กำลังแสดงผล 1 ถึง 10 จากทั้งหมด 10

หัวข้อ: ...เธอคือดาวบนฟ้า ผลาอ้ายได้เแต่มอง....

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    ...เธอคือดาวบนฟ้า ผลาอ้ายได้เแต่มอง....


    ...เธอคือดาวบนฟ้า ผลาอ้ายได้เแต่มอง....


    เธอคือดาวบนฟ้า วาสนาได้แค่มอง

    ยามเหลียวมองดาวบนฟ้า มาเทียบค่านำเจ้าของ ไอละอองกลิ่นความฝัน ซ่ำอ้ายหันดมดอกไม้

    ตากับใจสัมผัสเจ้า แอบซบเงาความฝันไผ่ ปราถนาเผิ่นซ่ำได๋ มะซ่างไกลกันคักแท้ แค่รองเท้ากะต่างกัน

    มีเพียงฝันสัมผัสฟ้า แค่เพียงตาได้เหลียวเบิ่ง วาสนาอ้ายบ่เถิง ตกกองเพลิงยามฮักเจ้า สิร้อนเร่ากะแม่นทน

    เจ้าเป็นคนนั้นเด้อหล่า อ้ายเกิดมาเพื่อฝันไฝ่ แม่นสิฮักจนสุดใจ แต่กะไกลเกินสิเอื้อม เป็นแสงเหลื่อมแค่ผ่านตา

    วาสนายามชิดไกล้ เธอไปไสเพียงเดินผ่าน ฟังเสียงหวานยามเผิ่นเว้า กับเขานั้นเมื่อลักฟัง

    สุขเกินหยังยามฝันว่า กอดขัวญตาอยู่ล้องล่อง แอบหลอยมองยามคิดฮอด แล้วหยอดยิ้มไส่กระเป๋า

    คู่กับเขานั้นเด้อหล่า ดาวกับฟ้าจั่งสิแม่น อ้ายขอแหงนแพนตาจ้อง มองเห็นแล้วกะชื่นชม คนงามเอ๊ย



    .
    แก้ไขครั้งสุดท้ายโดย sompoi; 24-01-2010 at 09:33.


  2. #2
    แบ่งปันความรู้และประสบการณ์ สัญลักษณ์ของ สาวพุเตย
    วันที่สมัคร
    Apr 2009
    กระทู้
    332
    กรี๊ดดดดดดดดดดดดดดดดดดดดดดดด ม่วนหลาย ม่วนหลายอ้าย....


  3. #3
    แบ่งปันความรู้และประสบการณ์ สัญลักษณ์ของ กะแยงนา
    วันที่สมัคร
    Apr 2009
    กระทู้
    220
    บล็อก
    2
    กินใจอ้าย กินใจ....

  4. #4
    แบ่งปันความรู้และประสบการณ์ สัญลักษณ์ของ หน่อยเบล
    วันที่สมัคร
    Dec 2008
    กระทู้
    138
    ขอแหงนเบิ่งนำแหน่เด้ออ้าย
    :g-:g-

  5. #5
    โดนใจอีกแล้วครับอ้ายโจ่โล่..มาคือใด่อารมณ์แท้น้อครับ

  6. #6
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961


    วาสนาผลาอ้าย ได้แต่ชายตาเหลียวเบิ่ง เอื้อมบ่เถิงดอกน้องหล่า เจ้าซ่ำฟ้าอ้ายซ่ำดิน

    ความถวิลบ่หวนได้ คิดในใจพอเป็นอยู่ แต่หวังคู่ไปเคียงน้อง ย่านครองแชมป์ผู้ผิดหวัง

    ขอระวังเจียมโตไว้ ดาวแสนไกลใจแสนห่าง เหลียวเบิ่งทางไปคู่เจ้า แค่เพียงเว้าให้เผิ่นหยัน

    ดาวกับจันทร์อยู่เทิงฟ้า เพียงสายตาได้เหลียวเบิ่ง บุญบ่เถิงเด้อน้องหล่า ผลาอ้ายได้แค่มอง

    แจกันทองพุ้นเด้อหล่า ปักดอกฟ้าจั่งสิแม่น ปักดินแก่นพอซ้ำอ้าย สิตายแล้งแห้งอยู่ดิน

    แค่ได้ยินสำเนียงเว้า ดอกหญ้าเยาคือฝนสาด พอได้วาดฝันน้อย น้อย กับหลอยยิ้มกะแม่นไค น้องหล่าเอ๊ย



    .


  7. #7
    อ้ายยังเคยกล่าวเว้า
    ขั้นว่านางเป้นฟ้า
    อ้ายสิเป็นดารา
    เป็นดาวมาเคียงคู่
    ขั้นนางอยู่ฟากน้ำ
    ก้อนคำอ้ายสิเป็นปลา
    เป็นมัจฉาวังวน
    เทียมนวลนางน้อง
    นางเป็นดาวยุฟ้า
    บาคานสิเป้นคู่
    อยู่เป็นลมจ้อยๆ
    เย็นซ้อยพัดอีนาง
    ขั้นว่านางเป้นตะเว็นฮ้อน
    สีมอนสิเป็นเมฆ
    กั้นเอกแสงฮ้อนๆ
    อีนางน้องอยู่ซุยาม
    บัดมาฮอดยามนี้
    อ้ายพี่มามองดาว
    เหลียวเบิ่งเดือนจันทร์พราว
    ต่างหน้าพะนวลน้อง
    สังมาเผียบนางหล่า
    คือดาราไกลก่อง
    สังมาเผียบอีนางน้อง
    คือฟากฟ้าสว่างวง
    ลืมแล้วบ๋อเคยจาเว้า
    เอาสิอยู่เพียงสอง
    อ้ายยังฮองผมนาง
    แนบนิงอิงซ้อน
    ผัดว่ายามไกลหล่า
    วาจาสังมาต่าง
    เคยอักนางตั้งแต่กี้
    หรือลืมแล้วอ้ายพี่จ๋า

  8. #8
    Moderators สัญลักษณ์ของ ต่าย
    วันที่สมัคร
    Nov 2007
    ที่อยู่
    เชียงใหม่
    กระทู้
    1,244
    บล็อก
    5

    ความเยือกเย็น ไผน้อดาวบนฟ้า

    ไผน้อดาวเทิงฟ้า ผลาอ้ายได้เพ้อนำ ก่ำกาดำคือจั้งน้อง อ้ายสิมองแน่บ่น้อ
    คนมอซอจาบ่หวาน อ้ายบ่อ่านทางสายตา จ่ายผญากะบ่ซึ้ง อ้ายบ่ทึ่งนำนาง ซั่นแหล่ว
    ขอเป็นแนวหิ่งห้อย อ่อยอ่อยแสงแข่งดารา ให้สายตาอ้ายส่องเห็น ยามตะเวนหลีกคล้อย ซั่นน้ออ้าย......อิอิ
    ******
    ฮ่วย ต่ายมาฝึกผญา บ่ได้อ้อนอ้ายโจเด้อจ้า คิคิ:1-

  9. #9
    ยังบ่อลืมดอกเด้อน้องความฮักสองเฮายังอยู่
    กึงซิไกลสุดกู่ถึงซิแย่คั้วโลกอ้ายนั้นซิด้นหา
    อั้นว่าชาตาอ้ายฮักนางหลายดอกน้องหล่า
    แม่นซิสูงเสียดฟ้าถึงซิไกลลับตาตัวอ้ายบ่อเคยหวั่น
    อั้นว่าสองเฮานั้นฮักมั่นแก่นกันคือเก่า
    ผลาบุญของเฮาสองๆให้สมปองครองรักกันเด้อ..:heart:..นางเอ้ย

  10. #10
    แบ่งปันความรู้และประสบการณ์ สัญลักษณ์ของ บ่าวผู้ดี
    วันที่สมัคร
    May 2009
    กระทู้
    270
    โดนใจคั่ก ผลาอ้ายใด้นั่งมอง

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •