กำลังแสดงผล 1 ถึง 10 จากทั้งหมด 10

หัวข้อ: คิดฮอดบ้าน

  1. #1
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    140

    คิดฮอดบ้าน

    พี่น้องเอ้ย ฟังเสียงวาโยผ่าย พระพายเสียงเกี้ยงกล่อม
    ฟังเสียงฟ้าสั่งอ้อม ซอมทางก้ำถิ่นอีสาน
    มาคือคิดฮอดบ้าน เฮือนซานหม่องเคยอยู่ เด้น้อ
    เสียงลมมาคือดั่งเสียงสั่งซู้ นางส่งเอิ้นใส่พี่ชาย
    แนมกอไผ่ซ้านล่าย คือดั่งซายนี่หว่าเหว่
    อุกหลายเด้ อุกหลายเด่ สิเพม้างห่างกะเทิน
    ตึกเสียดสูงเจิ้นเทิ่น บ้านของเพิ่นคือไกลตา เด้น้อ
    บ่คือกับเถียงนา อี่พ่อเฮาผู้อยู่บ้าน
    อยากสิกลับคืนด้าน เฮือนเฮาคือแต่ก่อน
    อยากสิกลับเมือนอน โนนเถียงนาน้อยๆ ถึงสิด้อยกะสุขใจ.....


  2. #2
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    ยามเมื่อแลงลงคล้อย สายลมวอยพัดไม้ผ่าน
    ออกมาจากล่าวต้าน คึดเถิงบ้านอยู่บ่เซา
    อุกใจทนหนเศร่า เหงาหมองสมองอั่ง
    คะนิงหลังเก่ากี้ มานอนลี้อยู่ป่าดง
    คึดฮอดขงขวางแคว้น แดนเดิมเคยเนาว์นั่ง
    สุดแสนอั่งอนาถโอ้ มะโนน้าวหย่าวน้ำตา
    สุดโสกาเกินอ้าง บ่เห็นทางซอดป่อง
    คึดเห็นหน้าพี่น้อง ผู้เคยย้องหยอกจา แท้นอ

  3. #3
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    ยามมื้อแลงค่ำค้อย นกกาน้อยลงงอยหง่า
    สูงเจิ้นเทิ้นเทิ้งฟ้า หมู่ขี่ฝ่าสิลาไหล
    คือเฮาไกลหอห้อง เฮือนซานบ้านเคยอยู่
    อานิสงค์ส่งยู้ สิคืนสู่หม่องเคยเนา
    ฮอดยามเข้าขึ่นเล้า พออยากต่าวเมื่อสอดส่อง
    คึดฮอดพ่อแม่น้อง คึดฮอดท้องไห่นา..พี่น้องเอ๋ย

  4. #4
    มาทำงานอยู่ไกลบ้าน ไกลสถานถิ่นบ้านเกิด
    ถิ่นกำเหนิดบ้านข่อย สิคือเค้าเก่าหลัง บ่นอ
    จักยามได๋จั่งสิมีเงินล้าน หอบคืนบ้านเมือท่ง เฮาน้อ
    ซื้อผ้าไหมไปฝากแม่ ซื้อโส่งหรั่งไปฝากพ่อ
    ซื้อแอลกอฮอร์ฝากอาจารญ์ศรีสะท้าน บาดเมือบ้านถิ่นอีสาน
    แล้วสิแวะซื้อเหล้ายาดองอยู่ข้างบ้าน ฝากญาท่านบ่าวทองคำ
    คนผุงามจั่งสาวมิค เพิ่นสิมักแนวได๋น้อ
    เอาจั่งซี้เนาะคนโก้ บ่าวสิโสจกแบงค์จ่าย
    จ้างคนตัดไม้ไผ่ เฮ็ดเถียงนาหลังน้อย ๆ ไว้หลอยพ้อพบกันเนาะ...นางเนาะ

  5. #5
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    140
    ฟังผญาจาต้าน บ่าวก๋าคามมาลายต่าง แท้น้อ
    ทางสาวมิคเพิ่นสิสร้าง เถียงนาน้อยไว้พบกัน
    บาดว่าทางเฮานั้น เหล่ายาดองเพิ่นสิป่อน
    ย้านตั้งแต่สิฮ้อน ฮูคอย่อลุกบ่เป็น พุ้นแหล่ว
    ทางจารย์ศรียังบ่เว้น เพิ่นยังส่งแอลกอฮอล
    ย่านแต่พอหลอตาย พุ้นตั้วน้อทางพี้
    แนวดีๆเพิ่นมีให้ แต่ทางไกลผู้สาวซ่า
    บาดน้องนุ่งนั้นน้า หาแต่แนวขี้ฮ้าย สิตายบ้อ บ่ใหญ่คาม
    ....................................................................อิจฉาผู้สาวอ้าย

  6. #6
    แบ่งปันความรู้และประสบการณ์
    วันที่สมัคร
    Feb 2009
    ที่อยู่
    สวิส....พะนะ
    กระทู้
    608
    กระทู้ต้นฉบับโดยคุณ ทองคำ
    ฟังผญาจาต้าน บ่าวก๋าคามมาลายต่าง แท้น้อ
    ทางสาวมิคเพิ่นสิสร้าง เถียงนาน้อยไว้พบกัน
    บาดว่าทางเฮานั้น เหล่ายาดองเพิ่นสิป่อน
    ย้านตั้งแต่สิฮ้อน ฮูคอย่อลุกบ่เป็น พุ้นแหล่ว
    ทางจารย์ศรียังบ่เว้น เพิ่นยังส่งแอลกอฮอล
    ย่านแต่พอหลอตาย พุ้นตั้วน้อทางพี้
    แนวดีๆเพิ่นมีให้ แต่ทางไกลผู้สาวซ่า
    บาดน้องนุ่งนั้นน้า หาแต่แนวขี้ฮ้าย สิตายบ้อ บ่ใหญ่คาม
    ....................................................................อิจฉาผู้สาวอ้าย
    เอาเข้าไปพูเจ้า55555

  7. #7
    [QUOTE=ทองคำ;210452][COLOR="magenta"]ฟังผญาจาต้าน บ่าวก๋าคามมาลายต่าง แท้น้อ
    ทางสาวมิคเพิ่นสิสร้าง เถียงนาน้อยไว้พบกัน
    บาดว่าทางเฮานั้น เหล่ายาดองเพิ่นสิป่อน
    ย้านตั้งแต่สิฮ้อน ฮูคอย่อลุกบ่เป็น พุ้นแหล่ว
    ทางจารย์ศรียังบ่เว้น เพิ่นยังส่งแอลกอฮอล
    ย่านแต่พอหลอตาย พุ้นตั้วน้อทางพี้
    แนวดีๆเพิ่นมีให้ แต่ทางไกลผู้สาวซ่า
    บาดน้องนุ่งนั้นน้า หาแต่แนวขี้ฮ้าย สิตายบ้อ บ่ใหญ่คาม
    ....................................................................อิจฉาผู้สาวอ้าย
    [/
    COLOR][/QUOTE]

    เจ้าผุทองคำโก้ อย่าฟ้าวโสแต่ทางหน่าย
    ว่าพี่เอาขี้ล่าย มาป่อนป้ายเจ้าหน่ายซัง
    เป็นยาชูกำลังพุ้นตั๊วะท้าว ที่อ้ายบ่าวเอามาฝาก
    จากโครงการ นตผ. ของดีน้อทางบ้านอ้าย
    ทำร่างกายให้แข็งแกร่ง มีเรี่ยวแรงสู้งานต่อ
    อ้ายเลยยอมาฝากน้อง ทองคำนี้พี่ฮักหลาย
    คันน้องติว่าขี้ล่าย อ้ายสิพายเมือบ้านเก่า
    โปรดอภัยอ้ายเด้อเจ้า คันแม่นเว้าบ่คู่ควร....

  8. #8
    เจ้าหน้าที่ประชาสัมพันธ์ สัญลักษณ์ของ เเมงสะดิ้ง
    วันที่สมัคร
    Oct 2008
    ที่อยู่
    ที่ชอบ
    กระทู้
    1,050
    บล็อก
    24
    คึดฮอดคือกัน


  9. #9
    ความคิดฮอดกอดเกี้ยว เกี่ยวคอจุกจู่ลู่
    คิดฮอดครูผญาท่าน ศรีสะท้านเพิ่นอยู่ใส
    หายไปหลายมื้อแล้ว บ่เห็นแววสิโค้วต่าว
    หรือแม่นมีผุสาว ผุเลาคิงงามโก้ ล็อคโตไว้บ่ให้มา นออาจารย์...


    หายไปโดนแท้นอ...

  10. #10
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    140
    คือว่าคนเฮานี่ อยู่หลายปีแสนพันผูก
    ความฮักลูกฮักเต้า แล่นเข้าใส่กัน
    ความคิดมาจั้นๆ คือไกลกันคนละหว่าง

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •