กลับมาจากไปหาเที่ยวแล้วกะฟ้าวแหล่นเข้าครัว...ตู้เย็นกะเกลี้ยง บ่ค่อยมีแนวสิกินเลย อิอิ
หิวอาหารไทยแฮง ซอกตู้แช่แข็งได้ปลาทูสดมา2ตัว...ต้มยำเผ็ดๆเปรี้ยวๆซดดีกว่าเนาะพี่น้อง...
เครื่องต้มยำกะมี ข่าหั่นแว่น,ตะไคร้ทุบๆ,ใบมะกรูดฉีก,รากผักชี,พริกขี้หนูทุบๆแช่น้ำมะนาวไว้โลด
ผักชีสับๆ,หอมแดงบุบพอแตก,เห็ดต่างๆตามมักหละจ้า,ปลาทูสดหั่นเคิ่งโต
ปรุงรสด้วยเกลือ ซีอิ๊วขาว,ผงปรุงรสนิดหน่อยแล้วกะน้ำปลาจ้า....
จัดการเอาน้ำใส่หม้อต้มให้เดือดกะให้พอหวิดเบิดกะพอจ้า ใสเครื่อต้ม ข่า ตะไคร้ หอมแดง
รากผักชี ปรุงรสใส่เกลือ ผงปรุงรส ซีอิ๊วขาว พอเดือดอีกครั้งใส่ปลา+เห็ด ห้ามคนเลยปล่อยให้เดือดเอง
พอปลาสุกใส่ใบมะกรูด ชิมเบิ่งห้ามเค็มใด๋
ทีนี่หาถ้วยแกงมา1ใบ ตักพริกพร้อมน้ำหมากนาวใส่ถ้วย ใส่น้ำปลานิดหน่อย
ตักต้มยำฮ้อนๆใส่ลงไป...โรยผักชีสับตามชอบจ้า เอ้าซดซ่อยกันพี่น้อง...กำลังสิเป็นหวัด หายเลย...
หมายเหตุ ที่ใส่น้ำหมากนาวในถ้วย เผื่อกินบ่เบิด เอาไปอุ่น น้ำแกงสิได้บ่ขมจ้า
แล้วกะน้ำปลาปรุงในถ้วย น้ำแกงสิได้บ่คาวเนาะ...ตามความคึดของข่อยดอกว้า
มักเฮ็ดแบบใด๋กะตามใจผู้กินหละจ้า.....
Bookmarks