มาถึงตอนนี้มาเบิ่งพืชสวนกินได้ครับ
สามารถปลูกไว้สวนหลังบ้านกินได้บ่ต้องไปซื้อเด้อครับ
สวนหลังบ้านบ่าวจัยมีทุกอย่าง(แม่เพิ่นปลูกไว้ครับ)อิอิอิ
นี้คือดอกหมากอึ(ฟักทอง)
สวนผักกาดเฒ่าแม่เพิ่นปลูกไว้กินครับ
หมากฮุงสุกบ่ต้องไปหาซื้อครับ มีวิตมินหลายคัก
ดอกแค เก็บเอามาลวกกินกับแจ่ว นึ่งไส่ปลาขาว ปลาแขยงกะแซบเด้อครับ
กล้วยหอม อีกบ่ดนกะสิพอตัดแล้วครับ
ต้นถัดมากำลังสวยเลยปลีกล้วย ตัดมาลวกกินกับป่นปลาเขง
แต่อย่าลืมเอาหมากนาวทามีดก่อนสิผ่าปลีกล้วยเด้อครับ
มันสิซ่อยให้บ่ดำครับ เคล็ดลับง่ายๆเฮ็ดให้ดอกกล้วยเฮาเป็นตะกินครับ
บาดนีต้นสูงขึ้นมานิดนึงครับ หมากพร้าวสุกครับ
ไผ๋อยากกินครับ มีเต็มต้นเลย มักอ่อนๆรึว่าสิมักแบบสุก กะมีให้เลือกกินครับ555+
และสุดท้ายครับไผ๋อยากสิกินหมากงิ้วสุกกะรออีกจักหน่อยเด้อครับ
ตอนนี้ยังอ่อนยุ รออีกบ่ดนดอก555+
Bookmarks