กำลังแสดงผล 1 ถึง 8 จากทั้งหมด 8

หัวข้อ: กุ๊ก ๆ ไก่ พ่อไก่เลี้ยงลูกไก่ ประทับใจครับ...

  1. #1
    เจ้าหน้าที่ประชาสัมพันธ์ สัญลักษณ์ของ เซียงเหมี่ยงเมืองสุรินทร์
    วันที่สมัคร
    Dec 2008
    ที่อยู่
    สุรินทร์, ร้อยเอ็ด, และ สปป.ลาว
    กระทู้
    896

    รอบยิ้มพิมใจ กุ๊ก ๆ ไก่ พ่อไก่เลี้ยงลูกไก่ ประทับใจครับ...

    สองเดือนก่อน เซียงเหมี่ยงฯ ปลดระวางไก่ตีตัวหนึ่ง เอาไปปล่อยเป็นพ่อพันธุ์ อยู่บ้านสุรินทร์ กะบ่ได้ถามข่าวคราวหยังหลาย ปล่อยไว้แล้วกะลืม ๆ ไป
    พอกลับบ้านเที่ยวนี้(พาน้องออมสิน ไปขอ กล้า ย่า มาดำนาอยู่ร้อยเอ็ด) เห็นภาพประทับใจ ที่หาเบิ่งได้ยาก เคยเห็นเมื่อครั้งเด็กน้อย ได้มาเห็นอีกครั้งรู้สึกประทับใจครับ ภาพที่พ่อไก่เลี้ยงลูกไก่กำพร้า ลูกไก่กำพร้า สามตัว เกิดจากการที่เซียงเหมี่ยงฯ เอาแม่ไก่ตีไปปล่อยพร้อมกันกับพ่อไก่ แล้ว แม่ของเด็ก ๆ สามตัวนี้ เพิ่งเบาะลูกได้มื่อเดียว ออกมาตีกัน แม่ของเด็ก ๆ นี่ตาย (เศร้า) ลูก ๆ ที่เพิ่งเกิดมาได้มื่อเดียว สามตัวนี่จะมีชะตาเป็นแบบได๋ล่ะครับ บาดนี้...
    จากที่ เฒ่าแม่ เว่าให้ฟัง เผิ่นบอกว่า พอแต่แม่ไก่ตาย ลูกเจี๊ยบสามตัว นี่ฮ้องบ่เซา ย่อนว่า เพิ่งเกิดมื่อเดียว บ่มีแม่เนาะครับ บักโต้ง นี่กะหย่างมาเบิ่ง ว่าแม่นเสียงซุมเด็กน้อย คือมาฮ้อง น่ารำคาญ ประมาณนั้นมั่งครับ เข้าไปหาซุมเด็กน้อย น่าจะด้วย สัญชาตญาณ เอาตัวรอด เห็นบักโต้งนึกว่าแม่ กะเลยหย่างตาม แรก ๆ บักโต้ง กะบ่สนใจปันได๋ แต่ หลังจากนั้น บ่นาน กะเริ่มคุ้ยเขี่ยให้ลูกไก่ กินตกตอนแลง จากที่เคยโดดขึ้นคอนนอน กลับ นอนข้างล่าง ตุ้มเอา ไก่น้อยสามตัวนอน เซ่ามากะพาหากินแบบนี้เรื่อย ๆ เวลาคุ้ยเขี่ย ถ้าไก่ตัวอื่นเข้าใกล้ ๆ บักโต้งกะไล่จิกให้ไปไกล ๆ พฤติกรรมแบบแม่ไก่เลี้ยงลูกไก่บ่ผิด หนำซ้ำเวลานอนเล่นดิน ตีฝุ่น ลูกเจี๊ยบกะยังขึ้นขี่หลัง เล่น เป็นภาพประทับใจที่อยาก เอามาแบ่งปันครับ เซียงเหมี่ยงฯ เห็นลูกไก่ขึ้นขี่หลังพ่อไก่ แต่ว่าถ่ายภาพไว้บ่ทันครับ แล้วช่วงนอนกลางคืนคือกัน ลูกไก่กะสิขี่หลังพ่อไก่นอนสบายเขาล่ะ แต่เซียงเหมี่ยงฯ บ่ได้ค้างคืน เลยบ่มีโอกาส ได้เก็บภาพนั้นมาให้พี่น้องเบิ่ง เวลาประมาณ เดือนกว่า ๆ ที่ผ่านมา ภาพนี้เป็นสิ่งจรรโลงใจที่ทางบ้านเห็นตอนได๋ กะรู้สึกสบายใจ ประทับใจ แล้วกะสิยังจดจำไปอีกโดน
    มาครับ เซียงเหมี่ยงฯ สิพาพี่น้องเบิ่งภาพประทับใจ...

    1 ไกล ๆ นั่นครับ...
    กุ๊ก ๆ ไก่ พ่อไก่เลี้ยงลูกไก่ ประทับใจครับ...

    2 เบิ่งใกล้ ๆ ดู๋ แม่นหยัง
    กุ๊ก ๆ ไก่ พ่อไก่เลี้ยงลูกไก่ ประทับใจครับ...

    3 มา ๆ ลูกหล่า มากินหนอน
    กุ๊ก ๆ ไก่ พ่อไก่เลี้ยงลูกไก่ ประทับใจครับ...

    4 อีกอริยาบท
    กุ๊ก ๆ ไก่ พ่อไก่เลี้ยงลูกไก่ ประทับใจครับ...

    5 "แนะ อีพ่อ มาแอบถ่ายหยัง บ่ได้เจอกันโดนเนาะเฮา" พะนะ บักโต้งเผิ่นทักทายเซียงเหมี่ยง
    กุ๊ก ๆ ไก่ พ่อไก่เลี้ยงลูกไก่ ประทับใจครับ...

    พ่อไก่ตัวนี้เป็น ไก่ตี ที่ผ่านสังเวียนเลือด ผ่านความโหดร้ายของการต่อสู้มาบ่หน่อย บ่น่าเซื่อว่าอีกมุมหนึ่งของเผิ่นสิมีภาพอบอุ่น ๆ น่ารักแบบนี้ให้เห็น...
    คนเลี้ยงไก่ตีบ่ได้มีแค่มุมของความโหดร้ายเสมอไปเด้อครับ ทุกสิ่ง ทุกอย่าง มีหลายแง่หลายมุม ครับผม ...
    ที่แน่ ๆ บั้นปลายหลังหมดลมหายใจ บักโต้งลูกรัก ตัวนี้เนื้อหนังกระดูก จะบ่ได้มาจบที่หม้อต้ม สัมผัสมีด สัมผัสเขียงแน่นอน จะได้รับการฝังดิน หลังจากตายโดยอายุขัยตามธรรมชาติในที่สุด ซึ่งเซียงเหมี่ยงคิดว่า ไก่น้อยตัว จะมีโอกาส ได้ตายตามอายุขัยของมันเอง...
    เอามาฝากกันเนาะครับ แต่ไก่ตีที่มีสัญชาติญาณดุดัน โหดร้าย กะยังมีมุมของความเอื้ออาทร แล้ว คนไทยเฮาที่ขึ้นชื่อว่าเป็น เผ่าพันธุ์ที่มีความเอื้ออาทร รักใคร่กันเป็นพื้นฐาน เห็นภาพนี้กะคงรู้สึกบ่ต่างจากเซียงเหมี่ยงฯ กระมังครับ...
    แก้ไขครั้งสุดท้ายโดย เซียงเหมี่ยงเมืองสุรินทร์; 29-07-2009 at 17:32.


  2. #2
    เจ้าหน้าที่ประชาสัมพันธ์ สัญลักษณ์ของ บ่าวจัย
    วันที่สมัคร
    Jun 2008
    กระทู้
    3,075
    คือสิผ่านศึกมาหลายน้ออ้าย ขนคอจนว่าบ่มี555+++++

  3. #3
    เจ้าหน้าที่ประชาสัมพันธ์ สัญลักษณ์ของ เซียงเหมี่ยงเมืองสุรินทร์
    วันที่สมัคร
    Dec 2008
    ที่อยู่
    สุรินทร์, ร้อยเอ็ด, และ สปป.ลาว
    กระทู้
    896

    รอบยิ้มพิมใจ

    ต่อให้อีกนิดครับ capture จากไฟล์วิดีโอ ช่วงที่แม่ไก่มาเลาะ เผิ่นกะเงยหน้ามาเหล่ไก่แม่ บ่ให้เข้าใกล้ลูก ๆ ของเผิ่นครับ

    1 ไก่แม่เผิ่นกะมาหากินใกล้ ๆ


    2 บักโต้งเผิ่นกะสิ่งตาน้อยเบิ่ง


    3 เห็นสายตาแล้ว สงสัยแม่ไก่เผิ่นย่าน แหล่นหนีก่อน


    4 เห็นแต่หางบังโอ่งครับ ฮ่า ๆ ...


    5 แต่ว่าเผิ่นกะอ้อมมาคือเก่าล่ะครับ แนวอยากกินเนาะ แล้ว บักโต้งกะบ้ได้ไล่ตีให้เจ็บ เพียงแต่ออกอาการปราม ๆ อย่าเข้ามาใกล้ ๆ ลูก ๆ เผิ่นคักหลาย พะนะ

  4. #4
    ดีเจ นักจัดรายการ สัญลักษณ์ของ ข้าวปาด
    วันที่สมัคร
    Oct 2006
    ที่อยู่
    finland
    กระทู้
    807
    บล็อก
    1
    เอ๋า ข่อยคือแนมบ่เห้นรุปไก่ละพ่อไหย่เมี่ยง จัยๆๆโตเห้นอยุ่ติ เอื้อยคือบ่เห็นหว๊า...สงสัยเน๊ตบ่แรงพอเนาะ อิอิ

  5. #5
    เจ้าหน้าที่ประชาสัมพันธ์ สัญลักษณ์ของ เซียงเหมี่ยงเมืองสุรินทร์
    วันที่สมัคร
    Dec 2008
    ที่อยู่
    สุรินทร์, ร้อยเอ็ด, และ สปป.ลาว
    กระทู้
    896
    อ้างอิง บ่าวจัยเผิ่นครับ
    คือสิผ่านศึกมาหลายน้ออ้าย ขนคอจนว่าบ่มี555+++++


    ตอบบ่าวจัยเนาะครับ กะผ่านมาหลายเติบล่ะครับ แล้วกะเผิ่นอยู่ในช่วงผลัดขน กะเลยขนบ่ค่อยมีครับ

    อ้างอิงเอื้อย Lucy ครับ
    เอ๋า ข่อยคือแนมบ่เห้นรุปไก่ละพ่อไหย่เมี่ยง จัยๆๆโตเห้นอยุ่ติ เอื้อยคือบ่เห็นหว๊า...สงสัยเน๊ตบ่แรงพอเนาะ อิอิ

    ตอบครับผม
    กะเห็นปกติเด้ครับเอื้อย เบิ่งดี ๆ ครับ ฮ่า ๆ ...
    แก้ไขครั้งสุดท้ายโดย เซียงเหมี่ยงเมืองสุรินทร์; 29-07-2009 at 18:04.

  6. #6
    ดีเจ นักจัดรายการ สัญลักษณ์ของ ข้าวปาด
    วันที่สมัคร
    Oct 2006
    ที่อยู่
    finland
    กระทู้
    807
    บล็อก
    1
    ฮ่าๆๆๆ กะยังวาแนมบ่เห้นนนน เซียงเมี่ยงเอ้ย รูปยังกะแนมบ่เห้น เหอๆๆ เป็นนำเน๊ตค่ะเน๊ต ซามเถาะบ่เห้นกะดาย สิจินตนาการเอาดอก อิอิ

  7. #7
    ดูแลตรวจสอบเนื้อหา สัญลักษณ์ของ แหลวแดง
    วันที่สมัคร
    Mar 2008
    กระทู้
    2,194
    ไก่ค้ำไก่คูนตั้วนี้แหมคับเซียงเหมี่ยง เลี้ยงดีๆเด้อ ลังคนไก่แพ้กะหักคอโก๊ะ ลงหม้อโลด แต่ยอมรับว่าผมเบิ่งบ่ได้อี่หลีเด้อไก่ตีหนิ เห็นหมู่ลังคนเลี้ยงไว้หลายอยู่ มักไผมักมันเนาะ

  8. #8
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8
    อะฮ่วย ...กระทู้ส่วนโต ตั้วนิ อิอิ พ่อบ้านบ่ว่าไก่รึคน สมัยนี้กะต้องส่อยกันเนาะจ้า แม่บ้านกะเฮดงาน จุ้นเจือครอบตรัวบ่ต่างจากพ่อบ้านเนาะ ..เราจาเดินไปพร้อมกัน อิอิ

    ขอบคุณน้องหล่าเซียงเมี่ยงหลายๆจ้าสำหรับภาพแปลกใหม่ พร้อมคำบรรยายดีๆมาฝากเอื้อยนำ แต่ว่าเอื้อยไก่อยากกินต้มไก่แมะหล่า ...โตดำๆ อ่ะ เอาสะเป็นหยังมื้อแลง แฮะๆ

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •