดมาแต่ไซง่อน
    เย็นหัวใจยาวๆ
    หนาวหัวใจอ้อนๆ
    คึดซอนซู้ที่อยุ่ไกล
    บ่แม่นโทษลมฟ้า
    โทษดาราดาวใหญ่
    แต่สิโทษบักอ้าย
    ตั๋วให้แต่คึดนำ
    ยามลมพัดใบหมาก
    ยามลมพรากใบมี้
    ยามลมวีใบข้าว
    ยามลมตีใบพร้าว
    คึดนำเจ้าแต่ผุเดียว แท้น้อ

  5. #5
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    140
    คันบ่ออกจากบ้านบ่เห็นไฮ่นาสวน

    คันบ่ไปหาเฮียนบ่ห่อนมีความฮู้

    อันนี้บทผญาเว้าความเก่าเพิ่นจาสอน

    ให้เจ้าหอนหวนคิด ฮ่ำคนิงดูบ้าง

    ว่าคันอยากเป็นแท้ ให้หัดจาความปาก

    เทือละเล็กเทือละน้อย สิเป็นได้ง่ายดาย

    คำผญาบ่แม่นแนวยากฮ้าย คันเจ้าเพียรใจอด

    บทกลอนมีให้หัดเฮียน เขียนดูสิเป็นแท้..........ท่านเอ้ย

  6. #6
    แบ่งปันความรู้และประสบการณ์ สัญลักษณ์ของ ปึกกะหลืน
    วันที่สมัคร
    Jun 2008
    กระทู้
    75
    อันว่าผญานี่มีมาแต่เก่าก่อน
    ครูบาสอนไว้ให้เจ้าได้จื่อจำ
    ภาษาคำสอดคล้องจ่องกันให้มันม่วน
    คำโบราณล้วนๆซวนเจ้าอย่าเล่าลืม

  7. #7
    อยากเว้าเป็นคือคะเจ้า งึดแต่เฮาผัดบ่ป่อง
    เทียวดึงจ่องคำเว้า ซาวคั้วเข้าใส่กัน
    อยากสิรำพันเว้า ความนัยให้เขาทราบ
    ว่าเป็นกราฟย์กลอนแก้ แต่แต่งแล้วผัดบ่คือ
    คำจาแข็งทื่อๆ คือกินป่นบ่มีผัก
    พรรณนาความฮัก จากหัวใจไปบ่ได้
    คำจากใจเป็นห้วนๆ ฟังบ่ม่วนเสนาะหู
    หวังให้ครูทางผญา โปรดเมตตาแนะนำด้วย
    คำบ่สวยให้เติมแต้ม ติดตื่มให้ตราตรึง
    คำบ่ซึ้งให้สรรหา มาสนับสนองซ้อน
    กะสิยอกรไหว้ ในน้ำใจที่สอนสั่ง
    หากไปทางบ้านข้อย สิลาบก้อยแม่นสู่กิน อยู่เด้อ ท่านเอย...

  8. #8
    ศิลปิน นักร้อง นักแสดง สัญลักษณ์ของ ไอ้เก่ง คนเลย
    วันที่สมัคร
    Feb 2008
    กระทู้
    186
    คักเนาะ...................ผญาเพิ่น...........

  9. #9
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    นำหาผญามาพ้อแล้วอีกแบบหนึ่ง ป๊าดมีแต่คักๆเนาะจ้า ป้าอยาเว้าเป็นแท้น้อ อิอิอิ

  10. #10
    Moderators สัญลักษณ์ของ สหายพง
    วันที่สมัคร
    Mar 2009
    ที่อยู่
    ผมมากับรถผ้าป่า
    กระทู้
    1,558
    มีสิบอย่ากินห้าเห็นสุราอย่านั่งเจา
    คิดนำข้าวอยุ่เล่าเฮานั้นจังขอยกิน
    คิดนำซินการสร้างงานโตเพิ่งจักหน่อย
    คิดนำแม่อีน้อยเฮานั้นจังขอยทำ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •