กำลังแสดงผล 1 ถึง 10 จากทั้งหมด 10

หัวข้อ: ...ยังมีกันบ่น้ออ้าย เก็บไว้ฮักจักคนแน่เด้อจ้า...

  1. #1
    แบ่งปันความรู้และประสบการณ์
    วันที่สมัคร
    May 2007
    กระทู้
    184

    ...ยังมีกันบ่น้ออ้าย เก็บไว้ฮักจักคนแน่เด้อจ้า...


    ...ยังมีกันบ่น้ออ้าย เก็บไว้ฮักจักคนแน่เด้อจ้า...


    ยังมีกันยุบ้ออ้าย เห็นห่างหายมื้อละหน่อย คนหนึ่งคอยคำฮักเจ้า หรือเพียงเว้าแล้วห่างเหิน

    บนทางเดินอยากมีอ้าย อยู่ข้างกายได้คือเก่า หากแม่นเซาคิดฮอดน้อง สิตำต้องต่อมน้ำตา

    คำห่วงหากะทรงแห้ง ปานน้ำแข็งเกาะใจพี่ ฮักละลายออกได้ตี้ บ่เหลือที่ให้ฮักเฮา

    เพียงแต่อยากถามเว้า ยังคือเก่าบ่น้อใจ หรือหม่องได๋ได้ขาดหาย โปรดส่งสายมาหาบ้าง

    ในเส้นทางชีวิตอ้าย ในความหมายมีน้องบ่ ยังสืบต่อความฮักใคร่ หรือพักไว้ระหว่างทาง

    ย่านปล่อยวางสัมพันธ์แน่น เข้าแทนที่ด้วยความเหงา คำว่าเฮาสิห่างเหิน แยกทางเดินหล่ะบ้ออ้าย

    :heart:

    [Radio]http://baanmaha.us/jolo/Pare/somebody.mp3[/Radio]
    แก้ไขครั้งสุดท้ายโดย น้องแพรจ้า; 23-07-2009 at 14:25.


  2. #2
    แบ่งปันความรู้และประสบการณ์ สัญลักษณ์ของ สาวพุเตย
    วันที่สมัคร
    Apr 2009
    กระทู้
    332
    :g-:g-:g-:g- ปรบมือให้จากใจจริงเด้อจ๊า สาวแพร.............จุ๊ฟ ๆ (อั่นเขาขอยืมไปส่งให้พุบ่าวแหน่เด้อจ๊า หุหุ)
    แก้ไขครั้งสุดท้ายโดย สาวพุเตย; 23-07-2009 at 14:26.

  3. #3
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    อ่านข้อความแล้วยิ้ม หลงดีใจจนหายส่วง

    โลดสิเป็นป่วงบ้า ฟังข่าวเจ้าเขาห่างหาย

    ย้อนว่าอ้ายคองคอยถ่า คอยมาโดน จนว่าจ่อย

    คือจั่งปลาโดน้อย นาน้ำข่อน ถ่าน้ำฝน

    ถึงแม่นเขาคนนั้น จากลาบ่อมาส่อง

    อ้ายขออาสาจอบจ้อง เป็นผ้าเช็ดน้ำตา .....นางเอ้ย 5555555



  4. #4
    DJ team สัญลักษณ์ของ james007
    วันที่สมัคร
    Jul 2008
    ที่อยู่
    ฝรั่งเศส
    กระทู้
    135
    กินใจคักจ้า ตอนนี้กะลังเจอแบบนี้เลย เพิ่นบ่เหนค่าความรักที่มีให้

  5. #5
    แบ่งปันความรู้และประสบการณ์
    วันที่สมัคร
    Feb 2009
    ที่อยู่
    สวิส....พะนะ
    กระทู้
    608
    มักเข้ามาอ่านผญาน้องแพร ม่วนดีแต่เจ้าของแต่งผญาบ่อเป็น....ไปอยู่ทางได๋ล่ะอ้ายทิศคำศรีมาจ่ายผญาตอบน้องแพรถ่าแม้ คือเห็นตะอ้ายทิดจ่อยเลาจอบถ่าเอาผ้าเช็ดหน้าไห่น้องแพรพูเดียวนึง...สั่นดอกหวา555

  6. #6
    แบ่งปันความรู้และประสบการณ์ สัญลักษณ์ของ ปึกกะหลืน
    วันที่สมัคร
    Jun 2008
    กระทู้
    75
    อุกอั่งแน่นปานแค้นในหมากแต้ อ้ายฮักน้องแท้ๆบ่เคยแซใส่ผุอื่น บ่ได้ตี๋แถลงลื่น หลอกให้หมื่นน้ำขี้ซีก
    บ่เคยหลบหลีกลี้ หนีห่างพระนางน้อง เทิงอยากฮ้องอยากไห้ เสียใจหลายเด้หล่า
    แมนโทรหาบ่รับสาย มีแต่ให้ฝากเสียง ส่งสำเนียงแล้วเงียบจ้อย ปล่อยให้อ้ายได้แต่เหงา
    อยากคือเก่าได้บ่หล่า หรือขวัญตามีผุใหม่ คนผุฮ้ายจังโตอ้าย สิหนีไกลจากสายตา

  7. #7
    Moderators สัญลักษณ์ของ ต่าย
    วันที่สมัคร
    Nov 2007
    ที่อยู่
    เชียงใหม่
    กระทู้
    1,244
    บล็อก
    5

    พบปะพูดคุย อ้ายมีแต่น้องผู้เดียว

    หล่าแพรเอ้ย...:1-

    ส่งคำเว้าอ่อยอ้อน ....คึดออนซอนอยากเห็นหน้า
    แนมสายตาหวานหวาน...อ้ายสะท้านอยู่บ่เซา
    จอบมาเฝ้าจ่ายผญา..........ฝากวาจาให้น้องฮู้
    คือคูลูหมายนางอั้ว....บ่เคยตั๋วดอกเด้ออุ่น....
    อยากมาซุนคิงเจ้า...อ้ายถอดเอาใจประกัน
    อย่าให้ฝันลมแล้ง...ฮอดยามแลงตาลอย..คอยน้องจนว่าเซ้า..หล่าแพรเอ้ย..อิอิ

    :heart::heart::heart::heart:

  8. #8
    เจ้าหน้าที่ประชาสัมพันธ์ สัญลักษณ์ของ หนุ่มน้อย
    วันที่สมัคร
    Mar 2009
    กระทู้
    644
    บล็อก
    21
    ใจอ้ายนั้นยังคือเก่าคือหลัง หวังได้คลอเคลียนางให้อุ่นกายหายฮ้อน นางมาวอนๆเว้าคึดยามเฮาอยู่เคียงคู่ อ้ายหดหู่แท้ละหล่ามาป๋าเจ้าให้เป่าดาย ใจพี่ชายคนนี้ยังมีฮักอยู่เต็มอกแต่ว่าตกยามไกลบ่อได้ไลลาน้อง หมายประคองเคียงเจ้าเดินนำสู่บาดหย่าง แต่ว่าในระหว่างนี้มีเวียกให้เฮ็ดหลาย อ้ายสิหมายหันสู้งานการเพื่อมื้อแต่ง เก็บแบงค์พันแบงค์ร้อยคอยขอเจ้าเข้าแต่งดอง ซั่นดอกวา
    :em01) c06: :heart: :heart: :heart:

  9. #9
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    ฮอดมื้อแต่งกะอย่าลืมกันเด้อท่านหนุ่มน้อย คันบ่อได้เป็นเพื่อนเจ้าบ่าว กะสิไปฆ่างัวให้ดอกว้า

  10. #10
    เสียงบ่าวฮ้องงานกินดองของอ้ายหนุ่ม
    อ้ายทิดจ่อยมาคุม
    ถ่าฆ่างัวแต่มื้อเช้า
    เอื้อยจูนเจ้าเป็นแม่ครัว
    เอื้อยพุเตยยอดดั้ว
    ซ่อยอิแม่ครัวจูน
    เอื้อยต่ายกับปึกกะหลืน
    ล้างจานเทิงเฮฮ้อง
    ผัดว่าตัวนางน้อง
    มากินลาบกับเหล้าโท
    เงินใส่โอบ่พอพัน
    นั่งกินกันแต่ยามเช้า
    เอื้อยแพรเลาผัดเอิ้น
    หญ้านางเอาอีกแหน่
    นางบ่ไหวแท้ๆ
    ขอไปแก้อีกสามไห
    เอื้อยสาวเมืองยสเป็นเอื้อยใภ้
    เอิ้นมาใส่เอื้อยแพรศรี
    เจ้าสาวแต่งโตดี
    เจ้าบ่าวพีผัดคือช้าง

    อิอิ ว่าเล่นกันเด้อจร้า 55555555

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •