ยำใส้ตัน
ฅนภูไทห่างหายจากห้องครัวไปโดนเติบ เนื่องจากยากนำเวียก มื้อนี้ว่างเลยมีโอกาสเข้าครัว สำหรับเมนูมื้อนี้ คือสิถืกใจคอเหล้าคอเบียร์เพราะถือว่าเป้นกับแกล้มชั้นดีเลยกะว่าได้ มาเบิ่งกันเลยดีกว่าครับ
หน้าตาใส้ตันกะเป็นจั่งซี้หละครับ ควรเลือกที่สดๆใหม่ๆเด้อครับ
หลังจากล้างทำความสะอาดเสร็จแล้วเฮากะเอามาหั่นเป้นชิ้นๆ หั่นเฉียงเด้อครับ เสร็จแล้วเฮากะเอาไปแช่น้ำเกลือเพื่อดับกลิ่น
จัดการเอาหม้อขึ้นค้างไฟ พอน้ำเดือดคักๆแล้วเฮากะเอาใส้ตันลงไปลวก อย่าลวกโดนหลายเด้อมันสิหดโตลงแล้วกะสิเฮ็ดให้เหนียว
ทิ้มไว้ให้มันเย็นสักพัก แล้วเฮากะใส่กระเทียม พริกขี้หนูทุบ ลงไป
ใส่ขึ้นฉ่ายหอมหัวใหย่ ต้นหอม ลงไปปรุงรสด้วย น้ำปลา น้ำมะนาว คลุกเคล้าให้เข้ากัน ควรเฮ็ดรสจัดๆเด้อครับจั่งแซ๊บ
ตักใส่จานเสริฟพร้อมเบียร์เย็นๆหรือข้าวสวย
มากินนำฅนภูไทเด้อพี่น้อง อย่าลืมถือเบียร์มานำ
Bookmarks