แนวทางเล่นกีตาร์ให้เป็นพิณ เด้อ

[Jcomp]

นี่เป็นตัวอย่างคร่าว ๆ ในการเล่นพิณในกีตาร์

ส่วนมากผมเล่นที่ช่อง 5 กะมาเบิ่งตรงกลางเลย การเล่นหมอลำ ส่วนมากสิเล่น ไมเนอร์ มันสิตรงกับ pentatonic scale บ่านิเฮากะเอาโน้ต เป็นตัวไทยมาใส่ ในที่นี้เฮาเอา คีย์ Am
A = ลา
B = ที
C = โด
D = เร
E = มี
F = ฟา
G = ซอล
A = ลา

สายที่1 ช่องที่ 8 สิเป็น โด
สายที่ 1 ช่องที่ 7 สิเป็น ที
สายที่ 1 ช่องที่ 5 สิเป็น ลา
สายที่ 2 ช่องที่ 8 สิเป็น ซอล
สายที่ 2 ช่องที่ 5 สิเป็น มี
สายที่ 3 ช่องที่ 7 สิเป็น เร
สายที่ 3 ช่องที่ 5 สิเป็น โด
สายที่ 4 ช่องที่ 7 สิเป็น ลา
สายที่ 4 ช่องที่ 5 สิเป็น ซอล
สายที่ 5 ช่อง 7 สิเป็น มี
สายที่ 5 ช่องที่ 5 สิเป็น เร
เอาซ่ำนี้ก่อนบ่านี้เฮาลองมาเล่น ลายโปงลางลองเบิ่งเน๊าะ

ไปจุดต่ำจุดสูงกันเอาเองเด้อ สมมุติว่าเสียงต่ำกะให้จุด ดฺ คันแม่นเสียสูงกะให้จุด ดํ คันเสียงกลางกะบ่อต้องจุด เด้อ พี่น้อง

เอ้าลองเบิ่งจักลาย ลายโปงลางเน๊าะ

มฺ ซฺ ลฺ ซฺ ลฺ ร ด ลฺ ซฺ ลฺ

นอกนั้นกะไปหาเอาเด้อ ค้านพิมพ์ เด๋วสิอัดคลิปมาให้เบิ่งคราวหน้า ถ้าได้ แพทเทิร์นนี้ คีย์อื่นกะสิตามมาเด้อ เอาซ่ำนี้หละ บ่อเข้าใจกะโทรถามได้

คันบ่อดีจั่งใด๋กะ ติเตียนกันได้เด้อ ผมกะได้ซ่ำนี้ อิอิtim:

[vieng]

ถ้ามีเล่นพิณเป็นกีตาร์สิคักเติบ

[Jcomp]

เล่นพิณเป็นกีตาร์กะได้ครับ แต่ว่ามันจำกัดครับ บางตัวโน๊ตมันบ่อมีคับ แต่ว่า เล่นใจสั่งมาได้ อิอิ ผมเล่นจีบสาวประจำสมัยก่อน หัดเล่นพิณใหม่ ๆ จับคอร์ดได้ โซโล่ได้ครับ แนวทางเดี๋ยวสิบอกอีกเถื่อหนึ่งครับ

[บ่าวอิสานคนโก้]

โอยหัดพิณกะมุ่นป่านเตะเห็ดละครับเอากี่ต้ามาเล่นพิณสิบ่อฮ่ายกว่ายุงตีกันบ่อน่อบ่านนิ

[kanool]

เป็นตะคือบ่ดอกครับ สิลองเบิ่ง...ขอบคุณหลายๆ เด้อครับ

[หมอลำเอกชัยคนหล่อ]

ผมว่าถ่ายวีีดีโอการเล่นนิ้ว เล่นปิ้กมาให้ศึกษานำกะสิดีเเฮงครับ เผื่อคนอ่านที่ฝึกใหม่สิได้หายงง ได้บุญคับ

[บ่าวนาตาลเขย่าโลก]

ผมว่าถ่ายวีีดีโอการเล่นนิ้ว เล่นปิ้กมาให้ศึกษานำกะสิดีเเฮงครับ เผื่อคนอ่านที่ฝึกใหม่สิได้หายงง ได้บุญคับ

เอาเฉพาะนิ้วเด้อคับ ท่านเอกชัย ขั่นได้แบบถ่ายเอาแต่นิ้ว แต่ขั่นอาจารย์มือกีตาร์เพิ่นอยากสงวนลิขสิกลายกีตาร์ก่าบ่เป็นหยังคับ

ผมก่าพึ้งหัดไหม่เด้อคับ หัดเบสกับหัดหลายๆอันอยุ่คับ ผมมักอันในมนต์แคน แก่นคูณน่ะคับ ไผ๋ถนัดลายทางมนต์แคน ผมอยากได้เป็นอาจารย์มาก บ่เอาท่อนโซโล่คับ เอาท่อนเสียงเบาๆที่เล่นไปตามปากคนร้องน่ะคับ ผมขอสำนิล่ะคับ

[boyse]

งงคือกันครับอะไรก็บ่ฮู้
เทคนิคไรหรอท่านเอาคลิปมาให้ดูดีกว่าแต่กะดีที่มีน้ำใจ
แต่เอาไปใช้น้ำบ่เป็นดอกอัดคลิปมาให้เมิ่งเด้อค่อสิอ่านลายออกว่าเจ้าเล่นทำนองได๋....

[บ่าวต้นฅนมุกดาหาร]

เบิ่งแล้วกะคือซงสิยากแท้ครับ...ผมขอเลือกเล่นพิณดีกว่าครับ...อันกีตาร์เอาไว้ทีหลังดีกว่า 55

[บ่าวตั้ม]

ผมเล่นพิณบ่เป็น แต่เล่นกีต้าเป็นพิณเป็นครับ
ผมว่ามันง่ายกว่ากันครับ