เลาะหายามพี่น้อง ผู้ที่อยู่กอทอมอ
จั่งว่านอคนไกล มาเที่ยวไทยคราวนี้
ลุงทิดศรีเดินด้น หาคนเคยถามข่าว
หาทุ้งทาวพี่น้อง ผู้เคยลึ้งแก่นกัน
โฮมสังสรรกินอ้อย เอ๊ยก้อย แถวปากซอยข้างฟุตบาท
คักขนาดพี่น้อง แถวบางซ่อนบ่อนกิน
จนว่าวินแซวโสเหล่ กับบ่าวเอ๋ทั้งอาวต่วง
บ่าวยางตลาดผู้หน้ากว้าง กะมาพร้อมพร่ำกัน
ของสำคัญกะมาต้อน คอนสาโทมาเต็มไถ่
ข้อยจนไหลหล่วงส่น คนท้วงซะแซว
หมอซายน้อยผู้ส่งแก้ว เวียนรอบวงสุรา โอ๊ะน้ำชา
หมอพลเป็นคนหา จี่สบเป็ดแกล้ม
สายตาแนมนำแต่หล่า เหลียวหาผู้เสิร์ฟส่ง
หยืดคอเหลียวโค้งโน้ง แนมแต่โส่งหละผู้สาว...
มักหลายเนาะ สาวโส่งเหี่ยน ระวังก้อยฟาน..ก้านฟอยแหน่หละ เหอ ๆ ๆ
Bookmarks