ต้มปลาข่อ(ปลาช่อน)ใส่ผักกะแงง.....

[บ่าวทิพย์คนอำนาจเจริญ]

มื้อเซ่าเลิกงานแต่เซ่าครับบ่มีโอ อยากกินต้มปลาข่อใส่ผักกะแงง ย้อนหว่าบ่ได้กินผักกะแงงมาโดนแล้ว ไปตลาดจอมทองได้มาสมใจอยากครับ ปลากะเฮ้ดให้เรียบร้อย ผักกะล้างให้สะอาดครับ

เครื่องต้มถ่าสิใส่หม้อเลยกะได้ครับ แต่บ่าวเอามาผัดสาก่อนใส่น้ำมันหน่อยๆ มันสิหอมกั่วกัน ถ่าไผดังเตาถ่านกะเผาเอาครับก่อนสิใส่หม้อต้มหอมคือกัน

ต้มน้ำเลยครับใส่เครื่องต้มที่ผัดแล้ว เกลือ บักขามเปียก หละกะรสดีจักก้อนหนึ่งครับ พอน้ำเดือดใส่ปลาลงเลยครับ พอปลาสุกกะปรุงตามใจชอบ ก่อนสิปงหม้อกะเอาผักที่หั่นไว้ใส่ลงไปครับ

มาๆ แล้วหละพี่น้อง กินข้าวนำกัน สำคัญเด้อต้องมีแจ่วบักพริกดิบจ้ำนำ ใส่ปลาแดกโตใหญ่ๆจั่งสิจ้ำแซบ.อิอิ

[สาวทองแพง]

หยับไปให้กินนำแนะจ้า ซดฮ้อนๆเป็นตามีแฮงท้องแท้จ้า
คือเฮ็ดแนวอยู่แนวกินเป็นแท้น้ออ้าย
เป็นตะอุ่นใจแม่นไผได้เป็นผู้ลังคนของอ้ายน้อ อิอิ

[ชายหล่ามาดามศรี]

ป้าดๆๆๆ สะมาเป็นตาซดฮอ้นๆๆๆ จักบาดให้ลวกลิ้นลูกลิงแท้ 5555

สุดยอดพ่อครัวหัวป่า ............

[สาวโคราช]

มาทันไหมน้อ น้องทองแพงกะน้องชายหล่าซดน้ำหมดหม้อยังน้อ คือจิอร่อยเนาะจ้า ซดน้ำร้อนๆคือจะมีแรงหลาย

[คนตระการ...]

หม้อฟดแฮงคักเนาะอ้าย....เฮ็ดกับแกล้มจักถ้วยเด้เนาะ ..

[pui.lab]

ผักกะแงงหน้าตาเป็นจังซี่ติ้จ้า เห็นอยุ่ห้างเวียดนามหลายแม่ะ แต่บ่กล้าซื้อ
ย่านซื้อผิด อิ อิ

[duidui27]

มื่ออื่นสิเฮ็ดกิน

[บ่าวต้นฅนมุกดาหาร]

มากินต้นปลาข่อนำเด้ออ้ายทิพย์....ไปได้มาตามใจอยากกินเนาะครับ(หมานอยู่เด้นิ) 55 ....ซิมแล้วละครับแซบหลายๆครับ

[สาวทุ่งฝน]

เฮ็ดกินเป็นเนาะอ้าย ต้มส้มๆ ซดน้ำฮ่อนๆเนาะ อิอิ หิวข้าวจังเลย

[เเมงสะดิ้ง]

สิเอาหยังมาล่อกะบ่ทันลืมหมกฮวกเด้อคนเอ้ย....ฟ่าวหามาเซ่นเด้อ