ต้มยำปลากระพง

[ฅนภูไท]

ต้มยำปลากระพง

มื้อนี้ฅนภูไท สิเฮ็ดต้มยำปลากระพงสู่กินเด้อครับ สูตรนี้เป็นสูตรของฅนภูไทเองรับประกันความแซ๊บ มาเบิ่งวิธีการเฮ็ดกันเลยครับ



เครื่องปรุงกะมี ปลากระพง ข่า ตะไคร้ ใบมะกรูด พริกชี้ฟ้า พริกขี้หนูสวน ผักชีผรั่ง ใบกระเพรา บักเขือเทศ บักนาว มะขามเปียกแล้วกะเห็ดฟาง



ทีนี้กะมาเริ่มเฮ็ดกันเลย ก่อนอื่นกะเอา ปลากระพงไปแช่น้ำเกลือจักสามสิบนาทีแล้วกะล้างออกเพื่อดับกลิ่นคาว เสร็จแล้วเอาน้ำซุปใส่หม้อขึ้นตั้งไฟให้เดือดพอน้ำเดือดแล้วใส่ข่า ตะไคร้ใบบักกรูด พริกชี้ฟ้าลงไป แก้วกะใส่ส่วนที่เป็นกระดูกลงไปก่อน ปิดฝาไว้จักห้านาทีแล้วจั่งใส่เนื้อปลาลงไป



ใส่เห็ดฟาง ผักชีฝรั่ง พริกขี้หนูสวนทุบ บักขามเปียกลงไป(บักขามเปียกใส่นิดหน่อย)



ใส่บักเขือเทศ แล้วกะใส่ใบกระเพราลงไป ยกหม้อลง แล้วใส่น้ำบักนาวลงไปปรุงรสตามใจชอบ



ตักใส่ถ้วยหรือหม้อไฟเสริฟกำลังฮ้อนๆ กินกับข้าวสวย หรือสิกินเป็นกับแกล้มกะสุดยอด
8)



เคล็ดลับ เวลาใส่ปลาลงไป อย่าคนเด้อมันสิคาว แล้วกะอย่าให้ปลาสุกจนเกินไปเนื้อปลาสิเละครับ

[pui.lab]

เจ๊ชอบอาหารประเภทปลาอย่างมาก เช่น ปลาร้า ปลาจ่อม ที่สำคัญปลาแคน(กระป๋อง) ::)

ยอมรับบ่าวป๋องเป็นแม่ศรีเรื่อนที่ดีมาก ใครได้เป็นสะใภ้ อุ๊บ เขย บ่ผิดหวัง

[ขอโทษที่คิดถึง...เด็กดื้อ]

เว้ามาอยากกินข้าวอีกแท้ฮึ...เป็นตาแซ๊บเน๊าะ
ให้เด็กน้อยกินนำแนะเด้ออ้ายปอบจ๋า...
สิเลือกกินแต่ต่อนปลาดอกน้ำให้อ้ายซดซะ...55555 8)

[lukhin_inter]

เจ๊ชอบอาหารประเภทปลาอย่างมาก เช่น ปลาร้า ปลาจ่อม ที่สำคัญปลาแคน(กระป๋อง) ::)

ยอมรับบ่าวป๋องเป็นแม่ศรีเรื่อนที่ดีมาก ใครได้เป็นสะใภ้ อุ๊บ เขย บ่ผิดหวัง

...ลูกหินเห็นด้วย ๆ ๆ ผุใด่ได้อ้ายภู...ไปเป็นสะไภ้..หรือได๋หน๊อนี่...คือสิ บ่ผิดหวังอีหลี..ป๊าด..กุ๊ก ชัด ชัด เด้นี่ ...

[มั่วหน่าฮ่าน]

ขอจักถ้วยแหน่บ่าว...พอได้กับแกล้ม ตอนนี่มีแต่รีเจนซีซั่นดอก...ซดน้ำฮ้อนๆเบิ่งเด้เน๊าะ...

[pairoj]

น่ากินขนาด..น้อ.....

[Sweet_M]

ป้าดดด อาหารแต่ละอย่างที่อ้ายภูเฮ็ดเป็ดตาแซ่บทั้งนั้น ....ขอแน่อ้ายจักถ้วย....

[สาวส่าเมืองอุดร]

ขอจักถ้วยแน่อ้าย...เป็นตาแสบแท้ จอยหัวกะฮู้เด้อว่าบ้านพ่อมหากะมีพ่อครัว..คนเก่งคือกัน สุดยอดจ้าอ้าย8)

[นัยกระจอก]

ป้าดดดดดดดดดดเป็นตาแซบเนาะ จักโปกแน่ อิอิ:g

[นวรัตน์]

ขอไปตักข้าวสวยร้อนซักจานก่อนเด้อ สิเอามากินกับต้มปลา เป็นตาแซ่บหลาย8)