หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 12

หัวข้อ: น้องเขมพาเบิ่งพิธีเอิ้นขวัญ

  1. #1
    มิสบ้านมหา 2010
    ศิลปิน นักเขียน
    สัญลักษณ์ของ เขมราฐ
    วันที่สมัคร
    Sep 2008
    ที่อยู่
    กลางท่งเมืองเขมฯ
    กระทู้
    2,078

    น้องเขมพาเบิ่งพิธีเอิ้นขวัญ


    ใทอิสานบ้านเฮาเพิ่นมีความเชื่อว่าคนเฮามีขวัญ หรือภาษากลางว่าวิญญาณหั่นล่ะค่ะ ถ้าเจ้าของขวัญบ่สบาย หรือจะเกิดแนวฮ้าย ๆ กับโตเพิ่น ขวัญเพิ่นกะจะออกหาเลาะเล่น แล้วมื่อวันแม่ที่ผ่านมา เฒ่าแม่น้องเขมเพิ่นไปร่วมถวายพระพรวันแม่ ตามประสาหลังบ้าน สท. ทั่วไป น้องเขมพาเบิ่งพิธีเอิ้นขวัญ แต่น้าที่นาใกล้กันผัดเห็นว่าเพิ่นไปเลาะอยู่ท่งนา เลยได้มีการหัำกไม้ไล่มอ แล้วกะเฮ็ดพาขวัญน้อยเิอิ้นขวัญตั่วค่ะบาดนี่ น้องเขมเลยเอาภาพงานมาปันเบิ่งค่ะ

    น้องเขมพาเบิ่งพิธีเอิ้นขวัญ

    พาขวัญน้อยกะน้อยสมชื่อค่ะ แม่ใหญ่เพิ่นมาเย็บให้แต่ตอนบ่าย ๆ กล้องน้องเขมงอนเลยบ่ได้ถ่ายภาพไว้ น้องเขมพาเบิ่งพิธีเอิ้นขวัญ มีเสื้อผ้าเจ้าของขวัญ สร้อย แหวน แป้ง หวี แว่น เทียนเวียนหัว น้ำหอม ขัน 5 ภายในพาขวัญมี ข้าวต้มโคม (ข้าวต้มมัด) ไข่ขวัญ ปั้นข้าว กล้วย คำหมากกอกยา ข้าวแดกงา ข้าวคลุกขมิ้น(จักเพิ่นเอิ้นว่าข้าวหยังดอกค่ะ น้องเขมจื่อบ่ได้)


    น้องเขมพาเบิ่งพิธีเอิ้นขวัญ

    พอได้เวลาประมาณ 2 ทุ่ม พ่อหมอสูตรเพิ่นกะทำพิธีเอิ้นขวัญแล้วค่ะ งานนี่กะบอกพี่น้องญาติสนิทมาร่วมผูกแขนเอิ้นขวัญนำค่ะ แต่น้องเขมมีญาติหลาย เลยเต็มเฮือนพอดี

    น้องเขมพาเบิ่งพิธีเอิ้นขวัญ

    พอพ่อหมอสูตรขวัญแล้วผู้เฒ่าเพิ่นกะผู้ข้อต่อแขน ผูกขวัญให้อยู่กับเนื้อกับโต

    น้องเขมพาเบิ่งพิธีเอิ้นขวัญ

    ตอนผูกแขนเพิ่นกะให้ถือ ไข่ขวัญ ปั้นข้าว ข้าวต้มโคม(ข้าวต้มมัด)

    น้องเขมพาเบิ่งพิธีเอิ้นขวัญ

    พอผูกแขนแล้วผู้เฒ่าเพิ่นกะสิเอาไข่ที่เฒ่าแม่ถือไว้ตอนผูกแขนมาปอกเพิ่ง ว่าไข่งามบ่ เพิ่นเปรียบไข่คือร่างกายเจ้าของขวัญ ถ้าไข่งามแสดงว่าขวัญมาแล้วมาอยู่กับเนื้อกับคีง
    แต่มื่อนั่นไข่บ่งามปานได๋ค่ะ ไข่เละข้างหนึ่งแต่พอตัดเข้าไปข้างในไข่แดงกะเต็มดี
    เพื่อความสบายใจ ขวัญกลับมาอยู่กับเนื้อกับคีงแล้ว (พ่ะน่ะ) ไข่ที่ได้มาหั่นกะมาจากไก่อยู่เล้าเจ้าของหั่นล่ะค่ะ ตอนต้มห่อใบตองอย่างดี


    น้องเขมพาเบิ่งพิธีเอิ้นขวัญ

    แล้วพิธีกะกินข้าวร่วมกันค่ะ เป็นน้ำใจของเจ้าของบ้านเลี้ยงผู้เพิ่นมาผูกข้อผูกแขน
    มื่อนั่นมี หมกปลาคัง ต้มไก่ ลาบหมู ส่วนผัก กะมียอดหมากกอกน้ำ ผักอิเลิศ ฯลฯ ที่หาได้นำสวนหลังบ้านหั่นล่ะค่ะ


  2. #2
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,728
    บ่อมีแนวมาให้พ่อหมอเพิ่นแก้บ้อ มีแต่น้ำซื่อๆคือสิดี...อิอิ แบบนี่มันกะบ่อขลังล่ะเนาะ.. หรือว่าเจ้าของเฮือนเพิ่นแก้แทน ฮ่าๆๆ

  3. #3
    แบ่งปันความรู้และประสบการณ์ สัญลักษณ์ของ สาวทุ่งฝน
    วันที่สมัคร
    Nov 2008
    ที่อยู่
    ห้องพี่สาว
    กระทู้
    509
    ฝนมักตะขั้นตอนสุดท้ายนะหละจ้า อิอิ...........ตุ้มกันกินข้าว

  4. #4
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,991
    บล็อก
    1
    กระทู้ต้นฉบับโดยคุณ คนตระการ...
    บ่อมีแนวมาให้พ่อหมอเพิ่นแก้บ้อ มีแต่น้ำซื่อๆคือสิดี...อิอิ แบบนี่มันกะบ่อขลังล่ะเนาะ.. หรือว่าเจ้าของเฮือนเพิ่นแก้แทน ฮ่าๆๆ
    แหม่นคือท่านหว่าครับคะซั่นเสียงพ่อพราหมณ์สิบ่ดี
    ส่วนคำสูตรขวัญมีหลายแบบหลายทำนองยาวสั่นแล้วแต่หมอขวัญ
    "ศรีศรีมื้อนี่เป็นมื้อสันต์วันดี เป็นดิถีอะมุตตะโชค โรคฮ่ายอย่ามาพาล มารฮ่ายอย่ามาเบียด"
    น้องเขมฯคือบ่อัดเสียงหมอพราหมณ์มาให้ฟังนำแหน่เนาะ
    ทางอุบลฯก่ะยังพอมีอยู่ครับแทบจะทุกหมู่บ้านสำหรับพิธีสู่ขวัญ

  5. #5
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,940
    มาเด้อขวัญเอ้ยยยยย

  6. #6
    แบ่งปันความรู้และประสบการณ์ สัญลักษณ์ของ ลาวสวิส
    วันที่สมัคร
    Mar 2009
    กระทู้
    390
    ประเพณีนั้นยังคงอยู่ แต่หมอพราหมณ์ หรือ หมอสูตรนี้ละเริ่มซิหายากแล้วจ้า เพราะคนเก่าคนแก่่เพิ่นกะเฒ่าตายไปนำ คนรุ่นใหม่กะบ่อยากศึกษาต่อปานได๋...

  7. #7
    ขอบคุณจ้าสาวเขม ที่เอามาลงสู่เบิ่งจ้า
    เห็นแล้วก็คิดฮอดยามกลับไปยามบ้าน ผู้เฒ่าเพิ่นกะสิมาเอิ่นขวัญให้
    อบอุ่นยามพี่น้องมาโฮมกันหลายๆ

  8. #8
    เจ้าหน้าที่ประชาสัมพันธ์ สัญลักษณ์ของ บ่าวจัย
    วันที่สมัคร
    Jun 2008
    กระทู้
    3,075
    มาเด้อขวานเอ้ยๆๆๆๆๆๆๆๆๆๆโอ้วบ่แม่น มาเด้อขวัญเอ้ยๆๆๆๆๆๆๆๆ
    คิดพ้อตอนนั่งสู่ขวัญเด้ เกียวกินตรีนจนว่านั่งบ่ได้เนาะดนโพดเว้ยพ่อหมอกะดาย

  9. #9
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,991
    บล็อก
    1
    กระทู้ต้นฉบับโดยคุณ พล พระยาแล
    มาเด้อขวัญเอ้ยยยยย
    "ขันขันนี่ก่ะเป็นขันแม่ใหญ่แก้วสู่ขวัญแล้วก่ะไปส่งเลาเด๊อ"
    มานะขวัญนะ

  10. #10
    ร่วมถ่ายทอดความรู้สู่สังคม สัญลักษณ์ของ บ่าวนิติกร
    วันที่สมัคร
    Nov 2008
    กระทู้
    163
    มานะ ขวัญนะ 55555555555555

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •