กำลังแสดงผล 1 ถึง 8 จากทั้งหมด 8

หัวข้อ: .... ฝนสิได้สั่งฟ้า ปลาสิสั่งลาหนอง....

  1. #1
    แบ่งปันความรู้และประสบการณ์
    วันที่สมัคร
    May 2007
    กระทู้
    181

    .... ฝนสิได้สั่งฟ้า ปลาสิสั่งลาหนอง....


    .... ฝนสิได้สั่งฟ้า ปลาสิสั่งลาหนอง....

    ฝนสิได้สั่งฟ้า ปลาสิสั่งลานอง น้ำในคลองสิลาผาย แสงเดือนหงายสิลาฟ้า

    สักกุนาพาเสียงแจ้ว ฮ้องแซว แซว ทางตืนท่ง แสงทองส่งตรงไส่ฟ้า คือบอกว่ามื้อต่อไป

    คือจั่งไผสิจากหน้า โบกมือลาว่าบ๊ายบาย ปานเดือนหงายหายจากฟ้า แสงเดือนจ้าสิบ่เห็น

    ดวงตะเว็นยังขึ้นได้ เป็นมื้อใหม่ผ่านราตรี กะยังมีวันคืนหวน ผ่านหมอกควันกะยังแจ้ง

    เพียงแสดงให้เห็นว่า กาลเวลาพาผันพ่าน ส่วนสินานหรือสิช้า ในคุณค่าบ่ต่างกัน

    หวังเพียงหันกลับมาบ้าง จักคองทางมื้อสิต่าว ยามฮอดคราวได้พ้อหน้า สิถามว่า เจ้าอยู่ดีแน่ บ่น้อ

    [Radio]jolo/Pare/Good%20bye.wma[/Radio]


  2. #2
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    4,928
    บล็อก
    8
    ขอบคุณหลายเด้อน้องหล่า
    ส่งวาจามาถามข่าว คราวมื้อฝนสิไลฟ้า
    ปลาซิวน้อย เกือกขิตม
    ..คิดนำคนผู้เคยเว่า คิดนำเขายุหวั่งหวัง
    จักแม่นหยังดอกทางเอื้อย ไปเรือยๆคือเก่า เด้อนางเด้อ ... (หาหม่องลงเกือบบ่พ้อ ฮ่าๆๆ)
    กระเบื้องจะฟูลอย น้ำเต้าน้อยจะถอยจม เมฆจะหล่นฟ้าปลาจะกินดาว ลาวจะครองเมือง ::)

  3. #3
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    ..แจมนำน้องฮักเทิ้งสองกะหน๋า..

    ฟังเสียงฝนสั่งฟ้า สกุณาฮ้องสั่ง

    เสียงฟ้าฮ้องปั้งๆ คือสิสั่งลาฝน

    อัศจรรย์ใจล้น คึดฮอดคนเคยฮ้องสั่ง

    ให้คืนคอนดอนบ้าน..ยามฝนหลั่งขี่ฟ้าไหล.. พี่น้องเอ้ย


    ..ลำล่องน้องแพรแม่ะ..หึยยย..คึดฮอดบ้าน..
    มองต่าง..อย่างปลง

  4. #4
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    โอ้ยมาซึ้งแท้น้อ...ทั้งผญาพร้อมเสียงลำ ...แม่นกลอนลำผู้ใด๋น้อครับส่อยบอกแน่ได้บ่อน้อ
    สิไปหาซื้อมาฟัง...(พอได้คิดฮอดผู้จัดหามาให้ฟัง) ซั่นดอกว้า

  5. #5
    Moderators สัญลักษณ์ของ ต่าย
    วันที่สมัคร
    Nov 2007
    ที่อยู่
    เชียงใหม่
    กระทู้
    1,229
    บล็อก
    5

    ม่วนหลายพี่น้อง

    :1-

    ได้ยินเสียงแคนเจ้า นางมาเฝ้าอ่วยหา

    ยามมื้อฝนสั่งฟ้า ปลาสิลาสั่งหนอง คองหาอ้ายผัดบ่มี....

    นภาสีโศกเศร้า ฮู้ว่าเจ้าสิลาล่อง คือปลาคองคอยน้ำ ยามบ่มีฝนหลั่ง พลั้งหัวใจใด้อ่วยนำ อ้ายเอ้ย...

    บ่เคยคึดสิลาอ้าย...บ่เคยหมายสิลาพี่..ทุกนาทีผ่านไป..ลมหายใจเข้าออก..บอกไว้อยากใกล้พี่..ว่าซั่น

    ฝันว่าจิตต่อตั้ง..พลังรักต่อต้อง..ใจมันคองคอยอ้าย ชายนี้อยู่ผู้เดียว..เด้น้อ


    :heart::heart::heart:

  6. #6
    ดูแลตรวจสอบเนื้อหา สัญลักษณ์ของ หนุ่มเหงาคนไกลบ้าน
    วันที่สมัคร
    May 2008
    กระทู้
    2,307
    ฟังเสียงฟ้าฮ้องเอื่อยคือซิไล่ลาส่ง
    เสียงของฝนตกจนคือจั้งคนซิลาห่าง
    ย้อนว่าตัวของนางเมินหางมาจางหนี
    หรื่องว่าอ้ายคนนี้บ่อมีดีมาสู้เขา
    คนหากินเช้าค่ำแม่คนงามเจ่าบ่อสน
    ใจอ้ายเจ็บเหลือล้นซิอดเอาเด้อนาง
    ไปตามทางของเจ่าให้สุขีเด้อทุกอย่าง
    ส่วนอดีตฮ้างๆๆคืออ้ายให้มันตายทิ่มซะเด้อ....นางเอ้ย

  7. #7
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    139
    โอเด้น้อ ฟังผญาเพิ่นจาเว้า เอ่ยสำเนาเจ้าฮ้องส่ง สาวแพรเอ้ย
    มาคือทรงแสนเศร้า เหงาเพ้อป่วงละเมอ
    ว่าสิลาแล้วเด้อ ทุกทุกท่านให้สุขขี
    เจ้าสิหนีไปใสน้อ ซ่างบ่รอพี่ชายบ้าง
    เหลือแฮงหวังสิถางสร้าง แปงทางไว้เที่ยวฮ่วม
    หล่านางเอ้ย เจ้าสังสิบ่อยู่ร่วม หนีไกลหน้าบ่าวพี่ชาย
    แม่นว่าทางไกลใกล้ พี่ยังใจสิเตี้ยงต่อ อยู่เด้
    เจ้าสังสิบ่รอ ขอลาไกลหนีบ้าน ทางด้านถิ่นอีสาน
    เหลือใจเด้ เหลือใจนางสิได้ห่างลาบ้าน หล่านงคราญเจ้าเว้าส่ง
    แม่นไกลกันขอให้ฮักเฮาดำรง แสนพันปีให้เที่ยงหมั่น อย่ามายม้างฮ้างกะจาย แพรนางเอ้ย

  8. #8
    แบ่งปันความรู้และประสบการณ์ สัญลักษณ์ของ บ่่าวสุดเขต
    วันที่สมัคร
    Jun 2009
    กระทู้
    112
    ใกลขอให้ใกลแต่บ้านฮั่วไฮนาสวน
    ใกลขอให้ใกลแต่มวนหมู่เฮือนกับเล้า
    ส่วนคำวาจาเว้าพี่น้องเฮาอย่าได้ห่าง
    ถึงสิอยู่ต่างบ้านคำเว้าอย่าห่างกัน....เด้อพี่น้องเอยยย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •