อยากลอง หัดเว้าผญาจ้า มาช่วยแนอิอิอิ

[chudhancock]

ขอบใจหลานmikazeหลายๆเด้อจ้าที่เข้ามาอ่านเป็นหมู่อิอิอิให้ซ่อยติชมแน


โอ๋ยน้อหลานเอ้ยขอขอบใจเด้อจ้า
ที่หลานนั่นได้เข้ามาผญาป้าเป็นได๋
แนบ่อนได๋ผิดให้ซ่อยแก้บ่อนได๋แย้
ให้ต่อเติมแนวกำลังริเริ่มให้เสริมส่ง
คงสิดีแต่ตอนนี้เต็มทียังบอดีดอก
เด้อจ้าคั้นเมตตามาคอยยู้ให้เจ้านั้น
เป็นครูพอได้ฮู้ดอกเปิดป่องให้พา
กันเหลียวมองขอรับรองว่าสิได้ผญา
ให้ดอกโด่งดัง สั้นแหล่ว

[chudhancock]

อิอิอิจ้าหลานหนุ่มจ๋าก็พอด้นไปได้ยุดอกจ้าแต่บอเก่งเลย

เห็นหลานหนุ่มมาคุมเว้าผญาเอามาเว้าต่อบะมาคือดี
แท้น้อให้แฟนรออยู่บ้านผญานั้นซ่างเป็นกลอน
คือสิคิดอ้อนต้อนผญากลอนตอนเอิ้นสั่ง พนางเนาะอิอิอิมวนยุจ้า

[chudhancock]

หันมาเด้อหลานหล่าซุมที่มักผญาขอเชิญจ้า
อย่าได้เบี่ยงขอแค่เพียงให้หมู่เจ้ามาหัดเว้า
จ่ายผญาอันโตป้าน่าจนปัญญาสิมาต่อผญา
ยากจริงน้อรอลูกหลานขอวานช่วยคงเห็น
ด้วยหรือว่าได สั้นดอกหลาน เอ้ย

[chudhancock]

แต่งผญามาเหมิดมื่อ เขียนจนว่าตัวหนังสือปนกันยุอะยะ
อิอิอิหลานๆเอ้ย


จั๊กสิเอาคำเว้าไปเก็บเอาหยังมาใส่จังสิเป็นผญาได้
คั่นพอให้ดอกว่าดีอันว่าโตป้านี้สมองมีหากบอป่อง
แค่คิดว่าอยากลองแต่สมองป้าบอคล่องอยากลอง
ได้หากบอดีมาเต็มทีความรู้หน่อยก็เลยอยากสิคอย
ครูผญามาพาจ่าย เว้าจังได๋กะบอได้น้อขอไว้ให้ซ่อยจ๋า
แนน้า

[chudhancock]

เพินผุหน้าอ้อต้อคิ้วก็ต่อคอก็กลมเบิงซงผมก็พังเพจังแมนเด้
งามกะด้อสนบอน้อพอซำน้องย้านบอหันมามองย้อนโตน้อง
น้อต้อยต่ำโตดำดำผิวบอเบี้ยงเพียงซำนี้พี่บอสนเทิ้งยากจน
กว่าคนซ้ำเปรียบเจ้าเป็นคือทองคำนำซั้นอันล้ำค่าเปรียบโต
น้องนี้หนาซำโลหะเศษลวด แนวโอ้อวดก็บอมี นั้นแหล่ว
อ้ายเอ้ย?

[พลายแก้ว]

คุณยายเอ้ย..
ผุข่าขอแจมนำเจ้า เว้าผญานำจักหน่อย
แต่ว่าภูมิโตหน่อย ปัญญาด้อยบ่เก่งการ
คันแม่นคำผญาต้าน บ่หวานม่วนเสนาะหู
ขอคุณยายเป็นครู มาซ่อยเติมเสริมแต้ม
ให้สอดแซมอักษรซ้อน ในกลอนหม่องบ่ม่วน
ให้คุณยายซ่อยซ้วน หลานหล่า บ่าวก๋าคาม แน่เด้อ..

[chudhancock]

จ้าหลานก๋าคามจ๋า ป๊าดเจ้าก็เก่งสุดยอดยุเด้อจ้า มีแต่ป้านิแหล่วสิขอแกมนำหลานอิอิอิ

โอ๋ยน้อหลานเอ้ยอ่านผญาเจ้าว่านั้นนับว่าเก่งยุคือกันคารมนั่น
เจ้าเป็นต่ออันผญาป้านี้น้อมันก็พอซั่มนั้นบอหารยู้ผู้เพินเป็น
เพียงแค่เห็นผญาเจ้ามาเว้าคล่องทำนองสมป้านี้ขอเชยชม
เจ้าว่าสมคารมต้านเป็นอาจารเป็นครูแท้อันผญาเจ้านั้นแม๊ะ
มาดีแท้แต่ละท่อนป้านี้มาออนซอนแต่ละตอนเจ้าแต่งได้
ผญาให้ได้มวนหู ฮั้นแหล่วหลานเอ้ย

















น

[พลายแก้ว]

ชื่อจั่งได๋เก๊าะป้า เป็นภาษาอังกิด
อันฟุดฟิดฟอไฟ หัวบ่ไวย้อนเฮียนน้อย
มาจอบหลอยฟังเขาเว้า พอเข้าใจในบางเทื่อ
มื้อนี้สิมาเฟือ ขอเป็นเครือพันเกี้ยว เหนี่ยวไม้ต้นใหญ่งาม เบิ่งกะน้า..ฮ่าๆๆๆ

[chudhancock]

ชื่อ ชุดฮันค๊อกค์ จ้าหลานบ่าวก๋าคามจ๋า อิอิอิขอบใจเด้อจ้าที่ช่วยเข้ามาช่วยป้าจ่ายผญา ป้าปึกจ้าชื่อเล่นอิอิอิ

หลานก๋าคามมาถามป้าให้แปลซื่อออกมาพุ้นนะทำมาถ่อม
ป้าหากเป็นส่วนยอมให้หลานก๋ามาย้องสิลองเกิ๊ลเก่งภาษา
อันที่จริงนั่นน้าเรื่องภาษาป้านี่โง่แค่เพียงอยากให้โก้เอาโต
c เข้ามาใส่ เอาโต h ชิดไกล้โต u ให้มาใส่ d รวมกัน
แล้วซัมนี้ซื่อป้ามีแต่บอมวนมีคำเดี๋ยวฮ้วนๆขอชวนเจ้านั่นเข้า
มาอ่านเอาเด้อหลานก๋าแปลออกมาว่าป้า ชุด ฮั้นแหล่วหลานเอ้ย

[chudhancock]

ว่าสิเกาะ ดอก กอด เกี้ยว เป็นเครือเหนียวมาเกี้ยวก่องพะนะ
หลานก๋าเอ้ย ป้านี้น้าสิขอเป็นต้นไม้ ต้นใหญ่ให้เคือเถาสิขอเอา
กิ่งหนาแผ่ลงมาดึงเคือไว้เฟียไปไสสิดึงซ้วนเอามามวนม้วนขึ้น
ง่าสิขอให้หลานก๋าเป็นเถาวัลนั้นน้ายังคอยถ่าว่าแต่จริง ฮั้นแหล่ว
หลานเอ้ย