หน้าที่ 1 จากทั้งหมด 7 หน้า 123 ... หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 63

หัวข้อ: คึดนำเจ้าอยู่อ่ำหล่ำๆ..

  1. #1
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23

    คึดนำเจ้าอยู่อ่ำหล่ำๆ..

    คึดนำเจ้าอยู่อ่ำหล่ำๆ..

    ซายเอ๋ย..
    จักแม่นอานิสงค์สร้าง บุญนำทางแต่คองเก่า
    หลงฮ่ำฮอนแต่นำเจ้า จักสิเว่าว่าจั่งได๋
    ย่านแต่คนทางไกล สิไหลลืมคองเก่า
    มาตั๋วะล่อให้นั่งเฝ่า แนมทางเจ้ากะเปล่าดาย
    ทิ่มแต่ทางเทียวไว่ ให้ป่าหญ้าขึ้นนำทาง
    คั่นสิย่างกะจนใจ ทางสิไปกะบ่เห็น
    ย่านเพิ่นไปหลงเต้น นำแห่แต่ลาดยาง
    ลืมเถียงนาฮ้างน้อย หม่องนางคอยแต่แนมหา
    ส่งทางใจไปบอกว่า อย่าให้ถ่ามิดจ้อย
    คั่นทางไถยังเห็นฮอย สิคอยเจ้าบ่าวคนเดิม..ซายเอ้ย
    แก้ไขครั้งสุดท้ายโดย sompoi; 06-10-2009 at 16:32.


  2. #2
    ออกพรรษาลาพระเจ้า หัวลมหนาวใกล้สิแว่
    ข้าวมานแก่ถอดยอด สลับสอดลอดเป็นฮวง
    ลมพัดดวงผกาเกล้า น้าวเอ่นอิ้วปลิวไสว
    กกก้านกอแกว่งไกว หลูบเป็นสายยามลมต้อง
    คึดฮอดเด้..คึดฮอดน้อง มองทางได๋กะแปนเปล่า
    สายลมหนาวปีนี้ ไปลี้หม่นซ้นบ่อนได๋..นอ
    คึดนำอ้ายแน่บ้อ มิดแท้นอคำจาเพิ่น
    ปล่อยให้ฮ้องเฮียกเอิ้น เขินเด้..จ่มผุเดียว
    ข้าวต้นเขียวเดี๋ยวมานท้อง รวงสีทองใกล้สิป่ง
    สุกเต็มท่งข้าวล้มเกี้ยว ไผสิก้มเกี่ยวเฮียง
    นั่งอยู่เถียงนาน้อย ยังคงคอยเจ้าสิต่าว
    ปล่อยให้เหงาแท้จ้า อยากเห็นหน้า..เจ้าอยู่เด้อ...

  3. #3
    คิดฮอดหลายแท้เจ้า ขอถามข่าวทาวหา
    หลายเวลาผ่านไป แม่นอยู่ใสน้อน้อง
    ทิ่มให้คองทางถ่า สอดสายตาบ่เห็นไหง่
    หรือแม่นเจ็บป่วยไข้ เป็นได๋บ้างบาดห่างกัน
    เดือนวสันต์ผ่านพ้น วนเข้าสู๋เหมันต์
    ข้าวมานจนออกฮวง เป็นห่วงหลายแท้เด้เจ้า
    โปรดส่งข่าวคืนมาบ้าง ว่าทางพุ้นเป็นได๋แน่
    โปรดเทคแคร์เจ้าของบ้าง ระวังด้วยสิป่วยตาม
    ฝากลมถามข่าวน้อง เฝ้าประครองยามล้าหล่อย
    ฝากฟ้าคอยห่มผ้าด้วย ช่วยโอบอุ้มหุ้มไหล่เธอ
    ฝากแน่เด้อตาเว็นแจ้ง ฝากเบิ่งแงงคำแพงอ่อน
    ยามเข้านอนฝากจันทร์เจ้า ปลอบขวัญเว้าเล่านิทาน
    ทุกคืนวันที่ผ่านล่วง เป็นห่วงหลายเด้อใจพี่
    กะย้อนฮักดอกคนดี เจ้านั้นตี๊สิคืออ้าย ชายพี่แน่บ่นอ..นางเอย

  4. #4
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    :heart: :heart:

    ความคึดฮอดจอดสั่งไว่... อยู่ทางได๋กะคึดต่อ
    ฮู้บ่อน้อทางใจเจ้า.... .......คนที่เฝ่าแต่ห่วงหา
    อยากสิดึงแสงเดือนจ้า.......ยามอยากจาถามข่าว
    ว่าสำบายดีบ่อเจ้า.............บ่ได่เว่ากะฝากคึดถึง
    ยามค่ำคืนเบิ่งอิเกิ้ง......... ฝากวานถึงบ่าวคนเก่า
    นี่คือคำจากผู่สาว...........คนที่เฝ้าคึดนำ..อยู่อ่ำหล่ำๆ..เด้อจ้า
    :heart: :heart:

  5. #5
    แบ่งปันความรู้และประสบการณ์ สัญลักษณ์ของ ลูกสาวที่ราบสูง
    วันที่สมัคร
    Oct 2008
    กระทู้
    188
    เป็นตาม่วนเน๊อะเว้าบ่เป็น..ขอมาอ่านแด่เด้อจ๊ะ

  6. #6
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,940
    บ่ได้น้องชาตินี้ทีใหม่จั่งเห็นกัน

    สร้างกุศลให้มันทันได้ฮ่วมกันแน่เด้อน้อง

    บ่ให้ไผมาจองเจ้าเอาบุญชูไปช้อนคู่

    เสียดายเด เสียดายนางนอหม่อมชู้

    พออยากไข้ป่วยตายเด้นางเอ้ย

  7. #7
    แบ่งปันความรู้และประสบการณ์
    วันที่สมัคร
    Feb 2009
    ที่อยู่
    สวิส....พะนะ
    กระทู้
    608
    บู๊ยยยยยยยยยเป็นตาออนซอนพูเพิ่นจ่ายผญาเป็นเด้เนาะ

  8. #8
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,172
    บล็อก
    9

    พบปะพูดคุย

    คิดนำแน๊ บ่ได้โทรหา 2 มื่อแล้ว คิดนำอำลำๆ

  9. #9
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    มิดซี่ลี่แท้น้อเจ้า.. คนเคยเว่าหยอกกล่าว
    คึดนำบ่าวคนผู่ฮู้ .. ซู้ผู่เก่าคนเค้าก่อน
    คั่นบ่ไขดอกปากต้อน.. อกสิฮ่อนเป้เพเปื่อย
    บ่แม่นเว่าดอกไปเรื่อย.. ประสงค์ตั้งจั่งด่วนมา
    โอ๋ยเด้น้อ..ส่างเป็นเด้.. มาคึดนำแต่คำเจ้า
    ป่านศรจ้ำตำคาอก.. คือจั่งน้ำอั่งเอ้าต้อมไว่กะบ่ไหว
    จั่งอดสาห์ดอกไขป้าย..นำจ่ายแต่ผญา..ว่าคึดฮอดเด้อจ้า..อยู่อ่ำหล่ำๆ..นั้นเด้

    ปล. คึดฮอดกะโทรหาโลดตั้วะเจ้ ตำรวจคือสิบ่จับดอกติ .. คริๆๆ
    แก้ไขครั้งสุดท้ายโดย sompoi; 17-10-2009 at 20:01.

  10. #10
    พอแต่ฟังคำเว้า คิดนำเขาอ่ำล่ำ อ่ำล่ำ พะนะ
    ทำให้หัวใจชาย แตกสลายแล้วเด้อเจ้า
    เขาแม่นไผน้อหล่า เจ้าคือมาฮักคักแน่
    ทิ่มให้อ้ายเป็นผุแพ้ ย้ำแย่อยู่ผุเดียว
    อดสาเทียวส่งป้อน ป่อนให้จากใจจริง
    สรรพสิ่งที่กระทำ ย้อนคิดจำแต่นำเจ้า
    ซ่างมาเหงาใจแท้ เขาบ่แคร์บ่เห็นค่า
    เหลือเพียงหยดน้ำตา ที่ทาลงอาบแก้ม แจมคำเว้าว่าคิดถึง..นี่แหล่ว

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •