เหมิดเทิงลมหันใจอ้าย บ่มีหลายคำเว้าว่า บอกคิดฮอดแต่ขัวญตา ได้ถามหาย่อนคิดพ้อ อยู่ดีบ้ออ้ายคิดถึง
ความคำนึงอยากดึงฟ้า เข้ามาอยู่คู่เคียงกัน ตามเส้นฝันอยากมีเธอ อยู่เสมอบ่มีเว้น
ความคิดเห็นคำคิดพ้อ ปานหยังน้อสิเทียบไส่ โทรศัพท์คลื่นหัวใจ กดส่งไปแทนค้ำเว้า เป็นแสนเท่าเกิดมิสคอล
เทียบพุ้นบ้อดาวเหมิดฟ้า เม็ดทรายหนาเหมิดโลกเด่ น้ำทะเลในโลกนี้ ยังมีน้อยหากคิดไป
เหลียวเบิ่งในดวงตาอ้าย ทอดเป็นสายความหวงห่วง ความใหญ่หลวงเกินโลกนี้ มีเหลือล้นบนหน่วยใจ
มีอันได๋วัดคุณค่า เทียบอัตตราทางใจพี่ ฮู้แต่ว่าทุกนาที ยังมีลมหายใจได้ ขอฝากไว้ว่าฮักเด้อ
Bookmarks