ฮ่าาาาาาาาาาา+ ทั้งสองคนเอื้อยกระทู้ต้นฉบับโดยคุณ ไก่น้อย
ฮ่าาาาาาาาาาา+ ทั้งสองคนเอื้อยกระทู้ต้นฉบับโดยคุณ ไก่น้อย
อ่านคำผญาอ้ายหวามหัวใจหลุดหล่อน
ซ่างมาจากปากอ้อนออนซอนเว้าม่วนหู แท้น้อ
พอได้ยลคำเว้าชายกล่าวต้านหวานหวั่น
น้องนี้มีใจมั่นวารวันบ่เปลี่ยนไป๋
......คำว่าคิดฮอดน้องแม่น น้องสาวหล่า หรือว่าไผ
คะนิงนำบ่าวบ้านไกลสุขมโนในหัวใจน้อง
ว่าแต่คิดฮอดข่อยจดหมายน้อยบ่มีเห็น
ว่าแต่มีใจฮักแต่บ่เห็นความเว้า
สาวแนนเอ้ยข่อยนี่หลงฮักเจ้า..........ย้อนสง่าวิไลโฉม
อยากปะโลมวาจา.........................กล่อมพะนางแลงเช้า
อยากสิเอาแนวมาต้อน...................อยากสิซอนแก้มอ่อนอ่อน
อยากสิหย้ำข้าวป้อน.......................ดูแลเจ้าอยู่สู่วัน.....กล้ากินบ่เจ้าสาวแนน. 8) 8) 8)
กระทู้ต้นฉบับโดยคุณ PJ Nan
...โอ้ย สาวซ่า ทางอุบลเอย
ว่าแต่ทางพี้ฮ้าย ทางเจ้าผัดแฮงโหด
คำเจ้าเคยวาจา เอาจริงบ่ มีได้
เทียวแต่ตั๊ว หลอกต้ม ให้ชายหลงชม แล้วปะป่อย
คำหวานเจ้าเว้า จ้อยๆ ใจผัดส้มดั่งหมากนาว
...แม่นบ่ น้อ วาจาเจ้าบ่ เคยสับปลับปี้นลวงซายจักเทือ
มีแต่ความเชื่อได้ ใจตั้งดั่งตอ
บ่ได้งอ ลวงล่อเล่น ตั๋วเป็นปากหม่อ
มีแต่ยอดด้อแด้ คำแท้จึ่งจา
...โอ้ย ย่านเด้ ยานบ่ คือดอกคำจา พะนางเว้า
ย่านแต่เอาปากใกล้ ใจม่อ คำง่ายเทียวจา
ตั๊วให้อ้ายคอยถ่า จาแล้วผัดเล่าหนี
ปล่อยให้อ้ายนี้ นอนซ้ำอยู่เปล่าดาย
...ว่าให้แต่ทางอ้าย มีใจหลายแง่
บาดเจ้านั้นน๊า มีแต่คน อยากซ้อน หลายแท้ แท้
สังบ่ เอามาอ้าง แม่นเอ่ยจา
หือ เจ้าสิคอยถ่า ให้อ้ายลาแล้วจังคอยเผย
?..สัจจะเอย สัจจะอ้าย จริงแท้แล่ว ยากเคลื่อน ดั่งภูผา
ทุกถ้อยคำ ที่ได้จา มายม้างออกบ่ มีได้
ในใจนี้ บ่เคยมี ผุได๋ ได้มาเกี่ยว
บ่ มีคนมาเหนี่ยว มโนอ้ายให้คึดนำ
...มีแต่เจ้านี้หล่ะ เฮ็ดให้อ้าย ได้คึดนำ อ่ำล่ำ
คึดนำเจ้า สาวอุบล บ่ เป็นอันนอน
คึดนำกลอนผญา เจ้าฝากไว้ จนอ้ายได้ไข้ป่วง
คึดนำพวงดอกซ้อน ฝันเพ้อ ละเมอหา ดอเด้พะนางน้อง
โอน้อ.....บ่าวขอนแก่นเอ้ย??
น้องบ่เคยสับปลับลิ้นลวงซายจักเทือ
มีแต่ความเชื่อได้ ใจตั้งดั่งตอ
บ่ได้งอลวงล่อเล่นตั๋วเป็นปากหม่อ
มีแต่ยอด ด้อแด้ คำแท้จึ่งจา
?.น้องนี้ย้านแต่อ้ายเว้าบ่มีคำหนัก
ฮักที่จาบ่มีคำเค็มจืดจางปานน้ำ
น้องหากเห็นใจแล้วแนวซายหลายแง่
ย่านแต่อ้ายนี้เยาะหยอกเล่นให้ปลาเต้นเข้าไฟ ซั่นแหล่ว
?.โอ้ยพี่เอย สัจจะผู้ชายนี้ คือกวยกระต่าห่าง
ความปากหวานจั่งอ้อย ใจนั่นผัดล่ายพราง
น้องนี่ย้านแต่ใน มโนอ้าย หลายเกลียวน้อมเหนี่ยว
แม่นจักเหนียวเหนี่ยวน้อม ทางอ้อมบ่เห็น
?.ต้นไม้ใหญ่บ่มีผีบ่าวผู้ดีบ่มีชู้ สาวนางบ่อยากเชื่อ
ตั้งแต่เจ้าใส่เสื้อกระยังซ้อนอยู่ใน
คนบ่มีเซี่ยนนอเฮือนบ่มีขื่อ
หากเขาลือทั่วบ้านว่าผู้สาวอ้ายอยู่แฝง
?.นางหากหลิงเห็นแล้วลมชายมาขอด
ชายหากออดอ้อนเย้า หญิงแล้วกะเล่าลา
ในคารมอ้ายเอาจริงแสนยาก
คำปากที่หากหวานลื่นอ้อยใจส้มผัดเล่า
โอยยย ปลาร้าน้อยยอมแพ้เลย 555++
เอื้อยแป้ง คือสิยอมไว แท้
Bookmarks