หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 25

หัวข้อ: ....ขอเสียงเจ้า เว้าเติมใจ....

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    ....ขอเสียงเจ้า เว้าเติมใจ....


    ....ขอเสียงเจ้า เว้าเติมใจ....



    เห็นหน้าจอบ่น้อหล่า ยามโทรหากดรับแน่ ขอเสียงหวานเจ้าซ่อยแก้ ยามอ้ายแย่และออ่นแฮง

    ขอแสดงความคิดฮอด ไกลออ้มกอดปลอดยิ้มส่ง แนวเดียวคงแทนหน้าเจ้า คือเสียงเว้าว่าคิดถึง

    ถ้อยคำจาบ่ลึกซึ้ง มีแนวหนึ่งยังคงเดิม บวกและเติมความห่วงหา ฮักหนักหนา คำจาเว้า

    โปรดรับเอาความคิดฮอด คือแสงสอดลอดเมฆหม่น หนาวลมฝนมีแดดจ้า พอน้องหล่าได้อุ่นคีง

    ถ้อยความจริงที่จาเว้า ถ้อยความเล่ากะคือเธอ มื้อนี้เด้ออ้ายเหมื่อยแฮง หล่าคำแพงคิดถึงน้อง

    เสียงคลายหมองจองเด้อหล่า คำเว้าจาซ่อยฝากส่ง กดเบอร์ตรงมาหาน้อง ประคองอ้ายมื้อเหมื่อยแฮง แน่เด้อจ้า



    [4SHARED]http://www.4shared.com/embed/214245537/fee25f69[/4SHARED]



    แก้ไขครั้งสุดท้ายโดย บ่าวโจ่โล่; 11-06-2011 at 21:09.


  2. #2
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,728
    ป้าดดดดดดดด..มากลอนได๋ บทได๋กะยังคมคือเก่า ซึ้งคักอ้ายเอ๊ย....

  3. #3
    ลานบุญ
    Guest
    อยากเป็นผู้หญิงคนนั้นที่อ้ายกดเบอร์โทรหาเด้จ้า สิเป็นกำลังใจให้แบบบ่อขาดหายเลยจ้า ผู้หญิงคนนั้นเป็นตาโชคดีเนาะจ้า อุ้ย....ซึ้งแท้น้ออ้ายเอ้ยยยยยยยยยยย

  4. #4
    แบ่งปันความรู้และประสบการณ์ สัญลักษณ์ของ สาวพุเตย
    วันที่สมัคร
    Apr 2009
    กระทู้
    332
    :g-:g-:g-:g- "ขอยืมส่งให้พุบ่าวแน่เด้ออ้าย เฮ่อ ๆ ๆ"

  5. #5
    ผู้ช่วยผู้ใหญ่บ้านมหา สัญลักษณ์ของ มั่วหน่าฮ่าน
    วันที่สมัคร
    Jan 2007
    กระทู้
    1,963
    เห็นหน้าจออยู่ดอกจ้า แต่กดหาอ้ายบ่ได้ ผัวน้องนั่งอยู่ใกล้ กดไปเดียวมันถีบ

    ถ้าอยากจีบให้กดใหม่ ยามมันไปดอกเฮ็ดงาน น้องสิส่งคำหวาน จ้อกันให้มันม่วน

    คึดฮอดอ้ายล้วนๆ แต่ผัวกวนอยู่บ่เซา เหงากายพอทนได้ แต่เหงาใจคึดฮอดชู้

    บ่เป็นตาอยู่ซั่นแหล่ว..พี่ซายเอ๋ย


    ปล. เข้ามาแซวซือๆดอกจ้า...เอิ๊กๆ...

  6. #6
    ร่วมถ่ายทอดความรู้สู่สังคม สัญลักษณ์ของ สาวธาตุเชิงชุม
    วันที่สมัคร
    Apr 2007
    กระทู้
    660
    ความรักความคิดถึง เปรียบเหมือนกับจรวดนั้นละจ้า ติดเครื่องบาดใด ให้ใจบอกฮักเผิ่นโลด ความรักมีค่าแม้ว่าเขาบ่เห็นว่ารักนั้นสำคัญ เพราะค่าของรักอยู่ตรงหัวใจว่าซั่น อิอิ

  7. #7
    แบ่งปันความรู้และประสบการณ์ สัญลักษณ์ของ สาวพุเตย
    วันที่สมัคร
    Apr 2009
    กระทู้
    332
    "เห็นหน้าจออยู่ดอกจ้า แต่กดหาอ้ายบ่ได้ ผัวน้องนั่งอยู่ใกล้ กดไปเดียวมันถีบ

    ถ้าอยากจีบให้กดใหม่ ยามมันไปดอกเฮ็ดงาน น้องสิส่งคำหวาน จ้อกันให้มันม่วน

    คึดฮอดอ้ายล้วนๆ แต่ผัวกวนอยู่บ่เซา เหงากายพอทนได้ แต่เหงาใจคึดฮอดชู้

    บ่เป็นตาอยู่ซั่นแหล่ว..พี่ซายเอ๋ย"

    มั่วหน้าฮ้าน +++++++++

    ฮิ้ววววววววววววววววววววววว คือถืกคีงแท้น้อบาดนิ เฮ่อ ๆๆๆๆๆๆๆๆๆๆๆๆๆๆๆๆๆๆๆๆ

  8. #8
    ขอแต่เพียงสุ้มเสียงเจ้า เว้าเติมใจให้อ้ายแหน่
    ถึงบ่แคร์บ่ฮักอ้าย ถึงบ่ใช่คนที่รอ
    อ้ายบ่ขอหลายกว่านี้ เพียงวจีที่เจ้าเอ่ย
    ว่า "คิดฮอดจังเลย" เป็นคำเปรยอิงอ้าง จากทางเจ้าได้บ่นอ
    สิบ่ถามสิบ่ส่อ จริงหรือบ่บ่เคยหวัง
    เพราะหนทางไปคู่กัน เป็นเพียงฝันสำหรับอ้าย
    ถึงฝืนใจเด้อน้องหล่า กะอดสาเว้านำก่อน
    พอตั๊วะตาให้ได้นอน พอตั๊วะก้อนคำข้าว ให้ไหลล่วงว่าโล่งคอ
    ขออย่างเดียวเพียงส่ำนี่ กะดีใจแล้วล่ะอุ่น
    ให้ค้ำคูณนำคะเจ้า อย่าเหงาเศร้าคืออ้ายเด้อ..นางเอย

  9. #9
    แบ่งปันความรู้และประสบการณ์ สัญลักษณ์ของ ๛หนุ่มบ้านไกล๛
    วันที่สมัคร
    Apr 2009
    กระทู้
    849
    บล็อก
    8
    เพลงประกอบ เป็นเพลงชุดใหม่ ของไหมไทย ใจตะวันแม่นบ่คับ พอดี ผมเพิ่งโหลดมา วังฮั้น โหลดเสร็จ แล้วกะเปิดเพลงฟัง แล้วกะมาเปิดหน้าเว็บนี้ เอ้าเพลงตีกัน พอปิดวินแอม เอ้าเจอเพลงเดียวกัน บังเอิญแท้น้ออ ...อิอิ

  10. #10
    Moderators สัญลักษณ์ของ ต่าย
    วันที่สมัคร
    Nov 2007
    ที่อยู่
    เชียงใหม่
    กระทู้
    1,244
    บล็อก
    5

    พบปะพูดคุย หน้าจอรอสาย......

    เพลงรอสายจนว่าโดน รอเสียงคนมาจ๊ะจ๋า เปิดพ้อหน้ามีฮูปแซม พอแต่งแต้มกำลังใจ

    ส่งเสียงให้พอได้ฟัง ฝากความหวังพอได้พ้อ ... เปิดหน้าจอรอเห็นหน้า ส่งสายตามาเทคแคร์

    สายเนตรแลแต่คราวพู้น ฝากรอยอุ่นประทับใจ... ยามห่างไกลได้มีแฮง ถ้อยแถลงได้มีว่า

    คำห่วงหามาพร้อมเสียง สอดสำเนียงออยออยเอิ้น... ชวนสะเทิ้นสะท้านใจ คึดฮอดอ้ายอยู่บ่เซา

    ฝากควมเว้าว่าคึดถึง ฝากรำพึงว่าคึดห่วง ... มาทวงถามตามสัญญา ฟ้าวโทรหาน้องแน้...เด้ออ้าย


    :heart:........................................:heart:
    แก้ไขครั้งสุดท้ายโดย ต่าย; 21-07-2009 at 20:37.

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •