มื้อนี้มีเมนูเด็ดมาฝากครับ ปลาหมึกผัดพริกแกง สิเป็นกับข้าวกะดี กับแกล้มกะแซบหลาย
ได้นั่งเลียมือ ยุเด้สิบอกให้ วิธีเฮ็ดกะแสนง่าย ตามบ่าวใจเข้าครัวมาเลยครับ
ก่อนอื่นเอาปลาหมึกที่เฮาซื้อมาล้างน้ำให้สะอาด เอาขี้เอาดุกมันออกให้เบิ่ด

ปลาหมึกผัดพริกแกง
เสร็จแล้วจัดการหั่นเป็นแว่นๆตามถนัด(ปาก)ไผ๋มันครับ ต่อนใหญ่หลายมันสิสุกยาก สุกบ่สม่ำเสมอครับ
ปลาหมึกผัดพริกแกง
พอหั่นปลาหมึกเสร็จแล้ว กะมาเตรียมผักรอเลยครับ
มีพริกหยวก หมากแข้ง พริกไทอ่อน ขิงอ่อนซอย ใบหมากกูด ใบกระเพา

ปลาหมึกผัดพริกแกง
เตรียมผักเสร็จแล้ว ตั่งหม้อกระทะใส่น้ำมันนิดหน่อยผัดพริกแกงเผ็ดเอาพอจามเด้อครับ
แล้วตามด้วยผักที่เตรียมไว้ก่อนหน้านั้นครับ ใส่ลงไปผัดให้สุกเติมน้ำนิดหน่อยปิดฝาหม้อไว้ก่อน รอให้พริกสุกดีก่อนค่อยเอาปลาหมึกใส่

ปลาหมึกผัดพริกแกง
พอพริกสุกดีแล้วตามมาด้วยปลาหมึกครับใส่ลงไปคนให้ทั่วเลยเดียวมันสิสุกบ่ทันกัน เพราะว่าปลาหมึกสุกง่ายบ่ต้องผัดด่นเด้อ
ปลาหมึกผัดพริกแกง
ปลาหมึกสุกแล้วตามด้วยใบกระเพาครับ คนให้ทั่วแล้วดับไฟเลยครับบ่ต้องคนด่น เสร็จแล้วตักใส่จานเสริฟเลย
ปลาหมึกผัดพริกแกง
และนี้คือหน้าตา ปลาหมึกผัดพริกแกงครับ ขอบอกว่าเฮ็ดกินคนเดียวครับ
ย้านบ่อิ่มเฮ็ดหลายคักสุดท้ายได้ใส่ตู้เย็นไว้อีกครับ กินบ่เบิ่ดหลายคักแซบๆเด้อครับ
หาข้าวมาเลยครับ มานั่งร่วมโต๊ะนำกันเด้อพี่น้องบาดนี้ ไผ๋สิเอาไปเป็นเมนูคืนนี้กะตามสะบายเด้อครับบ่หวงดอก

ปลาหมึกผัดพริกแกง
ขอบคุณทุกเสียงทุกนามที่เข้ามาชิมมาเบิ่งครับ เป็นกำลังใจให้บ่าวจัยขอบคุณหลายๆครับ