หล่าคำเอ๋ย.....
บ่ได้อยากไกลเจ้าคือนกเขาบินไกลถิ่น
บ่ได้ยินเสยงเจ้าทางจอ้ายดอกห่วงหา
บ่ได้ตี๋เสนอหน้าพาทีแล้วไกลห่าง
เจ้าผู้พั้วดอกไม้หัวใจอ้ายบ่ห่างนาง.......ดอกหนา
หล่าคำเอ๋ย.....
บ่ได้อยากไกลเจ้าคือนกเขาบินไกลถิ่น
บ่ได้ยินเสยงเจ้าทางจอ้ายดอกห่วงหา
บ่ได้ตี๋เสนอหน้าพาทีแล้วไกลห่าง
เจ้าผู้พั้วดอกไม้หัวใจอ้ายบ่ห่างนาง.......ดอกหนา
ดอกพะยอมสิคืนเหย่า..ใจซายเจ้าสิหวลต่าว
ผู่ยังคอยคือผู่สาว..คนเก่ากี้แต่ก่อนหลัง
คืนมานั่งป้อนข้าว..ดอกกะเดาพวมสิป่ง
หง่าก้านยังแผ่โค้ง..แตกกอรอพี่ซาย..อ้ายเอ๋ย
แก้ไขครั้งสุดท้ายโดย sompoi; 31-07-2009 at 12:02.
มองต่าง..อย่างปลง
ขอนำแหน่
หล่านางเอ๋ยคันน้องคิดฮอดอ้าย
ให้มืนตาใส่น้ำแจ่ว น้ำแจ่วแสบจั่งได๋
ใจอ้ายกะคิดฮอดน้องจั่งชั่น...นางเอ๋ย
หล่คำเอ๋ย......
พอแต่เหลียวเบิ่งฟ้าแหงนเบิ่งดอกดวงดาว
แสงสกาววาววับเด่นดวงอยู่เทิ่งฟ้า
สังมาคือจั่งหน้านงค์คราญเจ้าเนื้ออุ่น
เจ้าผู้บุญหนุนอุ้มนำยู้ดอกส่งซู
เจ้าผู้ตู๋หลูหล่าคนงามไทบ้านส่า
มีแล้วบ้อน้องหล่าคนฮู้ดอกห่อมใจ
หรือว่ามีไผซ้อนซอนบังฮ่มไม้ใหญ่
หรือแม่นมีไผได้หัวใจเจ้าแล้วไป่คุณ
ส่วนว่าบุญพี่ชายนี่สิพอมีบ้างหรือบ่
แม่นว่าบุญมีพอเพียงแคไขจาต้านกับนาน้องกะอุ่นใจ......คำเอ๋ย
ย่อนว่าบุญผลาสร้าง บุพเพนำซ้นส่ง
จั่งได่หลงมาพบพ้อ ซายเจ้าบ่าวทางไกล
ซายผู่มีศรัทธาหมั่นอดสาเว่านำแน่ะเด้อ
นางนิหนาเพียรมาไกลหวังสิได่ซ้นเพิ่ง
ซายผู่พุ่มโพธิ์ซ้อน ปรารถนาสิเพิ่งเย็น..นี่แหลว
อดสาทำกุศลสร้าง..ถางกุศลเอานำแน่..ได่บ่อน้อ
แก้ไขครั้งสุดท้ายโดย sompoi; 13-08-2009 at 09:38.
มองต่าง..อย่างปลง
หล่าคำเอ้ย..ให้เจ้าเอายาว ยาวไว้ คือปลาไหลปิ้งเอี่ยน
อย่าสุเฮ็ดอ้อมป้อม คือจั่งปิ้งไข่มดแดง
อันว่ารถไฟนั้น หากแล่นได้ในรางเดียว
คันมันเทียวพ้อกัน กะให้มันซนกันโลดดดดดดดด เนาะ..
ฮ่าๆๆๆ โอ้ยยน่อผู่ทางเทิ้งนิแม๋ะ ผญาเพิ่นกะดาย..ซั้งคนเด้..
บ่ได่หย่อลัดเลี้ยวให้รถไฟตำกัน..ป่านนั้นด๋อก
บ่ได่มีสัปพะยอกหยอกเอินเลิงไปทั่ว
ไผ๋สิขุดหลุมน้ำหน่อย..ยอกน้ำหลอกปลา..น้อ
ไผ๋สิตั้งต่อหาโตกระต่ายอยู่ในถ้ำ..
ปรารถนาสิเว่านำ..จั่งได่มาจาม่วน..นี่แหลว
แก้ไขครั้งสุดท้ายโดย sompoi; 13-08-2009 at 11:21.
มองต่าง..อย่างปลง
หล่าคำเอ้ย..
กะย้อนได้ยินผญาเจ้า ว่ามักเขาว่าส้านติ
มาแสลงใจชาย ผุจอบฟังอยู่ทางพี้ แท้นอ
เขามีดีอีหยังเจ้า จั่งมักเขาซงคักแน่
ย้อนหล่อเหลาเอาการแท้ หรือเลาเท่ห์ดอกหุ่นแมน
หรือว่าแถนพระอินทร์ปั้น ชายในฝันบ้อน้องพี่
หรือเพิ่นดีทางปากเว้า โตเจ้าจั่งว่าหลง..น้อ นางเอ้ย..เอิ๊กๆๆๆๆๆ
เว้ากันเล่นหยอกกันพอได้ม่วน พอได้ซ้วนเอาไว้ในบทเว้ากล่าวผญา
จารึกไว้ให้รุ่นหล่ามาเห็นได้หวนอ่าน เพื่อสืบสานของเดิมเค้าหวงเอาไว้ให้อยู่คง
บ่ประสงค์อวดโอ้ว่าโตเก่งไปเส็งไผ สิว่าไปตามบทบาทวิถีที่เฮียนฮู้
หวังซ่อยซูซ่อยยู้เติมตื่มกลบท คันบ่ม่วนอดก่อนเด้อ ซามได้เจอ จารย์สะที้ (อาจารย์ศรีสะท้าน)
โอ้น้อบ่าวก๋าคามเอ๋ย
คั่นแม่นใจประสงค์สร้าง แสนสิก่ายกะบ่เว้นดอก..ญาพ่อเอย
เฮาต่างเคยเห็นกันฮ้อยวันพันเทื่อ
คาดสิได่นำเครือ ให้ซายทาวทบทื้น..ซั่นตั้ว
เห็นแต่มาหยอกเล่น ทำเป็นไปลายต่าง
ยุให้ตื่นงาซ้างสะออนแล้วกะเล่าหนี
ปากว่ามักอยู่หนี่ ยามหนีแล้วกะเล่าลืม..ซั่นแหลว
ปล. จะแม่นเพิ่นเคียจะของดีเนาะ..ย่านแต่เขาสิว่ามาจีบเขาอิหลี..หึยยย..จักไผ๋สิไปว่าเพิ่นดอก..(อิอิ..จ่มแน่ะ)
มองต่าง..อย่างปลง
มีแต่คนเก่งๆผญาแท้น้อ...ผุข้ากะมักหลาย ฮั่งแต่งบ่เป็น
ย่อนว่าบ่ใด้เกิดยุอิสาน
Bookmarks