หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 26

หัวข้อ: แจ่วกุ้งกับผักแว่น เข้ากันที่สุด

  1. #1
    ดูแลตรวจสอบเนื้อหา สัญลักษณ์ของ แหลวแดง
    วันที่สมัคร
    Mar 2008
    กระทู้
    2,194

    รอบยิ้มพิมใจ แจ่วกุ้งกับผักแว่น เข้ากันที่สุด

    ในความเห็นของผม โดยบ่มีการอ้างอิงหลักวิชาการ ผมว่าแจ่วกุ้งกินกับผักแว่นเข้ากันที่สุดเลยคับ คือพ่อแม่พากินมาแต่น้อยเนาะ ยามไปส่อนกุ้งอยู่ห้วยขี้หนูส่อนได้กุ้งแล้วบาดสิเมือบ้านกะเก็บผักแว่นที่มันเกิดอยู่ห้วยนั้นหละ ไปกินกับแจ่วกุ้งนำ เมือฮอดบ้านอี่พ่ออี่แม่บ่ทันมาแต่นาเด้ เฮากะจัดการนึ่งข้าว ระหว่างที่รอข้าวสุกกะเลือกกุ้งเลือกขี้เหยี่ยออกเอาแต่กุ้งว่าซั้นเถาะ มีแมงระงำติดมานำกะบ่ผิดกติกาแต่อย่างได๋ เลือกแล้วๆกะหาหยังมาปิดไว้ซะก่อน อย่าให้ข่วมเด้อ ค้านเก็บคืน เพราะว่ากุ้งมันโตน้อยๆหนึ่ง ไปเบิ่งข้าวตั้วบาดหนิ ข้าวสุกแล้วกะปิ้นซะก่อน ให้ข้าวทางเทิงลงไปล่าง ล่างขึ้นเทิง ให้สุกทั่วถึงกันว่าสั่นเถาะ นึ่งต่ออีกหน่อยหนึ่งกะเอามาส่ายได้เลย โบมอยู่บ้านใหญ่หลายยังว่า เป็นเด็กน้อยซั่วสิยกได้ เมื่อยแอ้แล้ โบมไม้เด้ เดียวนี้กะยังใซ้โบมอยู่ นั้นอี่พ่ออี่แม่กลับมาพอดี ถ่าให้อี่แม่มาตำแจ่วกุ้งสู่กินซั้นตั้วบาดเนี้ย พอได้เว้าแล้วอดีตกะเรียงล้ายส้ายออกมา อย่าฟ้าวหมั่นไส้กระผมเด้อคับ เล็กๆน้อยๆ ก่อนนำเสนอแจ่วกุ้งกับผักแว่นสั่นดอก ห่าเทื่อผู้ลังคนเห็นแล้วสิคิดพ้ออั่นได๋อั่นหนึ่งขึ้นมา หรือว่าสิกระตุ้นให้อยากกินอาหารแบบนี้นำกันคับผม


    [IMG]แจ่วกุ้งกับผักแว่น เข้ากันที่สุด[/IMG]
    หน้าตาแบบนี้หละคับ วิธีการเฮ็ดกะบ่ยากดอก ตำพริก กระเทียม บ่แหลกปานได๋ กะเอากุ้งลงตำนำพอกุ้งแหลกจักหน่อย กะปรุงรส น้ำปลา น้ำปลาร้า ผงชูรส บักนาว ผมบ่ได้ใส่ข้าวคั่วเด้ ไผสิใส่กะได้คับผม ตามสะดวก ได้รสชาดที่พอใจแล้วกะใส่ผัก เช่น สะระแหน่, ต้นหอม, แข่วเลื่อย, หอมป้อม เป็นต้น ตามสะดวกทีมี ยั๊วะจักหน่อย กะตักใส่ถ้วยได้เลยคับผม (รสชาดควรสิรสจัดจักหน่อย เพราะว่าต้องกินกับข้าวเหนียว และผักหลายๆ จั่งบ่เปลือง อิอิ)


    [IMG]แจ่วกุ้งกับผักแว่น เข้ากันที่สุด[/IMG]
    ผักที่หาได้ตามสะดวกอีกแล้วคับ แต่ที่แนะนำคือผักแว่น ยามจ้ำแจ่วกุ้งแล้ว แล้วกินผักแว่นตามเข้าไป มันสิมีกลิ่นหอมเฉพาะโตของผักแว่น แซบอี่หลี delicious คับผม แต่ว่ามื้อนี้ผมมีผักหลายแนวอยู่ คือ ผักแว่น, บักเขือ, ยอดกระถิน, แล้วกะหมากแข้งขม แม่ค้าเพิ่นแถมมา ขายบ่ออกว่าซั้น ผมลองกินเบิ่งแล้ว ขมอี่หลี กินได้สี่ห้าหน่วยนี้หละ เพราะว่าขมหลาย เฮ็ดให้กินข้าวบ่แซบคับ แต่ลังคนผัดมักเด้หละ มักไผมักมันเนาะคับ


    [IMG]แจ่วกุ้งกับผักแว่น เข้ากันที่สุด[/IMG]

    [IMG]แจ่วกุ้งกับผักแว่น เข้ากันที่สุด[/IMG]
    ส่ำนี้กะแซบได้คับผม ข้าวเหนียวฮ้อนๆ แถมด้วย ซุบบักเขือ กับแจ่วปลาร้า เป็นอาหารยามแลงที่ลงโตเติบอยู่ หรือว่าไผต้องการกินสุกกะเอากุ้งไปคั่วซะก่อนแล้วจั่งเอามาตำกะได้คับผม เพียงแต่รสชาดกุ้งมันสิเปลี่ยนไปหน่อยหนึ่ง และถ้าไผย้านหนวดกุ้งมันยุ่งกันกะให้เด็ดหนวดกุ้งซะก่อนกะได้คือกันคับ อิอิแจ่วกุ้งกับผักแว่น เข้ากันที่สุดแจ่วกุ้งกับผักแว่น เข้ากันที่สุดแจ่วกุ้งกับผักแว่น เข้ากันที่สุด


  2. #2
    แบ่งปันความรู้และประสบการณ์ สัญลักษณ์ของ หนุ่มคำก้าว
    วันที่สมัคร
    Oct 2008
    กระทู้
    321
    น้ำลายไหลพอดีสิเที่ยงแล้วหิวข้าวแล้ว

  3. #3
    ดีเจ นักจัดรายการ สัญลักษณ์ของ บักขามป้อม
    วันที่สมัคร
    Jun 2009
    ที่อยู่
    อิสานบ้านเฮา
    กระทู้
    667
    บล็อก
    5
    เป็นตาแซบอยู่จ้าอ้ายแม่นแล้วจ้า เข้ากันดีกะยังว่า แม่นแท้แจ่วกุ้งใส่บักกอกสุกลงไปนำเนาะโอ๊ย เห็นแล้วกะน้ำลายแตกอยากกินนำ

  4. #4
    ร่วมถ่ายทอดความรู้สู่สังคม สัญลักษณ์ของ ไผ่หวาน
    วันที่สมัคร
    Jun 2009
    ที่อยู่
    PATTAYA CITY
    กระทู้
    770
    บล็อก
    14
    วิธีปรุงคือกัน แต่เอิ้นก้อยกุ้งจ้า
    ผักแว่นกินกับประเภทซุปสิเข้ากันดี (ยกเว้นต้มซุป)

    ยุบ้านกะยังใช้โบมคือกัน ซอมเบิ่ง ไม้ต้นที่เอาเฮ็มโบม
    คือสิประมาณด็กน้อย 2 คนโอบนี่หละ
    แก้ไขครั้งสุดท้ายโดย ไผ่หวาน; 31-07-2009 at 12:31.

  5. #5
    แบ่งปันความรู้และประสบการณ์ สัญลักษณ์ของ ไทสกลฯ
    วันที่สมัคร
    Jun 2009
    กระทู้
    222
    แมนควมเจ้าหละ ...บ่เถียงจั๊กคำ....ข้าวสิเบิ๊ดติ๊บ ยังบ่อยากเซา..

  6. #6
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,728
    อยู่บ้านผมกะเอิ้น ป่นกุ้ง ครับ เฒ่าแม่เล่าเฮ็ดกินประจำ....เฮ็ดคล้ายๆกันนี่ล่ะครับ ..

  7. #7
    ดูแลตรวจสอบเนื้อหา สัญลักษณ์ของ บ่าวกุดชุม
    วันที่สมัคร
    Sep 2008
    ที่อยู่
    กุดชุม
    กระทู้
    607
    บล็อก
    3
    เป็นตาแซบครับ ใส่บักนาวส้มๆๆๆๆๆๆๆๆคักปานหยัง

  8. #8
    ดูแลตรวจสอบเนื้อหา สัญลักษณ์ของ แหลวแดง
    วันที่สมัคร
    Mar 2008
    กระทู้
    2,194
    กระทู้ต้นฉบับโดยคุณ สาวสารคาม
    วิธีปรุงคือกัน แต่เอิ้นก้อยกุ้งจ้า
    ผักแว่นกินกับประเภทซุปสิเข้ากันดี (ยกเว้นต้มซุป)

    ยุบ้านกะยังใช้โบมคือกัน ซอมเบิ่ง ไม้ต้นที่เอาเฮ็มโบม
    คือสิประมาณด็กน้อย 2 คนโอบนี่หละ
    แม่นคับ โบมใหญ่อี่หลี หนาพร้อม หนักพร้อม จับบ่ดีหลุดทับเล็บเจ้าของ ได้ไห้กั้นพุ้นหละผมว่า ส่วนเรื่องการเอิ้นซื่อกะสิเอิ้นบ่คือกันเนาะคับ บางเทื่อเอิ้น แจ่วกุ้ง, ป่นกุ้ง, ตำกุ้ง, ก้อยกุ้ง รวมๆแล้วกะมีวิธีการเฮ็ดที่คล้ายๆกันคับผม
    แก้ไขครั้งสุดท้ายโดย แหลวแดง; 31-07-2009 at 13:17.

  9. #9
    ฝ่ายเทคนิคและโปรแกรม สัญลักษณ์ของ ต่วง
    วันที่สมัคร
    Feb 2008
    กระทู้
    2,090
    วิเศษสุดยอดเลยครับ ปั้นเข่าเหนียวฮ้อนๆ กินกับยอดใบบักกอก ผักกระโดนอ่อนๆ ใน กรุงเทพกะมีขายอยู่ครับแต่บ่ค่อยได่กินป่านได่

  10. #10
    เห็นแล้วกะคึดฮอดกุ้งเต้นอยู่แถวบ้านเด้...ผักแว่นนี่จำรสชาดบ่ได้แล้วหละ20ปีแล้วบ่ได้กิน...

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •