กำลังแสดงผล 1 ถึง 3 จากทั้งหมด 3

หัวข้อ: ฮ่ำฮี่ฮ่ำฮอน

  1. #1
    ศิลปิน นักเขียน สัญลักษณ์ของ maanoy
    วันที่สมัคร
    Jul 2006
    กระทู้
    2,271

    ฮ่ำฮี่ฮ่ำฮอน

    ฮ่ำฮี่ฮ่ำฮอน.คองคอยท่า จนข้าวใหม่มาเถิง คองคอยเหิ่ง จนข้าวปลา นาแล้ว
    คอยยอดแก้ว คอยไป บ่มีค่า คอยจนว่า ข้อยเฒ่า ตัวเจ้าไปอยู่ไส
    คอยอยู่ไฮ่ เจ้ากะบ่มา คอยอยู่นา เจ้ากะบ่อ่วย คอยอยู่ห้วย ทะเลกว้าง กะบ่เห็น
    หรือเจ้าไปหาเล่น นอนเว็นนำผู้บ่าว จั่งบ่ต่าวสู่บ้าน คืนหาอ้ายผู้อยู่คอย
    หรือใจลอยไปนำชู้ ให้เขาถูลูบคลำเบิ่ง อ้ายคอยเหิ่ง จนควายด่อน ออกลูกน้อย คอยแล้วกะบ่มี
    หรือเจ้าหนีไปหาเล่น หลงป่าดงหนา จั่งบ่กลับมาหาบ่าวพี่ชายอยู่ทางพี้
    หรือผีมันจับหัวไว้ บ่ให้ไปในทางอื่น คอยเหมิดคืนจนซอดแจ้ง ตะเว็นขึ้นกะบ่มา
    อ้ายไปก่อนเด้อหล่า ชาติสิมาเจอกันใหม่ ชาตินี้คงบ่ได้ ไปเอาพุ้นชาติสิมา เด้อนางเอย

  2. #2
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    คนบ่มีใจอยู่ไปบ่มีค่า
    นางอยู่ในใจอ้าย
    ซุแลงเช้าเจ้าบ่เห็น
    หรือว่านางผุน้อย
    อ้ายพี่บ่สนใจ
    หรือว่าไกลสุดตาใจชายลึกล้ำ
    หรือว่าสาวหลายล้นในใจอ้ายพี่
    สังบ่เห็นน้องนี้จั่งมาฮ้องเฮียกหา

  3. #3
    ร่วมถ่ายทอดความรู้สู่สังคม สัญลักษณ์ของ รินเมืองร้อยเกิน
    วันที่สมัคร
    Aug 2008
    ที่อยู่
    เกษตรวิสัย - ร้อยเอ็ด
    กระทู้
    368
    ฮ่ำฮี่ฮำฮอน นำเจ้า ผุสาวเก่าของอ้าย
    คิดฮอดเจ้าหลาย ไม่วาย กินข้าวบ่ายน้ำตา
    เจ้ายุไสหล่า ห่วงหา ทุกเซ่าแลง
    หรือฟ้าดินแกล้ง นวลน้อง จึงห่างไกล...

    :heart::heart::heart:

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •