สวัสดีคับอ้าย เอื้อย พี่ น้อง ครัวบ้านมหาทุกคนคับ คือแบบว่ายามไปตลาดลาดลี ตลาดสด ผมสิมักย่างเบิ่งปลาเป็นส่วนมาก มีหลายชนิดปลา เป็นต้นว่าปลาดุก ปลาค่อ ปลาขาว ปลาซิว ปลานิล ปลาทับทิม ซึ่งเป็นปลาที่ผมคุ้นเคย และกะเฮ็ดกินเป็นซุแนวอยู่ แต่ลังเทื่อผมสิเห็นปลาชนิดหนึ่งคือปลาตอง ได้ยินว่าลาบปลาตองแซบหลาย แต่ผมกะบ่กล้าซื้อมาเฮ็ดกิน ย้อนว่าเฮ็ดบ่เป็น ที่เว้ามาซะยืดยาวนี้ คือสิรบกวนผู้เพิ่นเฮ็ดเป็น มาเฮ็ดสู่เบิ่งแหน่ อธิบายรายละเอียดแหน่สั่นดอกคับ สิได้ไปปฎิบัติตาม ห่าเมือบ้านไปเฮ็ดสู่อี่พ่ออี่แม่กิน
รบกวนแหน่เด้อคับผม ผมหาในกระทู้เก่าแล้วกะบ่มี หรือมีแต่ผมหาบ่พ้อกะบ่จัก จั่งได๋กะชี้แนะแนวทางแหน่คับ ขอบคุณล่วงหน้าคับผมธุจ้าธุจ้า

จาก แหลวแดงแรงฤทธิ์:heart::heart: