... ส่งน้องเขมราฐเมือบ้านครับ....

**บ่าวโจ่โล่** · 10-09-2009, 11:00

กลับเมือบ้านแล้วน้อหล่า กลับเมือหาออ้มกอดอุ่น กลับเมือหนุนหมอนด้วยเค้า กลับไปเว้าว่าอยู่เฮือน

บ่อาจเลือนลืมลงได้ ถึงสิไกลคนละที่ ด้วยความรักและหวังดี กะยังมีอยู่เปี่ยมล้น บ่อาจพ้นจากห่วงหา

เขมราฐน้อน้องหล่า กลับบ้านนาป๋าเมืองใหญ่ สาวรอยยิ้มที่สดใส ความจริงใจที่เกินล้าน ได้ลาท่านสู่อุบลฯ

อ้ายทุกคนยังจำได้ เอื้อยคนได๋ยังจำจื่อ หวังคิดฮอดสาวใสซื่อ ในนามชื่อว่าน้องหลิน

ไผโผผินไปถิ่นบ้าน เชิญทำทานเป็นสง่า ทางวัดป่าภูลอมเข้า มีต้นเหง้าพระพุทธศาสนา

พระบรมสาริกธาตุพุ้นตั๊วจ้า เผิ่นนำมาประดิษฐ์ไส่ หากไปฮอดพุ้นยามได๋ เอิ้นหลินไปเป็นหมู่พร้อม ยอมเป็นเพื่อนบ่หล่ะนาง

กลับเมือไปแปลงสร้าง ทางเจริญให้ท้องถิ่น สาวดอกดินคืนสู่เย้า คำขัวญเว้าให้ฮุ่งเฮือง อำเภอเขมราฐ เด้อครับ

"ต้นตำรับรำตังหวาย ถิ่นไทยนักปราชญ์ ทวยราษฎร์น้ำใจงาม สุดเขตแดนสยาม มะขามหวานหลายหลาก กล้วยตากรสดี ประเพณีแห่เทียนพรรษา แข่งนาวาสองฝั่งโขง"

[Radio]jolo/Paya/Lhin.mp3[/Radio]
ในฐานะที่น้องหลิน เป็นแฟนประจำผญาอ้าย แล้วกะในฐานะน้องสาวอิหลี เลยแต่งผญา
ส่งน้องจักหน่อยครับ หนีไปไส กะสิได้พ้อกันยุดอกเนาะ น้องหลินเนาะ

**เขมราฐ** · 10-09-2009, 11:06

อ้ายโจ่ เขาเว้าบ่ออก นำ้ตาโห่งหน่วย แง ๆๆๆๆๆๆๆๆๆๆๆๆๆๆๆๆๆๆๆๆๆๆๆ

ขอบคุณค่ะ ขอบคุณ

**พงศ์น้อย ส กสิน** · 10-09-2009, 11:08

ยังมีความม่วนซื่นให้กันเสมอเด้อครับ พี่น้องบ้านเฮา แม่นอยู่ใสกะคือจั่งเห็นหน้าเห็นตากันคือเก่าล่ะครับ เพราะเฮามีอุดมการณ์เดียวกัน อิอิ
ขอให้โชคดีเด้ิอครับ หมานๆๆ

**ไผ่หวาน** · 10-09-2009, 11:16

:heart: ขอให้โชคดีทุกบาดย่างจ้า :heart:

**คนตระการ...** · 10-09-2009, 11:19

คิดฮอดซู่บาดหย่างเด้อหล่า...

**หมูน้อย** · 10-09-2009, 11:21

ดีใจด้วยนะค่ะ..มีโอกาสได้ย้ายกลับไปทำงานที่บ้าน
...ขอให้โชคดีนะค่ะ...หากมีโอกาสไปเที่ยวทางอุบลฯจะส่งข่าวนะค่ะ
..เพราะน้องหลินน่ารักและใจดี..เพราะอยากไปเที่ยวอุบลฯบ้าง..อิอิอิอิ