หน้าที่ 1 จากทั้งหมด 4 หน้า 123 ... หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 38

หัวข้อ: หมูกรอบ กร๊อบ กรอบ มาแล้วจ้า

  1. #1
    ดีเจ นักจัดรายการ สัญลักษณ์ของ บักขามป้อม
    วันที่สมัคร
    Jun 2009
    ที่อยู่
    อิสานบ้านเฮา
    กระทู้
    667
    บล็อก
    5

    หมูกรอบ กร๊อบ กรอบ มาแล้วจ้า


    สวัสดีจ้า พี่น้อง เอื้อยๆ อ้ายๆ ไทบ้านมหาสู่ผู้สู่คนจ้า มื้อนี้บักขามป้อมเอาวิธีการเฮ็ดหมูกรอบมาฝากจ้า คงสิบ่แม่น สอนจรเข้ว่ายน้ำ หรือว่าเอาบักพร้าวห้าวมาขายสวนดอกน้อจ้า

    ตามปกติบักขามป้อมกะกินอยู่ธรรมดาๆ นี่ล่ะจ้า อาหารการกินกะแบบอีสานบ้านเฮาทั่วๆ ไปนี่ล่ะ ขาดบ่ได้แม่นปลาแดก ก๊าก แต่มื้อวานนี้อยากกินกระเพราหมูกรอบจ้า กะเลยไปหาสูตรในเน็ต พ้ออยู่หลายสูตรอยู่จ้าแต่บักขามป้อมเลือกเอาสูตรที่ง่ายที่สุด เป็นสูตรของ
    ป้านัท - ลุงวิทย์ จากครัวไกลบ้านจ้า เบิ่งวิธีการเฮ็ดแล้วกะคงสิบ่ยากเกินความสามารถปานได๋ ตัดสินใจได้แล้วกะเลยไปหาหมูสามชั้นมาซะก่อนดอก

    เครื่องปรุงกะมี
    - หมูสามชั้นติดหนัง
    - เกลือ
    - น้ำส้มสายชู



    หมูกรอบ กร๊อบ กรอบ มาแล้วจ้า


    ได้หมูมาแล้วกะเอามาล้างให้สะอาด เอาน้ำใส่หม้อกะว่าพอให้ท่วมหมูจ้า ตั้งไฟให้เดือด ใส่เกลือลงไปจักช้อน ตามด้วยน้ำส้มสายชูจ้า เอาหมูใส่ลงไป ต้มให้สุกจ้า กะว่าสุกพอดีๆ บ่ต้องถึงขนาดเปื่อยเด้อจ้า


    หมูกรอบ กร๊อบ กรอบ มาแล้วจ้า


    กะว่าหมูสุกแล้วตักขึ้น พักไว้จ้า เอาเกลือใส่จักหน่อย อย่าใส่หลายเด้อจ้ามันจะเค็มโพด ตามด้วยน้ำส้มสายชู กะว่าพอทั่วๆ หมูที่เฮามี เอาส้อมจิ้มๆ ให้ทั่วเลยจ้า หม่องหนังหมูพร้อมให้เครื่องปรุงได้ซึมเข้าไป แล้วกะเวลาทอด น้ำมันจะบ่กระเด็นหลายจ้า


    หมูกรอบ กร๊อบ กรอบ มาแล้วจ้า

    หลังจากนั้นกะให้เอาหมูออกไปผึ่งลมข้างนอกให้มันก้ามๆ หมาดๆ จักหน่อยค่ะประมาณจัก 2 ชั่วโมงค่ะ พลิกกลับไปกลับมาแหน่เด้อจ้า


    หมูกรอบ กร๊อบ กรอบ มาแล้วจ้า


    ช่วงที่ถ่าให้หมูมันได้ที่ กะขอพักกินข้าวก่อนจักหน่อยจ้า บ่ายแล้วตาลาย


    หมูกรอบ กร๊อบ กรอบ มาแล้วจ้า

    กินข้าวเซามีแฮงแล้ว กะได้เวลาทอดหมูกันแล้วจ้า เอาลงกะทะทีแรกน้ำมันกระเด็นแหน่อยู่จ้า ซูมได้ซ่ำนี่ล่ะ ข้อยย้านน้ำมันกระเด็น ก๊าก


    หมูกรอบ กร๊อบ กรอบ มาแล้วจ้า

    ใช้เวลาทอดบ่โดนจ้า เพราะว่าหมูมันสุกแล้วเนาะ ทอดไปลุ้นไป เป็นตาได้กินนำเพิ่นบ่น้อ กรี๊ดดดดด คืออยู่จ้าคืออยู่ ดีใจหลาย


    หมูกรอบ กร๊อบ กรอบ มาแล้วจ้า

    ถ่าให้มันเย็นแล้วหั่นได้เลยจ้า เป็นจั่งได๋ หน้าตาหมูกรอบของบักขามป้อมพอสิไปวัดไปวานำเพิ่นได้บ่จ้า ลองชิมเบิ่งกะแซบอยู่จ้า เค็มๆ มัน ผู้ได๋อยากกินกับข้าวฮ้อนๆ หือสิเอาไปผัดกับคะน้ากะตามใจเด้อจ้า แต่ว่าบักขามป้อมอยากกินผัดกระเพรา ลงไปหาเก็บใบกระเพราจักบาดก่อน


    หมูกรอบ กร๊อบ กรอบ มาแล้วจ้า

    ได้ใบกระเพรามาแล้ว กะล้างน้ำเด็ดใบพักไว้ เบิ่งซงเป็นตาแห้งโพด กะเลยหั่นหอมหัวใหญ่ใส่นำจักหน่อย ใส่ชูรส น้ำปลานิดหนึ่ง ซอสหอยนางรม (ผู้ได๋มักน้ำตาลกะใส่เด้อจ้า แต่บักขามป้อมบ่มักแหม) ตำพริกกับกระเทียม แล้วกะตักลงไปโปะๆ นำกันโลด เตรียมผัดจ้า



    หมูกรอบ กร๊อบ กรอบ มาแล้วจ้า



    เอาน้ำมันใส่กะทะนิดหนึ่ง น้ำมันฮ้อนแล้ว เทลงไปโลด บางคนอาจเจียวกระเทียมกับพริกก่อน อันนั้นกะแล้วแต่มักแบบได๋เนาะจ้า แต่ว่าบักขามป้อมมักแบบนี้ (เห็นร้านตามสั่งคะเจ้าเฮ็ดหั่นหนา) ถ้าแห้งหลายกะเติมน้ำซุป หรือน้ำเปล่าลงไปได้เด้อจ้า

    หมูกรอบ กร๊อบ กรอบ มาแล้วจ้า

    สุกแล้วจ้า มาเด้อจ้าพี่น้องมากินข้าวนำบักขามป้อมจ้า ท้ายสุดและสุดท้ายกะขอขอบคุณสูตรดีๆ จาก ป้านัท - ลุงวิทย์ จากครัวไกลบ้านจ้า ที่เฮ็ดให้บักขามป้อมมีหมูกรอบเป็นของเจ้าของ แล้วยังได้เอามาฝากพี่น้องบ้านมหาเฮานำจ้า เชิญแซบจ้า

  2. #2
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,728
    ป้าดดดดดด เป็นตากินแท้น้อ ..ภาพกะงามๆ..
    เฮ็ดกับแกล้มกะดีเนาะครับ

  3. #3
    Membership renewed สัญลักษณ์ของ siranee
    วันที่สมัคร
    Jul 2008
    ที่อยู่
    ลาดกระบัง54(วัดศรีวารีน้อย)
    กระทู้
    986
    หมูกรอบ หน้าตาดีตาแซบจ้า...

  4. #4
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,172
    บล็อก
    9
    น่ากินจังเลยค๊า ปุ้ยเคิยเฮ็ดอยู่ครั้งหนึ่ง เวลาทอดน้ำมันฟ่งทั่วครัวเลย
    ต้องเอาไปต้มก่อนแล่วก็ผึ่งแดดติ้จ้า คราวหน้าซิลองทำอีกค๊า

  5. #5
    ร่วมถ่ายทอดความรู้สู่สังคม
    วันที่สมัคร
    Mar 2007
    กระทู้
    1,273
    หน้าตาของหมูกรอบผ่านครับ แต่หนังไม่ค่อยพองนะครับ แต่กะถือว่าสวยงามมากสำหรับครั้งแรก วิธีเฮ็ดไห่หนังพองสวยๆ คือ พอทอดจนได้ที่แล้วแห้งดี กรอบดีแล้ว ก็เอาขึ้นพักให่สะเด็ดน้ำมันก่อนนะครับ แล้วตั้งกะทะใส่น้ำมันให้มันร้อนอีกเทียนึง แล้วจังเอาหมูลงทอดอีกรอบ รับรองหนังสิกรอบพองสวยงามมาก ถ้าจะให้ดี ต้องทำหมูเป็นแผ่นใหญ่ๆ เวลาทอดเฮาสิได้พลิกเอาด้านที่เป็นหนังลงง่าย พอได้ที่กะจั่งเอามาตัดแบ่งเป้นชิ้นน้อยๆ ไว้ถ่าเฮ็ดกินครับ ถ้าเฮ็ดหมูเป็นเส้น หรือ ต่อนน่อยๆมันจับตั้งเอาหนังลงไม่สะดวกครับ
    แก้ไขครั้งสุดท้ายโดย เซียงสีผีเป้า; 26-01-2011 at 15:56.

  6. #6
    ดูแลตรวจสอบเนื้อหา สัญลักษณ์ของ แหลวแดง
    วันที่สมัคร
    Mar 2008
    กระทู้
    2,194
    กระทู้ต้นฉบับโดยคุณ เซียงสีผีเป้า
    หน้าตาของหมูกรอบผ่านครับ แต่หนังไม่ค่อยพองนะครับ แต่กะถือว่าสวยงามมากสำหรับครั้งแรก วิธีเฮ็โห่หนังพองสวยๆ คือ พอทอดจนได้ที่แล้วแห้งดี กรอบดีแล้ว ก้เอาขึ้นพักให่สะด็ดน้ำมันก่อนนะครับ แล้วตั้งกะทะใส่น้ำมันให้มันร้อนอีกเทียนึง แล้วจังเอาหมูลงทอดอีกรอบ รับรองหนังสิกรอบพองสวยงามมาก ถ้าจะให้ดี ต้องทำหมูเป็นแผ่นใหญ่ๆ เวลาทอดเฮาสิได้พลิกเอาด้านที่เป็นหนังลงง่าย พอได้ที่กะจั่งเอามาตัดแบ่งเป้นชิ้นน้อยๆ ไว้ถ่าเฮ็ดกินครับ ถ้าเฮ็ดหมูเป็นเส้น หรือ ต่อนน่อยๆมันจับตั้งเอาหนังลงไม่สะดวกครับ

    หมูกรอบสวยงาม ผัดเป็นตาแซบ ได้ข้าวจักสองจานคือสิอิ่มพอดีเนาะคับเนาะ และคำแนะนำของอ้ายเซียงสีฯกะเป็นประโยชน์หลายๆ แนะนำแบบมืออาชีพเฮ็ดขายเลย สุดยอดทั้งสองคับผม

  7. #7
    แบ่งปันความรู้และประสบการณ์
    วันที่สมัคร
    Feb 2009
    ที่อยู่
    สวิส....พะนะ
    กระทู้
    608
    ป้าดมาเป็นตาแซบแท้ โอ้ยน้ำลายไหลหิวเข่าพ้อมพี่น้องเอ้ยยยยยยย

  8. #8
    ขอบคุณจ้าสำหรับสูตร อยากกินนำแท้จ้า ตาแซบแฮง

  9. #9
    กรอบคักเนาะ เบิ่งแล้วหิวข้าวยามเดิกเลยจ้า....

    อาวเชียงสี...แล้วทอดจังใด๋จังสิบ่แตกน้ำมันกระเดนกระดอนทั่วครัวหละ บอกวิธีแหน่เป็นหยังอาว...
    ข่อยทอดยามใด๋ว่าแม่นระเบิดลงครัวกะยังว่า...55++สงสัยทอดผิดวิธีบุ...

  10. #10
    ร่วมถ่ายทอดความรู้สู่สังคม สัญลักษณ์ของ ไผ่หวาน
    วันที่สมัคร
    Jun 2009
    ที่อยู่
    PATTAYA CITY
    กระทู้
    770
    บล็อก
    14
    ทีแรกกะตกใจเหมิด ผึ่งหมูไว้ดี ๆ พอทอดแล้วบัดกลายเป็นปลา ได๋แท้เซากินข้าว
    มีต่อภาค 2 เนาะ สิลองเฮ็ดกินเบิ่งจักเทือยุดอก ทอดกินกับส้มตำกะคือสิเข้าท่ายุเนาะ

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •