หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 20

หัวข้อ: ยามไฮ่ยามนา

  1. #1
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179

    ยามไฮ่ยามนา

    ฟ้าฮ่ำฮ้องเสียงสะเดิดภายบน
    สายละอองฝนหยาดลงฮำพื้น
    ผืนดินแห่งเคยแดงแล้วผัดซุ่ม
    ไหลลงคุ่มบ่อนคล้อยปลาน้อยขึ้นท่องทวน

    อึ่งกบเขียดเล่าล้วน คันคากสะออนฝน
    มันหากวนหาเลาะ แหล่งหนองผสมเซื้อ
    บางผ่องเฟือเฟือยไม้ คลานไปเต้นกระโดด
    ฟังเสียงอ๊ดอ๊ดฮ้อง ดังก้องแข่งฝน

    ฝูงหมู่คนกะโดยด้าม เถิงยามสิไถหว่าน
    พากันเตรียมบ่คร้านแนวกล้าสิหว่านยาย
    ไปเป็นสายกะเทิงฟ้าว จูงงัวควายทั้งผัดเหยี่ยว
    หนทางเทียวกะแฮ่งจื้น ขี้ตมฟ้งกะผ่องกัน

    ผู้ทางเฮือนว่านั้นจัดแต่งดีดา
    ถวยจากภาลาจังหัน แบ่งปันอาหารเซ้า
    จัดหาแนวกินเข่า พริกเขือเกลือปลาแดก
    ครกก้นแตกไม้แก่นหล่อน เอาไปต้อนผู้อยู่นา
    .........................................

    เถิงฤดูเดือนแปดเข่า เนาว์พรรษาอัฐมาส
    พฤกษาชาติป่งปี้น แผ่นดินจื้นซุ่มฝน
    ฝูงหมู่คนยินดีล้ำ กสิกรรมนาไฮ่
    กบเขียดฮ้องเสียงใส ออกวางไข่อยู่บวกน้ำตากล้าป่าสะแบง
    ผักกะแยงเขียวอั้ว ผักลืมผัวทาวเครืออ่อน
    ปลาเข็งนาสะเดิดบ้อน หาไหย่เหยื่อกิน
    เจิดลงดินเห็นแมงเต้น นกกระเต็นสบแดงสวก
    เสียงควกควกป่าติ้ว จอนฟอนหม่นส่องงู
    ลูกกะปูพากันย้าย ย่างเป็นสายนำโตแม่
    ข้างคันแทโพนอุ่มเหม่า ยามเซ้าสว่างตา


    ยามไฮ่ยามนา
    แก้ไขครั้งสุดท้ายโดย ศรีสะท้าน; 14-07-2009 at 05:15.
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  2. #2
    มิสบ้านมหา 2010
    ศิลปิน นักเขียน
    สัญลักษณ์ของ เขมราฐ
    วันที่สมัคร
    Sep 2008
    ที่อยู่
    กลางท่งเมืองเขมฯ
    กระทู้
    1,946
    มันเป็นอดีตไปแล้วคะอ้ายศรีฯ ตอนนี่นา้น้องเขมยังแห้งไหง่เป็นผง ฝนบ่ท่องบ่เที่ยวคือแต่ก่อนแล้วค่ะ

    จั่งแม่นเว้าหยังขึ้นกะม่วนโลดเนาะค่ะ

  3. #3
    แบ่งปันความรู้และประสบการณ์
    วันที่สมัคร
    Jun 2009
    ที่อยู่
    ทำงานที่อำเภอพรเจริญ จ.หนองคาย
    กระทู้
    107
    วัฒนธรรมของอิสาน
    บ้านเฮาเปลี่ยนไปมากเลยหนอ
    อย่างการทำนาที่คุณศรี ฯ เขียน
    แต่ก่อนทำเพื่อเลี้ยงปากท้องคนในครัวเรือน
    ปัจจุบัน ทำเพื่อการค้า
    คนต้องการสะดวกสบายมากขึ้น
    ชีวิตจะเร่งรีบเหมือนคนในเมืองหลวง
    การอยู่จากพึ่งพาอาศัย ข่อยให้เจ่า เจ่าให้ข่อย
    จะเปลี่ยนเป็นเจ่าซื้อข่อย ข่อยซื้อเจ่า
    เกือบทุกอย่าง ไม่พึ่งพาอาศัยกันแล้ว
    ยุคเราใช่...
    แต่รุ่นลูก หลาน แน่นอน
    เปลี่ยน
    แล้วใครละทำให้เปลี่ยน
    พ่อ กะ แม่ รึ
    ไปโรงเรียนลูก ๆ
    โตมาจะเป็นเจ้าคนนายคน
    มีบางไหมที่พ่อ กะแม่
    พูดว่า ใตมา เรียนจบสูง ๆ (ปลายมะพร้าว กระแล้วแต่)
    จะได้มาพฒนาบ้านเรา...
    ตอบ ไม่มี
    ครู บาอาจารย์
    สอนเด็กให้มาพัฒนาบ้านตัวเองไหม
    หรือสอนแต่วิชาการ...
    หรือ ท่านศรี ฯ มีความเห็นต่าง....

  4. #4
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    กาฬสินธุ์ดินดำน้ำซุ่ม
    ปลากุ่มบ้อนคือแข้แก่งหาง
    ปลานางบ้อนคือขางฟ้าลั่น...

    อาจารย์ศรีครับ....ปลากุ่ม ปลานาง เป็นโตจั่งได๋ครับ
    พี่น้องทางสารคามอยากฮู้แหม๋...ขอความกรุณาคับ

  5. #5
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    กระทู้ต้นฉบับโดยคุณ บ่าวก๋าคาม
    กาฬสินธุ์ดินดำน้ำซุ่ม
    ปลากุ่มบ้อนคือแข้แก่งหาง
    ปลานางบ้อนคือขางฟ้าลั่น...

    อาจารย์ศรีครับ....ปลากุ่ม ปลานาง เป็นโตจั่งได๋ครับ
    พี่น้องทางสารคามอยากฮู้แหม๋...ขอความกรุณาคับ
    ปลากุ่ม เป็นปลาสร้อยเกล็ดถี่ เกล็ดเล็กบางและมีสีน้ำเงินเป็นประกายเมื่อต้องแสงแดด มักอยู่รวมกันเป็นฝูง
    ส่วนปลานาง หรือปลาแดง เป็นปลาในตระกูลปลาเนื้ออ่อน ปลาเซียม ไม่มีเกล็ด ลำตัวแบนเรียวยาว ต้นหางโค้งงอเล็กน้อย ตอนหัวกว้าง มีหนวด 4 เส้น ยาวประมาณ 60 เซนติเมตร พะนะ
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  6. #6
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    ขอบคุณครับ..อาจารย์ศรี... ขอบคุณมาก ๆๆๆๆๆๆๆๆๆ ครับผม

  7. #7
    แบ่งปันความรู้และประสบการณ์ สัญลักษณ์ของ แดงน้อย
    วันที่สมัคร
    Nov 2008
    กระทู้
    156
    บล็อก
    1
    อ้ายๆ.. อุ่มเหม่า.. แปลว่าหยังจ้า.. สิว่าส่อบ่อน้อ ต่อมสงสัยมันทำงานจร้า..อิอิ

  8. #8
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773

    ยามนา ยามนี้

    ยามนา ยามนี้ บ่อคือกี้ก่อนเก่า อาจารย์ศรีลาวเว้า คงเค้าแต่เก่ามา

    ม่วนหลายเด้ ลุงป้า อาว อา น้อง พี่ แต่ตกมาสมัยนี้ เป็นที่หน่ายสะอาง

    ฝนตกมาฮำแผ่นพื้น สารเคมีเริ่มลงท่ง พ่นคุมฆ่าป่าหญ้า เหม็นกุ้มบาดย่างกาย

    ตาเหลือใจเอาฮ้าย ฝูงตั๊กแตน จีหรีด-หล่อ จีนายและเขียนน้อย หายจ้อยแทบบ่อมี

    ฝูงปลาหลบแล่นลี้ นอนอยู่บ่อเป็นสุข คือจั่งไฟลามลุก ตนโตฮนฮ้อน

    ด่อน ด่อน เจ็บแผลเปื่อยย้อย เป็นแป้วทั่วไป จักมื้อได่แหล่วคนเฮาสิฮู้เหมื่อ

    หรือรอให้ชีวิตม้อดม้วย ฮอดหลาน หล่อน กะรับกรรม ....นั่นแล้ว..พี่น้องเอย

  9. #9
    แบ่งปันความรู้และประสบการณ์
    วันที่สมัคร
    Feb 2009
    ที่อยู่
    สวิส....พะนะ
    กระทู้
    563
    มักมาอ่านกลอนอ้ายทิดศรี อ่านไปกะคึดพ่อตอนเจ้าของเป็นเด็กน้อยขั่นแมนสมัยนี่กะย่านแม่นเป็นคืออ้ายทิดจ่อยเลาเว่ายุดอกสมัยนี่นากะมีตะสารเคมีย่อนคนมันขี้ค้านขึ้นพอมีโตส่อยแนกะฟ่าวซื้อมาใส่โลดบ่อได้คึดวามันสิมีผลกระทบกับหยังแน...สู้เฮ็ดไฮ่เฮ็ดนาแบบสมัยก่อนกะบ่อได้

  10. #10
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    อ้างถึง อุ่น:อ้ายๆ.. อุ่มเหม่า.. แปลว่าหยังจ้า.. สิว่าส่อบ่อน้อ ต่อมสงสัยมันทำงานจร้า..อิอิ

    อุ่มเหม่า กะหมายถึง พุ่มต้นเม่า(หมากเหม่า)นั้นแหมเธอ ส่วนคำว่าโพน คงบ่ต้องบอกเนาะ เหอ ๆ ๆ

    แนมข้าวเขียวอ่อนดั้ว เต็มทั่วผืนนา
    เห็นสะออนตา ยอดซอนแซมซ้อน
    ออนซอนหล่า ยามนากล้าป่ง
    ย่างลงท่ง ฟังเสียงกบเขียดฮ้องสะหยองห่าวหย่าวใส่กัน

    ปลาสิ่งนั้น เลาะลอดนำกอ
    กกข้าวดอพวมเขียว ทั่งเฮียวใบส่วย
    ผักพีพวยลอยน้ำ อยู่แคมสาปลาตอด
    เสียงก้อดก้อด คันคากกัดแข่วฮ้อง ฝนสิย้อยหย่าวลิน

    ปล.บ้านไทอุบล ทางเขมราฐแล้ง กะมาข้าวทางพี่เด้อ บ่ให้ลำขอดอก เฮ่อ ๆ ๆ
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •