...ผญาคำเก่า มาเว้านำใหม่...

[สาวพุเตย]

5555555555555555+++ หัวตะฮู้เดะนิอ้าย NATO แปลว่าจั่งซี้ เอิ้ก ๆ ๆ เอาไปบอกเจ้านายก่อนน๊า...อิอิ

[pcalibration]

ผัวเมียเฉลี่ยกัน

ผัวเมียนี่กูมึงอย่าได้หว่า บักผีห่าปอบเข่า
บ่ห่อนเว้าแหม่นข่ะลำ อย่าสิฟ้าวเลิกล่ำ
ให่เว้าหน่ำคำหอม ผัวต้องดีโดยดอม
ให่อ่อนยอมกันบ้าง อย่าสิแข็งเป็นกระด้าง
คนละทางแป่งแส่ง ปากบ่แหว่งอย่าพล่อย
สิเหม็นจ้อยถ่มน้ำลาย แนวหว่าซายเทิงร้อย
หากตายอ่อยคำหวาน บ่ควรทำรำคาญ
โอ้ยขี้คร้านแต่สิอ่วย ขั่นเจ้าสวยได้สี่น้ำ
สามเฮือนอย่าเบือนหน่าย ย้านแต่ตายอยู่ข่องหย่อง
เชิญโลดน้องหากบ่จริง

[sompoi]

ผญาอ้ายพีเป็นผญาคำม่วนที่สอดแทรกสัจจะธรรมไร้คำเสียดสีค่ะ อ่านแล้วมีแฮงใจ และน่านับถือนำคำสอนอย่างสร้างสรรค์เสมอค่ะ ขอเป็นกำลังใจอีกคนค่ะอ้าย

[ลูกทุ่งคือสายเลือด]

ผญาบ้านเฮา อ่านแล้วได้อีหยังหลายๆอย่างเน๊าะคับ

[โก๋ดง]

นี้กผญาเก่าครับ (รวมรวมจากบ่าวคำสิงห์)
"พี่น้องเอย เพิ่นว่าเมืองอีสานนี่ดินดำน้ำซุ่ม
ปลากุ่มบ้อนคือแข้แกว่งหาง
ปลานางบ้อนคือขางฟ้าลั่น
จั๊กจั่นฮ้องคือฆ้องลั่นยาม
คนมีศีล ดินมีน้ำ บ่ห่อนขาดเขินบก
ฝูงหมู่สกุณานก บินซวนซมปลายไม้
ไทเมืองไกล เมืองใกล้ ไปมาได้จอดแว้
น้ำใจหลายดีแท้น้อ หมู่เฮาซาวอีสาน ซั่นแล้ว"

"""""""""""""""""""""""""""""""""""""""""
พี่น้องชาวอีสานเอย...
กลับมาอีกเถื่อนี้มีเรื่องเก่ามาขอถาม
เข้ามายามไทเฮาชาวอีสานย้านไลร้าง
สินธุ์โปงลางคนเค้าจับสำเนากลอนมาเอ่ย
เผยสำนวนออกเว้าถามข่าวเจ้าเลือดข้าวเหนียว
เผิ่นหว่าถามข่าวบ้านถามข่าวเถิงเสา
ถามข่าวข้าวถามข่าวเถิงนา
ถามข่าวปลาถามหาเถิงข้อง
คันถามข่าวพี่น้อง แหม่นเจ้าอยู่สุขสำบายดีบ่อนอ
หรือแหม่นมีความทุกข์สิ่งได๋บ่อนอป้า
เฮ็ดไห่หมานปลาเฮ็ดนาเจ้าหมานฝ้าย หรือแหม่นสุขสำบายหายฮ้อนนอนอั่ง บ่อเด
หรือมีทุกข์อีหยังเงินคำหลั่งอั่งเต้าโฮมเจ้าคู่สู่คนบ่อนอโยม...