-
บ่าวพี่ชายมาจาต้าน นางหล้าสิว่าได๋ (ตอนที่ 4)
***หายไปตั้งโดน (บ่แม่นโดนจั่งชั่น ฮั่นแน่ เจ้ากะด๊าย) คึดฮอดแฮง ๆ***
===>ปลูกดอกฟ้า<===
อ้ายสิจ้างสิบล้อ จักสิบค้นซาวคัน ขนขี้ดินใส่เต็ม แก่ขึ้นไปเทิงพู้น
แก่เอามูลปุ๋ยให้ ทั้งน้ำอกน้ำใจ แก่ไปให้คนซ่า แก่ขึ้นไปเทิงฟ้า เพื่อเจ้าผู้เดียว
ดอกฟ้าเอ๋ย อ้ายนี้มาเว้าเกี้ยว เหลียวเบิ่งแหน่เด้อ สิ่งอ้ายไปขนขึ้นไป ความนัยกะเพื่อเจ้า สิได้เว้ากล่าวแถลง
พอเมื่อยามฟ้าแจ้ง แสงอาทิตย์สวัสดี บ่าวสิชายสิเทดิน เอาปุ๋ยฮองก้น เชิญแม่คนงามหล้า ดอกฟ้าของพี่ นอนลงหม่องนี่ อ้ายนี้สิใส่ปุ๋ย
แล้วกะขุดแล้วกะคุ้ย เอาดินมาถม อภิรมย์ความฮักเอา เอาน้ำใจหดไว้ ให้หน่อให้เป็นกล้า ให้เป็นนาให้เป็นท่ง
อ้ายน้อเจาะจง ปลูกฮักปลูกดอกฟ้า เพื่อนางหล้าอ้ายผู้เดียว
พอแต่เหลียวฟ้า ตาเวินสิลาลับ อ้ายสิกลับแล้วเด้อ แม่คำแพงหล้า เหลียวตาหน่วยเจ้า คือสิเศร้าแท้เด
ย้านอ้ายบุญบ่พอ ได้เพียงแต่ปลูกไว้ ให้ฮักให้เจ้ามั่น อย่าลืมกันอย่าลืมเด่อ อย่าสิเผลอไปหลง เทวดาผู้มาต้อน
ยามเมื่อเดิก ๆ ค่อน อ้ายสินอนเหลียวเบิ่ง ถ้าแก้มเปิ่งเซิ่งมายิ้มให้ กล่อมอ้ายก่อนนอน
Tags for this Thread
กฎการส่งข้อความ
- You may not post new threads
- You may not post replies
- You may not post attachments
- You may not edit your posts
-
กฎฟอรั่ม
Bookmarks