...ใจดวงหนึ่งยังฮักเจ้า บ่ถามเว้ากะฮักเด้อ...

[บ่าวโจ่โล่]

บ่ได้ถามบ่ได้เว้า ใจสองเฮาบ่หวนห่าง บ่เคยต่างคำคิดพ้อ อยากก๋อเกี้ยวก้อยเกี่ยวกัน

ความสัมพันธ์ยังคงที่ ความหวังดียังคือเก่า ยามแสงเงาทอดแผ่นฟ้า คิดเห็นหน้าเจ้าดั่งเดิม

เก็บฝันเติมในใจอ้าย หยอดฮักหลายป้ายคำห่วง ใจหนึ่งดวงมีแต่เจ้า ยามบ่เว้ากะฮักเด้อ

คิดถึงเธอบ่เคยเว้น อยากฝันเห็นมื้อฮ้อยเทื่อ บ่เคยเบื่ออยากพ้อหน้า เปิดเอ็มถ้ากะแม่นไค

ลักไปไสดอกเด้อหล่า คันไปหาน้ำหนักลด ขอให้งด-ลดฮักอ้าย แล้วติดป้ายบอกคิดถึง

บ่อาจดึงเอาแผ่นฟ้า หรือสิหาเมฆขาวห่ม เพียงฝากลมกระซิบเจ้า แล้วจาเว้า "ฮักบ่จาง"




[Radio]http://www.file2go.com/mrun.php?me=16s1[/Radio]

[กำพร้าผีน้อย]

ให้ยืมแนเด้อ ผญาบทนี่ สิเอาไปให้ผู้ลางคนอ่าน...
ซึ้งๆ ครับ

[หนุ่มเหงาคนไกลบ้าน]

มายามใด๋กะโดนใจเนาะครับอ้ายโจโล่




อ้ายคนนี้ยังเป็นห่วงและคิดฮอด
ยังเป็นยอดดวงใจอ้ายยุคือเก่า
ใด่แต่เฝ้าว่าเป็นนางทีเคยไกล้
คือแรงใจที่อ้ายนั้นเฝ้าคอยหา

[ต่าย]

:heart:-----------------------------
ใจดวงหนึ่งบอกว่าฮัก ให้ประจักษ์แน่เด้ออ้าย เห็นมาหลายเพียงลมปาก จอบหนีจากยามอยู่ไกล

คนผู้ไคอยู่ใกล้ตา กะอ่วยหาฮอดลืมนาง ทำเหินห่างบาดทางพ้อ สาวมารอพ้อว่อใส่

ให้เห็นใจว่าจริงแท้ แค่วาจาบ่กล้าเซื้อ ชายพายเรือเพิ้นว่าร้าย หลงลมง่ายได้หนีช้ำ

คำที่บอกหลอกหรือจริง ใจน้องหญิงยังเป็นห่วง ควงผู้สาวบ่ซ้ำหน้า ส่งสายตาบ่ซ้ำนาง...อ้ายเอ้ย

ให้เฉลยแน่เด้ออ้าย อยากฟังหลาย" อ้ายฮักน้อง" จองเป็นนางในดวงใจ ยามใด๋น้อรอให้เว้า....ซั่นแหล่วอ้าย


c06:.......:1-

[ลาวดีน้อย]

คำที่อ้ายเว้าว่าคิดฮอดหล่า วาจาอ้ายนั่นแม้นตรงกะใจบ่อน้ออ้าย
ย่านแต่มาล้อเล่นหล่าให้หลงคำ ผั่นสุดท้ายอ้ายเว้าพอลอยๆ ชั่นติ
ถ้าบ่อแม้นกะอย่าเว้าเด้อเพิ่น ชันดอกหว่า

ฮือ อย่าให้ลาวน้อยเว้าผญา ผญาคือว่าชังสิ 5555555 ลาวน้อยบ่อเก่งผญาจ้า อิอิ

[สาวพุเตย]

ป๊าดดดดดดดดดดดดดดดดดดดดด เห็นคารมเพิ่นละอยากเห็นหน้าเด้...คักหว่า...ฮิ้ววววววววววววว

[บ่าวโจ่โล่]

หยุดคำจาภาษาเว้า บ่ได้เล่าจำนรรจา การห่วงหาทางหัวใจ อยู่หม่องได๋กะคงมั่น

ยังมีกันอยู่เด้อหล่า หากคำจาบ่ถามไถ่ อยู่หม่องได๋ยังมีเจ้า กะยังเว้าว่า "คิดถึง"

สัมพันธ์ดึงคำฮักมั่น ทุกคืนวันบ่ผันเปลี่ยน ข้อคำเขียนบ่หวานจ้อย บ่เคยด้อยเรื่อง "ฮักเธอ"

บ่อาจเจอเสนอหน้า คำห่วงหากะคือเก่า คำว่าเฮายังคงหมั่น ยังฝันพ้ออยู่บ่เซา

มื้อความเหงามาถามส่อ หรือคนหล่อมาถามใจ อย่าลืมไผที่ห่วงหา อย่าทิ่มป๋าหรือลืมอ้าย

ทุกความหมายยังมีเจ้า มื้อฟ้าเหงาหรือแดดหม่น มีหนึ่งคนที่ฮักเจ้า กะยังเว้า "ฮักบ่จาง"

[กะแยงนา]

คิดถึงเธอบ่เคยเว้น อยากฝันเห็นมื้อฮ้อยเทื่อ บ่เคยเบื่ออยากพ้อหน้า เปิดเอ็มถ้ากะแม่นไค บุ๋ยยย.. ล่อให้กันเปิดแล้วกะมาบอทักน้อ