กำลังแสดงผล 1 ถึง 2 จากทั้งหมด 2

หัวข้อ: ณ..ริมท่งดงอีเกี้งเก่ยขี้ฝ้า

  1. #1
    Membership renewed สัญลักษณ์ของ บ่าวจ้ำ
    วันที่สมัคร
    Jan 2009
    ที่อยู่
    ขัวข้วมของหนองคาย
    กระทู้
    579
    บล็อก
    2

    พบปะพูดคุย ณ..ริมท่งดงอีเกี้งเก่ยขี้ฝ้า


    ณ..ริมท่งดงอีเกี้งเก่ยขี้ฝ้า

    ณ ริมท่งดงอีเกิ้งเก่ยขี้ฝ้า


    คืนแรมแนมเบิ่งเกิ้ง..................เทิงฟ้า
    กอดเข่าเช็ดน้ำตา....................เศ่าฮ้าย
    เกิ้งถืกเงาขี้ฝ้า........................บังเมิด...มืดมิด
    เงาเศ่าบังใจอ้าย.....................บ่ให้...ส่วงเซา

    มืดเทิ่งบ่เคิ่งอ้าย.....................หม่นใจ
    เศ่าย้อนฮักเจ้าหลาย................นางเอ้ย
    เป็นหยังจั่งกลับกลาย...............ไลทิ่ม...ลาห่าง
    ซ้ำบ่สายังเย้ย........................ว่าอ้าย...บ่สม

    คืนเศ่ามีแต่เหล้า.....................เป็นหมู่
    นกเซิ่นมาเป็นคู่.......................อยู่ซ้อน
    ใจหยังจั่งอุดอู้........................คึดห่วน...หาน้อง
    น้องหล่ามาลาย้อน...................แม่นอ้าย...จนบ๊อ

    เกิ้งกลมเกี้ยง เก่ยก่าย กับก้อนเมฆ
    งามปานเสก สรรสร้างฮัก จากสวรรค์
    ยามฮักแฮง แฮ่งงามจบ ยามพบพาน
    ยามเศ่าซั่น มันบ่งาม คือยามฮัก


    .......ณ..ริมท่งดงเคย...................อีเกิ้งเก่ยกับขี้ฝ้า
    แล้วปิดมิดแผ่นฟ้า........................มืดมัวมาบังฮอดใจ
    .......ฮู้บ่ว่าคนเศ่า........................เซาแมะเซาอย่าบังหลาย
    ฟ่าวหลีกไปให้ไกล.......................ปล่อยข่อยให้ใจส่วงซ่ะ
    .......ขี้ฝ้าไลไปแล้ว.....................วิหคแหลวแซ่วบินเซิ่น
    นกเอี้ยงส่งเสียงเอิ้น......................เวิ่นกู่ก้องฮ้องหาคู่
    .......ผู้ข้าเมาเดียวดาย..................คึดฮอดหลายใจหดหู่
    เมาหยังกะบ่ฮู้.............................แต่ฮู้อยุ่ว่าย้อนน้อง
    .......ขี้ฝ้าลาลับไป.......................แต่ว่าใจอ้ายหม่นหมอง
    ฟ้าแจ้งมีแสงส่อง.........................แต่ใจต้องยังหมองเศ่า
    .......อยากเศ่าเศ่าไปโลด..............มาคักโพดแท้ความเหงา
    บดบังบ่ยังเงา.............................เฮ็ดกันเอาให้สาสม
    .......บ่ต้องมาหลูโตน...................ซานำคนเมาจนขม
    เอาตี๊สิให้จ่ม..............................เอาให้สมสาแก่ใจ
    .......เศ่าหลายกะเจ็บปวด..............เหล้าเมิดขวดแล้วสิไป
    เมาแล้วกะจ่มหลาย........ณ..ริมท่งดงอีเกี้งเก่ยขี้ฝ้า.........ย่านเกิ้งหน่ายไปก่อนดอก

    ท้าวจ้ำ#คนรักของไผ๋
    เวอร์ชั่น เมาเหล้าขาว...หย่าวกลอน
    ๑๗ สิงหาคม พ.ศ. ๒๕๕๒
    แก้ไขครั้งสุดท้ายโดย บ่าวจ้ำ; 20-08-2009 at 05:42.

  2. #2
    แบ่งปันความรู้และประสบการณ์ สัญลักษณ์ของ nakorn
    วันที่สมัคร
    May 2009
    กระทู้
    63
    คืนเศ่ามีแต่เหล้า............เป็นหมู่
    อั่น..ถ่ามีเหล้าแล้วผมกะขอเป็นต้มไก่ กะได้แล้วสิมานั่งเป็นหมู่ดอก
    (เว้าเล่นเด้อ) ซึ้งหลายครับ ขอยืมไปเว้านำผู้สาวแหน่เด้อครับ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •