ช่วงนิทางบ้านเฮาผักกำลังหลาย งามพร้อม เพิ่นได้ฝนใหม่ ไก่น้อยพาพี่น้องมากินอาหารเพื่อสุขภาพ (ลดความอ้วนได่นำ ) เมนูมื้อนี้เสนอ ป่นปลาสลิดใส่แมงดานำค่ะ เพื่อความหอม
เครื่องปรุง กะคือน้ำพริกทั่วไป พริกสดเผา กระเทียมเผา หอมเผา แล้วกะล้างให้สะอาดเอาส่วนที่ดำๆไหม้ๆออกให้เมิดค่ะ
แล้วกะปลาสลิดย่าง หรือต้มน้ำปลากะได่ค่ะ
แมงดานา เคล็ดลับ เลือกเอาโตผุ้ จั่งหอม (โตผู้สิน้อยๆจ่อยๆดอก อิอิ) เอามาย่างไฟ แกะปีกออกแล้วสับให้ละเอียดจ้า
วิธีทำ โคลกเครื่องแกงกะแมงดาให้ละเอียด แล้วกะแกะเนื้อปลาลงตำรวมกัน (ตำเครื่องแกงให้ละเอียดก่อน) เติมน้ำต้มปลาป่น หรือเติมน้ำอุ่นถ้าเป้นปลาทอด
ปรุงเครื่องด้วยน้ำปลาร้า ชูรสนิดน่อย ชิมเบิ่งตามใจชอบค่ะ แค่นี้กะได่เมนูแซบประจำบ้านแล้ว มื้อนี้รับรองข้าวเมิด กะติ๊บ (ลดความอ้วน ฮ่าๆๆๆ )
Bookmarks