หน้าที่ 1 จากทั้งหมด 6 หน้า 123 ... หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 55

หัวข้อ: ...ผญาคำเก่า มาเว้านำใหม่...

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    ...ผญาคำเก่า มาเว้านำใหม่...


    หมวด...ผญาคำสอน


    ผญาเก่า

    คันสิคอยแต่บุญมาค้ำคัญบ่ทำกะบ่แม่น

    คอยแต่บุญส่งให้มันสิได้บ่อนได๋

    คือ จั่งเฮามีอาหารไว้บ่เอากินมันบ่อิ่ม

    มีลาบคันบ่เอาข้าวตุ้ยทางท้องบ่ห่อนเต็ม

    คันเจ้าเป็นสาวนั้น ครองธรรมให้มันคล่อง

    ตืนผมให้หล่ำเกลี้ยง ตีนซิ่นให้หล่ำเฮียง


    สอนประชาชนคนทั่วไป
    ___________________________________

    มาเว้าใหม่

    หากว่าคอยแต่บุญค้ำ บุญบ่ทำกะบ่แม่น

    หวังตอบแทนบุญส่งยู้ สิยูต้อนเจ้าบ่อนได๋

    คือจั่งมีแนวกินไว้ ไผบ่กินบ่หวนอิ่ม

    ข้าวบ่จิ้มลาบก้อย คอยให้ท้องอิ่มบ่เป็น

    เห็นผู้สาวผู้แส่ แง่ครองธรรมให้มันค่อง

    ประคองผมให้ล่ำเกลี้ยง เพียงตืนซิ่นกะซ่ำกัน

    แก้ไขครั้งสุดท้ายโดย บ่าวโจ่โล่; 28-07-2009 at 22:52.

    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  2. #2
    ศึกษาหาความรู้ สัญลักษณ์ของ อ้อมแอ้ม
    วันที่สมัคร
    Feb 2009
    กระทู้
    9
    คักๆๆ มักหลาย..

  3. #3
    Moderators สัญลักษณ์ของ สหายพง
    วันที่สมัคร
    Mar 2009
    ที่อยู่
    ผมมากับรถผ้าป่า
    กระทู้
    1,369
    ถืกต้องที่สุดอ้าย

  4. #4
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    หมวด...ผญาคำสอน


    ผญาเก่า

    ขุนหาญห่าว ครองเมืองจั่งเฮืองฮุ่ง

    ขุนขี่ย่าน แม่นครองบ้านกะบ่เฮือง

    คันสิเป็นขุนให้ถามดูบ่าวไพร่

    คันแม่นไพร่บ่พร้อมแปงบ้านกะบ่เฮือง


    สอนข้าราชการเด้อ เผิ่นว่า
    ___________________________________

    มาเว้าใหม่

    ขอให้เป็นขุนห่าว จั่งโอ้อ่าวไปครองเมือง

    บ้านรุ่งเรืองเมืองงามใส เฮ็ดการได๋บ่มีย่าน

    ถ้าเป็นขุนขี้คร้าน อย่าอาจหาญไปนำหมู่

    ไผสิชูหมู่บ่ย้อง ครองแต่ย่านตื่นกลัว

    สิเป็นตัวผู้นำแท้ ให้เหลียวแลจากพวกไพร่

    หมู่บ่เอาสิเป็นได๋ ไผสิมาซ่อยสร้าง ถางไร่ ไปสู่เมือง ท่านเอย


    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  5. #5
    มิสบ้านมหา 2008 - 2009 สัญลักษณ์ของ หมูหวาน
    วันที่สมัคร
    Sep 2007
    กระทู้
    1,353
    บล็อก
    5
    อ้ายโจ่โล่ ตะแมน แต่งได้ ม่วนเนาะค่ะ บ่ว่าสิเก่า สิใหม่ กะม่วนค่ะ อ้าย
    ขำบางโอกาส ฉลาดเป็นบางเวลา บ้าเป็นพักๆ แต่น่ารักตลอดกาล (^_^)

  6. #6
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    ผญา สอนนักปราชญ์ ราชครู ผู้มีความรู้ ฮู้วิชา


    หมวด...ผญาคำสอน


    ผญาเก่า

    คันแม่นมีความรู้เต็มพุงเพียงปากกะตามถ่อน

    คันแม่นสอนโตเองบ่ได้ไผสิย้องว่าดี

    คันเจ้ามีความฮู้อย่าถือโตอวดอ่ง

    ให้ลงมาสู่พื้นยืนดินได้ส่ำสู่คน


    ผญา สอนนักปราชญ์ ราชครู ผู้มีความรู้ ฮู้วิชา
    ___________________________________

    มาเว้าใหม่

    คันเจ้ามีความฮู้ อยู่ตามพุงกะตามซ่าง

    ทางเจ้าของสอนบ่ได้ ไผสิย้องฮ้องว่าดี

    คิดว่ามีปัญญาล้ำ อย่าหลงทำว่าอวดเก่ง

    ฮู้จักเกรงผู้ตำชั้น ฉันท์เหยียบพื้นซ่ำสู่คน



    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  7. #7
    Super Moderator
    Guide & Photographer
    สัญลักษณ์ของ เจ้าซายน้อย
    วันที่สมัคร
    Sep 2007
    ที่อยู่
    อยู่ในใจเสมอ
    กระทู้
    1,412

    พบปะพูดคุย

    คักแท้น้อผญาอ้าย มาเว่าไหม่ซายมาเห็น
    เป็นคือจังคำสอน เพิ่นว่ามาแต่คราวกี้...แท้เด้อ


    ตูดลูดมานั่งฟัง อิอิ

  8. #8
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    คำสอนผู้สิถือศีลบวช ว่าซั่นครับ


    หมวด...ผญาคำสอน


    ผญาเก่า

    คันแม่นสังโฆเจ้าบ่ถือคลองคำสวด

    แม่นสิบวชฮอดเฒ่าบุญเจ้ากะบ่มีดอกหนา

    คันแม่นบวชมาแล้วให้ถือฮอดคำสอน

    อย่าได้ผิดครองธรรมแห่งองค์พุทโธเจ้า

    คันบ่มีศีลสร้างบาปกรรมสินำไล่เอาดี้

    ชาวบ้านไหว้ทุกมื้อเขาหวังได้เพิ่งบุญ เด้น้อ


    สอนพระสงฆ์ ปรงผมบวช
    ___________________________________

    มาเว้าใหม่

    ยามเป็นสงฆ์ทรงศีลสร้าง อย่าปล่อยวางคำถือสวด

    อย่าเพียงบวชแล้วห่มผ้า ผลาสร้างออกห่างบุญ

    มีต้นทุนได้บวชมาแล้ว ให้ถือแนวคำสอนสั่ง

    ผู้วางผังพุทโธเจ้า เอาธรรมท่านนั้นยึดถือ

    บินฆบาตรสู่มื้อ ศีลบ่ถือ บาปกรรมไล่

    โยมทางได๋สิกราบเจ้า เฮาบ่สร้างให้เพิ่นตาม


    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  9. #9
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    ผญา สอนให้รู้จักวางรากฐานของชีวิต


    หมวด...ผญาคำ

    สอน



    ผญาเก่า

    กกไม้ใหญ่ แต่ใบบ่มี

    สาวผู้ดี บ่มีศีลสร้าง

    เป็นแม่ฮ้าง แล่นขึ้นแล่นลง

    เป็นพระสงฆ์ วินัยบ่ครอบ

    คือผีปอป กินตับกินไต



    สอนให้ฮู้จักวางรากฐานของชีวิต
    ___________________________________

    มาเว้าใหม่


    เหลียวเบิ่งเทิ่งกกไม้ บ่มีใบมีแต่ง่า

    สิอาสาหลบฮ้อน บ่ได้ย่อน ค่าบ่มี

    สาวผู้ดี สิเห็นค่า ต้องอาษาเอาศีลห่ม

    เป็นโสมมศีลบ่สร้าง เอาหน้าอ้าง กะบ่คือ

    ซุมแม่ฮ้างขี้ดื้อ ดีบ่ถือ ทรงสง่า

    เห็นคนหล่อสิเป็นบ้า หาแซวเว้า เอาไส่ตน

    เป็นพระสงฆ์ลักจี้ปล้น ถือเอาตน อวดเป็นใหญ่

    แนววินัย กะบ่ครอบ เป็นเสียบจอบ กะบ่คม

    ถ้าเป็นคนหลอกต้ม ศีลห้าจม เป็นบ้าใหญ่

    ซ่ำว่าปอปกินไส้ จังไฮแท้ ฮ่ากิน





    .
    แก้ไขครั้งสุดท้ายโดย บ่าวโจ่โล่; 31-07-2009 at 20:45.

    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  10. #10
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    ผญา สอนให้รู้จักแก้ปัญหา


    หมวด...ผญาคำสอน


    ผญาเก่า

    เก็บเห็ด ให้เจ้าแงงลงถ้วย

    อยากกินผักพิพวย ให้เจ้าแงงลงบุ่ง

    อยากได้กุ้ง ให้พายข้องขึ้นง่ายาง

    อยากเป็นขุนนาง ให้เกลือกดินหมองมั่ว



    ผญา สอนให้รู้จักแก้ปัญหา ก่อนจะเห็นผลสำเร็จ หรือ เมื่่อมองผลสำเร็จ ให้รู้จักก่อนว่าต้องทำอะไรบ้ง
    งานแต่ละอย่างย่อมมีปัญหา ความสำเร็จไม่ได้มาง่าย ๆ อยากเป็นนาย ต้องรู้จักปัญหา หรือให้ไปคลุกกับ
    ปัญหาจะได้รู้ และเข้าใจ
    ___________________________________

    มาเว้าใหม่

    ก่อนสำเร็จเสร็จงานสร้าง ต้องมีซ่างมาวางแผน

    ให้มีแปลนมาวางเฮียง จั่งเอาเฟืองเป็นผาบ้าน

    ก่อนเป็นลานให้ตีข้าว จงคิดเอาแนวขีดก่าน

    ของทาลานฮานต้นหญ้า มื้อแดดจ้า จั่งเฮ็ดเพียร

    ก่อนมีเทียนเป็นต้นใด้ ต้องมีไข มาปั้นแต่ง

    ผญาแจง เผินแจ้งไว้ ให้เฮาฮู้ รู้ก่อนงาน


    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

หน้าที่ 1 จากทั้งหมด 6 หน้า 123 ... หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •