...ยามมื้อจันท์แจ่มฟ้า บอกว่าอ้ายคิดถึง...

[บ่าวโจ่โล่]

ยามมื้อจันทร์แจ่มฟ้า ดวงดารามาแต้มแต่ง หล่าคำแพงคิดฮอดเจ้า อยากชวนเว้าเติมแต่งฝัน

นั่งเฮียงกันเว้าหยอกเล่น สายลมเย็นเป็นผ้าห่ม มือลูบผมคมตาต้อง คิดเห็นน้องจ้องคิดนำ

อ้ายพึมพำนำแผ่นฟ้า เบิ่งดาวหนากลางฟ้าเกลื่อน อิจฉาเดือนเพื่อนเต็มฟ้า แสงดาวจ้าส่งบ่จาง

ส่วนว่าทางตนโตอ้าย เป็นตาหน่ายบ่มีเธอ ห่างหลายเด้อยามเป็นทุกข์ พออุกใจไปถามเจ้า

เดือนดาวเหงาพาลใจเต้น แฮ่งอยากเห็นหน้าเจ้าคัก ขอได้ทักขอได้เว้า มีแนวเล่าบอกสู่ฟัง

ด้วยใจหวังทั้งใจอ้าย คำบรรยายอยากเว้าต่อ หยังสิท่ออ้ายฮักเจ้า หยังสิเท่าอ้ายฮักเธอ

ไผที่เจอบ่คือเจ้า ฮักบ่เซาเป็นหมั่นแก่น คิดหวงแหนเกินกล่าวเว้า เหงาเหลือฮ้ายมื้อคิดถึง น้องสาวเอ๊ย




[Radio]jolo/Paya/Normal.mp3[/Radio]

[แจ่มใสยิ้มสวย]

เพลงเพราะจังค่ะ

[ต่าย]

:heart::heart::heart:

อีเกิ้งงามอร่ามตา...แทนวงหน้านางน้อง..ได้แต่คองคอยอ้าย..ทางหน่ายบ่เคยมี..อ้ายเอ้ย

อ้ายคนดีฮู้หรือบ่....รอแต่ส่องมองจันทร์....ยามตะวันลับฟ้า...รอจันทราเต็มดวง..คอยมาทวงถามใจ..ซั่นบ้ออ้าย

ฝากคำไว้ว่าคึดฮอด...แทนอ้อมกอดจากเดือนดาว..ยามเหน็บหนาวเอาคำอ้าย..ห่มหัวใจพอได้อุ่น..อ้ายเอ๊ย

:heart:.........................:heart:

[หล่าลูกกก]

nice music. good story.

[หมูน้อย]

เพลงม่วนดี..

...แต่งบ่เป็นดอกเดอ้จ้า..แต่หว่าแวะมาฟังเพลงนั่นน๊า

...ฮ่วยเอื่อยต่ายมาก่อนหล่าเลยเนาะบาดนิ..อิอิอิอิ

...

[ลุงลิขิต]

เหลียวมองจันทร์ กลางฟ้า คือสายตาน้องเหลียวเบิ่ง
อ้ายคิดถึงน้องหล่า สิเป็นบ้า ว่าใส่เดือน
..เดือนเอ้ย..เจ้าผู้เดือนหงายแจ้ง มาเสียแฮง อ้ายฮักห่อ..เจ้าน้อ
เจ้าสังบ่มาคึดพ้อ คราวพุ้น อ้ายฮ่วมเฮือน
วันเวลาหลายปีเคลื่อน เจ้าลืมเลือน บ่กลับต่าว
อ้ายทนหนาว นอนนั่งเศร้า คอยแต่เจ้าสิต่าวมา...น้องเอ้ย..
(ลุงบ่ได้เว่าโดน..ลืมซะล่ะล่ะ...)

[สาวพุเตย]

มะเป็นตะน้องสาวหลายแท้น้ออ้าย ผญาเพิ่นแหมะ หวานคัก...ไปหาน้ำกินก่อน...มันแฮ้ดคอ..ฮิ้วววววววว

[sarate_n]

:1-:1-:1-ยามแหงนเบิ่งจันทร์แจ้ง...ทุกยามแลงคิดฮอดอ้าย...เป็นตาหน่ายใจเจ้าของ...คิดพ้อมองตากับอ้าย...คิดอยากฮ้ายใจเจ้าของ...ได้แหงนมองเบิ่งท้องฟ้า...คิดเห็นหน้ากะอิ่มใจ...อยู่เมืองไกลอ้ายสิฮักมั่น...ย่านเป็นหมันย้อนความเว้า...บ่อยากเศร้าอยู่ผู้เดียว...ดอกอ้ายเอ้ย....คั้นว่าฮักว่าแพงน้อง..สิมาจองน้องบ่ว่า...ย่านแต่เป็นคือเขาส่า...ใจนางหล้าสิสลายเด้...อันว่าใจของชายนั้น...หลายหมื่นพันผู้สาวเพิ่น...ฮักกันมาแต่โดนเนิ่น...ยังเปลี่ยนได้แม่นบ่ชาย...(หัดแต่งลองเบิ่ง...อดสาอ่านให้ม่วนเอาเด้อจ้า)

[ทิดจ่อย]

สาวพุเตยเอ้ย...อีเกิ้งบ้านน้อง คือกับอีเกิ้งบ้านอ้ายบ่อน้ออุ่น

อีเกิ้งบ้านอ้ายนั้น แนมขึ้นไป เห็นหน้าน้องอยู่สู่ยาม....ใด๋หล่า.....

....ป้าดๆๆๆๆ ข่อยมาคือกล้าเว้าหะนิ..อิอิอิ..คันเว้าอีหลีกะอย่าซาเด้อ

[กวางเรนเดียร์]

เพลงเพราะมากกกกกกกกกกกกกกกกกกกกกกกกกกจ้า