ซุบหน่อไม้ส้มเพ้ดเผ็ด กับบวดแตงซ้างคับ

[แหลวแดง]

แนวกินแลงคับซุบหน่อไม้ส้ม ใส่พริกหน่อยๆคือเผ็ดหลายแท้บุ กินกับผักแป้นแซ้บแซบคับ กะฮู้อยู่ว่ามันต้องเผ็ดแท้ๆกะเลยหาแนวแก้เผ็ดกันไว้ซะก่อน

อันนี้ไปตลาดพ้อแตงซ้างสุกเลยเอามาเฮ็ดของหวานคับ เฮากะจัดการปาดให้ต่อนพอดีกับสิกินแบบบ่ลำบากเจ้าของ ได้เรียบร้อยกะแซ่ตู้เย็นไว้ให้เย็นๆ ไปเฮ็ดน้ำกะทิตั้วบาดเนี่ย

บักพร้าวบ่อ่อนปานได๋ขะเจ้าเอามาฝากหลายมื้อแล้วกะซอยใส่น้ำกะทิซะเลย

น้ำกะทิแบบตามมีตามเกิด คึดพ้อหยังกะใส่ไปเลยคับ กะทิ น้ำตาล เกลือหน่อยหนึ่ง อย่าลืมเอาไปต้มเด้อหละ อิอิ

แล้วเหมิดแล้วกะลงมือกินข้าวได้คับ มื้อนี้มีส่ำนี้หละ

ซุบหน่อไม้ส้มเผ็ดหลายกะยังว่า ไคแหน่แต่มีของหวานแก้เผ็ดอยู่คับ น้ำแข็งกะงัดเอาในตู้เย็นที่เฮาเฮ็ดไว้หั่นหละ ก้อนใหญ่หลายเฮากะห่อผ้าทุบจักหน่อยมันจั่งสิกินแซบ แต่ว่าตอนนี้ผมเผ็ดหลาย บ่มีเวลาทุบดอกเด้อน้ำแข็ง กินมันจั่งซี้หละ ฟ้าวem5:em5:

[คนตระการ...]

กำลังหิวพอดีเลยท่าน....กินเข้าแล้ว ซดของหวานจักจักบาดเบิ่งเด้.....

[เขมราฐ]

น้องเขมมักกะทิแตงค่ะอ้ายแหลว แบ่งน้องเขมจักถ้วยน้อย ๆ แหน่ค่ะ

[สหายพง]

ถึงเวลาพอดีเลยตักมาเบิ่งจักถ้วย

[Boom69]

โฮโฮ..เนตาแซบแท้ๆเด้อ..พี่น้องแม้ว..

[ตรี ศรีเมืองใหม่]

เอากะปูน้อยๆแกะกระดองออกหว่านลงถ้วยซุปหน่อไม้ส้ม บ๊ะ สุดยอดอิหลีขอบอก

[สาวเมืองยศ]

สมพอสิได้เป็นพ่อครัวของบ้านมหายุดอก เฮ็ดแนวอยู่แนวกินดีคักกะยังวาแถมเป็นตาแซบพ้อมเนาะ..........อยากกินเด้c06:

[ติ๋ม เปอร์โย]

อยากกินนำเด้ซุปหน่อไม้ส้ม...หาไสได้เนาะ ย่านฝันกินเอาอยู่เด้อมื้อแลง เป็นตาแซบคัก....

[กำพร้าผีน้อย]

ทั้งของหวานของคาว ลงโตขนาดเนาะ กินเผ็ดๆ แล้วกะมาซดของหวาน.
จังแม่นเพิ่นคึดหาแนวแซบคัก ยังว่า..

[สาวทุ่งฝน]

น่ากินมากเลยจ้าอ้าย ทั้งซุบหน่อไม้ส้ม เทิงของหวานแตงไทย

ฝนกินนำแน้เด้อจ้า อิอิอิ ...............................