หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 19

หัวข้อ: มือใหม่หัดจาย ผญา ..อย่าถือสากันเด้อ...ขะน้อย

  1. #1
    pang
    Guest

    มือใหม่หัดจาย ผญา ..อย่าถือสากันเด้อ...ขะน้อย

    มามื้อนี้มาหัดเว้าจ่ายผญา เป็นภาษาอิสานหวังฮ่ำเฮียนความฮู้
    ขอคุณครูชูค้ำชี้นำบอกแน่ ยังอ่อนหัดแท้ๆความฮู้กะบ่หลาย
    ได้ยินพ่อแม่เว้าดั้งเก่าเดิมที ผ่านมาหลายปีผัดเล่าลืมเหมิดซ้ำ
    จั่งได้นำฮอยท่านปราชญ์ใหญ่ผู้อารีย์ คือสิมีมโนจิตบอกแนวเฮียนฮู้
    ไห่เอ็นดูผู้ข่า น้องไหม่ในวงการ เผื่อสืบสานมูลมั่งของดีอิสานไว้
    หวังว่าไกลไปหน้าของล้ำค่าสิบ่สูญ แมงกี่นูนเป็นผู้ฮับสืบฮอยเฮียนไว้....ซั่นดอก ว้า :D :D :D

  2. #2
    ร่วมถ่ายทอดความรู้สู่สังคม สัญลักษณ์ของ แป้งป๋อง
    วันที่สมัคร
    Sep 2006
    กระทู้
    953

    Re: มือใหม่หัดจาย ผญา ..อย่าถือสากันเด้อ...ขะน้อย

    อยากเว้านำ คือคิดบ่ออกน้อบาดนิ อิอิ

    ขอเวลาไปคิดเป็นการบ้านก่อนเด้อจ้า

  3. #3
    NUTTAVUS
    Guest

    Re: มือใหม่หัดจาย ผญา ..อย่าถือสากันเด้อ...ขะน้อย

    เอื้อยแป้ง มาทางนี่สิสอนให้

  4. #4
    NUTTAVUS
    Guest

    Re: มือใหม่หัดจาย ผญา ..อย่าถือสากันเด้อ...ขะน้อย

    พี่น้องเอ้ย...มาเด้อมาทางพี้.............. ซอยผญามาฝากแหน่
    คันเป็นลูกอีสานแท้........................ เข้ามาให้จ่ายผญา
    หนุ่มบ้านนามาเว้า........................... เอาใจใส่แหน่เด้อสาว
    บ่าวอีสานทั้งหลาย.......................... เจ้าอยู่ไสให้มาตุ้ม
    ให้มาซุมให้มาหุ้ม........................... ประชุมกันประสานต่อ
    จ่ายผญาต่างข้อ............................. ยอคำเว้าต่างกัน


    มาประชันคำเว้า.............................. เอาผญามาเบิ่ง
    ผญาย่อยหรือเซิ้ง........................... กะมาเว้าสู่กัน
    เว้าหลากบทหลายบั้น....................... ร่วมกันกลั่นวาจา
    เขียนผญามาโชว์............................ ว่าคารมณ์ไผแน่
    เขียนเบิ่งแมล่ะเจ้า.......................... ให้คนเขาได้อ่าน
    คันแม่นลูกอีสาน............................ เจ้าอย่าปะปล่อยถิ่มมูลเค้าแต่เก่าเดิม

  5. #5
    ร่วมถ่ายทอดความรู้สู่สังคม สัญลักษณ์ของ แป้งป๋อง
    วันที่สมัคร
    Sep 2006
    กระทู้
    953

    Re: มือใหม่หัดจาย ผญา ..อย่าถือสากันเด้อ...ขะน้อย

    Re: มือใหม่หัดจาย ผญา ..อย่าถือสากันเด้อ...ขะน้อย กระทู้ต้นฉบับโดยคุณ นุ คนเดิม
    เอื้อยแป้ง มาทางนี่สิสอนให้
    สอนเอื้อยแนน้องหล่า ไปทางได๋ล่ะ อิอิ

  6. #6
    PJ Nan
    Guest

    Re: มือใหม่หัดจาย ผญา ..อย่าถือสากันเด้อ...ขะน้อย

    พอได้ยินเสียงพิณห้าว.............สาวอิสานคิดฮอดพี่เด้แฟนเด้
    คิดฮอดอ้ายพูเท่ห์...................ที่เคยร่วมดอกห่วมเคียง..สาแหล้ว

  7. #7
    บ่าวอุบลมิวสิค
    Guest

    Re: มือใหม่หัดจาย ผญา ..อย่าถือสากันเด้อ...ขะน้อย

    หล่านางเอ้ยย เจ้าผู้งามใบหน้า หางตาให้เหลียวส่อง
    อ้ายนี่คอยนารถน้อง หมายปองเจ้าไว้ฮ่วมคีง
    เป็นความจริงจั่งจาต้าน ตาหวานเห็นใจแหน่
    ย้อนความจนแท้ๆ หาทางแก้บ่ค่อยเห็น
    จักเป็นเวรหยังแหล่ว แนวโตมันต้อยต่ำ
    กรรมของชายผุ้น้อย โอ้ยโตข่อยนี่ส่างเป็น
    เห็นใจอ้ายแหน่หล่า วาสนาบ่เทียมส่อง
    เงินค่าดองใกล้สิได้ อดใจไว้มื้อวิวาห์ สั่นแหล่ว นางเอย



  8. #8
    PJ Nan
    Guest

    Re: มือใหม่หัดจาย ผญา ..อย่าถือสากันเด้อ...ขะน้อย

    โอ น้อ อันว่าสุดทางไกลล้ำ
    อ้ายเดินทางมาถามข่าว
    จาฝากรักนาฏน้อง
    ปองไว้ บ่ เสื่อมสูญ
    .....อย่าสิมาลวงล้อ ให้คึดต่อนำหลาย
    อย่าสิมาตั๋วกัน ให้คิดนำแลงเซ้า
    คือสิเทียวทางพ้อพอใจจอดแว
    บัดห่าหายเมื่อยแล้วเฮือนหอน้องอ้าย บ่ เหลียว



    ....น้องผู้พั้ว ดอกซ้อน บุปผาหอมกลิ่น
    บ่มีไผเบิ่งสิ่ง ตาน้อยบ่เหลียว
    เฮียมนี้ปลอดอ้อยซ้อยเสมอดั่งเทียนสิง
    ผัดแต่เป็นหญิงมากะ บ่ มีซายซ้อน
    คือดังสาขาไม้ ลำเดียวบ่มีคู่
    ไม้หากมีแต่ต้นเครือสิเกี้ยวกะบ่มี อ้ายเอย
    ....

    ....มาหลูโตนโตเด้ฮักเพิ่นทางเดียว
    แสนสิเทียวมาจาเพิ่นบ่เหลียวพอน้อย
    เห็นว่าพลูลามค้าง ปลายชานเหี่ยวแดด
    เจ้าบ่ตักน้ำพรม เจ้าบ่ อมน้ำพูด
    พลูสิแห้งเหี่ยวตา ซั่นแหล่ว
    ....อันคำชายเว้าคือดั่งสิกลืนกิน
    บาดใจขมคือกอฮอ บ่ อาจมีไผฮู้
    คันบ่จริงเจ้าอย่าเว้า คันบ่เอาเจ้าอย่าว่า
    ย่านคือตอกมัดกล้า ดำนาแล้วเหยียบใส่ตม นั้นแหล่ว


  9. #9
    PJ Nan
    Guest

    Re: มือใหม่หัดจาย ผญา ..อย่าถือสากันเด้อ...ขะน้อย

    พอแต่เกิดมาได้....... สิบแปดขวบปลายปลาย
    มางึดหลายเจ้าของ... บ่เคยเป็นแนวนี้
    ผัดแต่เกิดมาได้....... โหลดบ่เคยจักเถื่อ
    งึดหลายเหลือพี่น้อง... บ่เคยได้อายุหลาย


    โอ้ยน้อ.............งึดเจ้าของ

  10. #10
    บ่าวสายฟ้า
    Guest

    Re: มือใหม่หัดจาย ผญา ..อย่าถือสากันเด้อ...ขะน้อย

    Re: มือใหม่หัดจาย ผญา ..อย่าถือสากันเด้อ...ขะน้อย กระทู้ต้นฉบับโดยคุณ PJ Nan
    พอได้ยินเสียงพิณห้าว.............สาวอิสานคิดฮอดพี่เด้แฟนเด้
    คิดฮอดอ้ายพูเท่ห์...................ที่เคยร่วมดอกห่วมเคียง..สาแหล้ว
    หล่านางเอ้ย เว้าหาแนนนางคนโก้ ป้าดติโธ่คือเว้าม่วนแท้น้อ
    หยับเข้ามาทางพี้ หยับเข้ามาใกล้ ๆ ใจอ้ายต่อประสงค์ ซั่นแล้ว

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •