หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 25

หัวข้อ: ตำเมี่ยงบักขามน้อยกับหมากต่ำยาน

  1. #1
    ดูแลตรวจสอบเนื้อหา สัญลักษณ์ของ แหลวแดง
    วันที่สมัคร
    Mar 2008
    กระทู้
    2,194

    กระพริบตา ตำเมี่ยงบักขามน้อยกับหมากต่ำยาน

    เมือบ้านไปดำนามาคับ ดำนาหล่าๆดอก เบิ่งซงคือสิแล้งเป็นตาได้กินบ่บุข้าวกะดาย ถ้าฝนบ่ถิ่มช่วงคือสิได้เกี่ยวอยู่ดอก เว้าเรื่องเมี่ยงต่อเนาะ ดำนาขึ้นมาเมื่อยๆ อี่แม่เลากะหาหมากต่ำยานกับหมากขามน้อยมาไว้แล้ว ผมกะมีหน้าที่ถ่ายรูป มีนางแบบน้อยเป็นผู้ตำ วิธีการกะบ่ยากคับ ตำพริกตามต้องการเผ็ดหน่อยเผ็ดหลาย ซอยหัวขิงไคลงไปจักสองสามหัว แล้วกะตำพอแหลกจักหน่อย หักหมากขามน้อยลงไปตามต้องการสิตำหน่อยตำหลาย พอหมากขามแหลกแล้วกะปรุงรสเลย ใส่ต่อนปลาร้าลงไปหลายต่อนเติบ ผงชูรส ถ้าต้องการรสเค็มอีกกะใส่น้ำปลาจักหน่อยกะได้ ถืกใจแล้วกะตักใส่ถ้วย เอาหมากต่ำยานมากินกับได้เลยคับ






    ตำเมี่ยงบักขามน้อยกับหมากต่ำยาน

    ตำเมี่ยงบักขามน้อยกับหมากต่ำยาน
    ลงมือตำๆๆๆๆแล้วกะตำ พร้อมทั้งปรุงรส ทั้งน้ำปลา ผงชูรส ปลาร้า อี่แม่กำลังลงมือจกปลาร้าใส่ครก อิอิ เถียงนากะน้อยๆหนึ่งดอกคับ บ่ได้จัดอี่หยัง ฮกหลาย จั่งซี้หละไปนากะดายเนาะ บ่สะดวกคืออยู่บ้านดอกอี่หยังกะดาย


    ตำเมี่ยงบักขามน้อยกับหมากต่ำยาน
    เรียบร้อยแล้วคับ หน้าตาเป็นแบบนี้หละ


    ตำเมี่ยงบักขามน้อยกับหมากต่ำยาน
    ลักษณะหมากต่ำยานคับ หน่วยเป็นแบบนี้หละ ต้นมันเป็นเครือคือเครือส้มลมนี้หละ ขึ้นอยู่นำโพน หรือว่านำโคก เครือมันสิพันนำต้นโกน้อย ต้นแก้งไปจั่งซั้นหละ บ่ได้ถ่ายรูปเครือมันมาพร้อม รสชาดหน่วยมันกะสิฝาด บ่เคยเห็นเพิ่นเฮ็ดกินแนวอื่นจักเทื่อนอกจากกินเมี่ยง กินคำใหญ่หลายมันกะสิคาคอ คือว่ามันสิแค้นหั่นหนาคับ แต่ว่าแซบอี่หลีคับ พิมพ์ไปนำน้ำลายไหลไปนำเด้เดียวเนี้ย อิอิ


    ตำเมี่ยงบักขามน้อยกับหมากต่ำยาน
    พร้อมแล้วคับผม หมากต่ำยานสิกัดแล้วกะคุ้ยกินเลยกะได้คับถ้าเป็นหน่วยอ่อน แต่ว่าถ้าเป็นหน่วยแก่ต้องใซ้มีดตัดเอา เพราะว่ามันหยาบ เอาไส้ในมันออกนำมันจั่งบ่ฝาดหลาย ลงมือได้เลยคร้าบบบบ


    ตำเมี่ยงบักขามน้อยกับหมากต่ำยาน
    กล้องบ่ดีคือเพิ่น ไปโฟกัสแต่ถ้วย ล้างมือแล้วหละคับ เด็กน้อยบ่กินนำดอก


    ตำเมี่ยงบักขามน้อยกับหมากต่ำยาน
    พุ้นหละเด็กน้อยพากันไปกินข้าวเหมิดแล้ว เล่นหลายเลยหิวข้าวว่าซั้น ไข่อ่องหล่องกะยังว่า เล่นหลายแล้วฮ้อนสั่นแหล่ว แก้เสื้อใส่เลย


  2. #2
    ร่วมถ่ายทอดความรู้สู่สังคม สัญลักษณ์ของ บ่าวจอหอ
    วันที่สมัคร
    Mar 2009
    ที่อยู่
    ayutthaya
    กระทู้
    334
    มีโอกาสชิมก่อนเลยครับ เป็นตาแซบแท่ครับ นางแบบกะเป็นตาน่าฮักเนาะ

  3. #3
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,728
    คือเฮ็ดให้ส่มปากแท๊.....เข็ดแข่วเด้.........แต่ก่อนนี่กะตำกินประจำคือกันครับ

    มักภาพสุดท้ายนั่นครับ อยู่เถียงนา เด็กน้อยกำลังจกกล่องเข้า...คิดเห็นแต่ยังน้อยเด้

  4. #4
    เจ้าหน้าที่ประชาสัมพันธ์ สัญลักษณ์ของ บ่าวจัย
    วันที่สมัคร
    Jun 2008
    กระทู้
    3,075
    นำมาร่วมวงนำครับอ้ายแหลวแดง เคยเห็นน่วยมันนำโคกยุครับแต่บ่รู้ว่ามันกินได้
    อ่านไปนำ น้ำลายแตกไปนำตะแมนสิบาปหลายเด้อเจ้า มาเฮ็ดให้พี่น้องเพิ่นอยากฮ๋าๆๆๆๆๆ

  5. #5
    ดีเจ นักจัดรายการ สัญลักษณ์ของ บักขามป้อม
    วันที่สมัคร
    Jun 2009
    ที่อยู่
    อิสานบ้านเฮา
    กระทู้
    667
    บล็อก
    5
    โอ๊ยยยย น้ำลายแตกจ้าอ้าย อยากกินนำเด้เนาะ เป็นตาแซบฮ้ายจ้า

  6. #6
    ร่วมกิจกรรมนำความรู้ สัญลักษณ์ของ เซียนเมา
    วันที่สมัคร
    Jun 2009
    ที่อยู่
    Suratthani
    กระทู้
    1,703
    กะถือว่าเป็นควมฮู้ สำหรับผุบ่ฮุ้จั่งผุข้า...
    บ่เคยกินเลยครับ คันแม่นพ้อกะสิลองยุคับ แนวกินแล้วบ่เบื่อนิ ผุข้าฟาดได้คุแนวครับ

  7. #7
    ดูแลตรวจสอบเนื้อหา สัญลักษณ์ของ แหลวแดง
    วันที่สมัคร
    Mar 2008
    กระทู้
    2,194
    ขอบคุณพี่น้องที่เข้ามาให้กำลังใจคับผม ถ้าเห็นอยู่ไสกะลองกินเบิ่งเด้อคับ บ่เบื่อดอก หมากที่มีลักษณะคล้ายๆกันนี้กะบ่เคยเห็น เพราะฉะนั้นถ้าเป็นรูปร่างแบบนี้กะน่าสิเป็นหมากต่ำยานแน่นอน บ่เบื่อคับ แต่ว่าสิฝาดท่อนั้นหละ ถ้าหาหมากขามบ่ได้กะกินกับปลาร้าบองกะได้คือกันคับ แซบไปอีกแบบ แต่ว่าอย่ากินคำใหญ่ มันฝาดหลาย มันสิแค้นคอหาน้ำบ่ทัน อิอิ

  8. #8
    แบ่งปันความรู้และประสบการณ์ สัญลักษณ์ของ ลาวสวิส
    วันที่สมัคร
    Mar 2009
    กระทู้
    390
    ขอซิมนำจักคำแน บ่ทันเคยกินยุตำบักขามน้อยไส่บักต่ำยาน เคยกินแต่ตำบักขามน้อยไส่อีปู...เป็นตาแซบเนาะ

  9. #9
    แบ่งปันความรู้และประสบการณ์
    วันที่สมัคร
    Dec 2008
    กระทู้
    287
    น่ากินนเาะจ้า นางแบบมีแต่คนหน้ารัก เห็นแล้วคิดถึงบ้านเนาะยามนี่มะขามอ่อน หลายๆแท้จ้า

  10. #10
    แบ่งปันความรู้และประสบการณ์ สัญลักษณ์ของ ๛หนุ่มบ้านไกล๛
    วันที่สมัคร
    Apr 2009
    กระทู้
    849
    บล็อก
    8
    เอ้า...หน่วยอันนี้มันกินได้เสยเนาะ แถวบ้านผมเขาบ่กินหนา เขาว่ามันเบื่อ

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •