หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 12

หัวข้อ: ...สิแม่นเจ้าบ่น้อหล่า ใจถามหาบ่เซา...

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    ...สิแม่นเจ้าบ่น้อหล่า ใจถามหาบ่เซา...


    ...สิแม่นเจ้าบ่น้อหล่า ใจถามหาบ่เซา...

    สิแม่นเจ้าบ่น้อหล่า ใจถามหามื้อร้อยเทื่อ เหลียวไปเหนือหรือทางใต้ ไผคนนั้นกะแม่นเธอ

    เทียวละเมอได้คิดพ้อ เฮ็ดหยังน้อแต่เช้าค่ำ หัวใจนำอยากพ้อหน้า อยากจาเว้าเฝ้าเบิ่งตา

    บุญผลาสิได้ซ้อน เอามือซอนพอโอบไหล่ (แน่บ่น้อ) ฟ้าเห็นใจแน่เด้อเจ้า ให้เขานั้นได้คิดนำ (แน่เด้อฟ้าเอ๊ย)

    การกระทำทุกก้าวย่าง บนทางหย่างอยากมีเธอ ฝันได๋เด้อทางหัวใจ เฮ็ดอันได๋อยากมีเจ้า

    ขอเป็นเงาเจ้าเคียงข้าง ทุกเส้นทางขอฝันฝ่า วาสนาชาตาฮ้าย สิมายม้างเข้าย่างชน

    ขอมีคนผู้จั่งเจ้า หัวใจเหงาคงพ้นผ่าน ยิ้มหวาน หวาน ยามส่งให้ ถึงเป็นไข้กะแม่นหาย (เด้อคนงามเอ๊ย)

    แก้ไขครั้งสุดท้ายโดย sompoi; 24-01-2010 at 09:08.

    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  2. #2
    เจ้าหน้าที่ประชาสัมพันธ์ สัญลักษณ์ของ ใบไม้สีชมพู
    วันที่สมัคร
    Jun 2006
    กระทู้
    2,112
    บ่แม่นใบไม้บ่จ้า คริๆ เขียนดีอีหลีจ้า มักๆ

  3. #3
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,883
    บล็อก
    1
    โอ๋ยเด๊น้อ...คันแหม่นหวานบ่สมส่ม
    เป็นคือลมพัดหวี่หวี่เย็นอี่หลีเด๊อหล่ะอ้ายทางใจนั่น สั่นระทวย
    ย่านแต่รวยคำหมั่น ใจกระสันต์ดี้นดั่น ตั๋วให้ฝันแล้วผัดม้าง วางถิ่มปล่อยไล
    แนวหว่าไฟยามเบิ๋ดเชื้อ หลงเหลือคือขี่เถ่า แหม่นสิเป่าลมเบิ๋ดท้อง โตน้องก่ะเป่าดาย...อ้ายเอ๊ย
    *******
    สม=ผสม,ปน
    ส่ม=เปรี้ยว
    หวี่หวี่=พัดเอื่อยๆ
    ย้าน=กลัว
    ดี้นดั่น=ชักดิ้นชักงอ
    ตั๋ว=หลอก,โกหก
    ม้าง=ทำลาย
    เบิ๋ด=หมด
    ขี่เถ่า=ขี้เถ้า
    *********
    แก้ไขครั้งสุดท้ายโดย pcalibration; 20-10-2009 at 15:39.

  4. #4
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    ถืกอีกแล้ว.......ถืกใจอีกแล้ว ....เขียนบทใด๋ขึ้นมากะถืกใจทิดจ่อยเบิ๊ดเอาโลดบ่าวเอ้ย...ซึ้งหลาย

  5. #5
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    จั่งสิมาแจมนำเด้ออ้าย มือสมัครเล่นแม่ะ.. ย่านกลอนเพิ่นหมองเหมิดซั่นดอกหว๋า อิอิ
    มองต่าง..อย่างปลง

  6. #6
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    ขอบคุณหลาย ๆ เด้อครับพี่น้อง ที่ซ่อยกันแจม ว่ามาโลดครับ ไผอยากเว้าแนวได๋กะดาย

    ซ่อยกันวิพากษ์แน่ครับ บางมื้อกะเขียนดี บางมื้อกะเขียนบ่ดีครับ เหมิดมุขคือกัน ฮ่า ๆ ๆ

    แต่กะสิพยายาม เขียนให้พี่ ๆ น้อง ๆ อ่านกันเด้อครับผม


    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  7. #7
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23

    ลองแจมนำเด้ออ้าย

    ลองแจมนำเด้ออ้าย

    ว่าสิถอนแล้วความช้ำ..ฝากประจำดอกเบี้ยใจ
    ถ่ากำไรกะดนค้อย..สิจ่อยตายแม่นต้นทุน
    ว่าสิหุ้นควมฮักอ้าย..อยากเอาซายเข้าฮ่วมใจ
    ย่านบ่แม่นคนที่ใช่..ของโตอ้ายเลยพ่ายหวัง
    อยากคือไผ๋อย่างคนนั้น..ที่ซายหล่ำนำหา
    สิบอกลาเลยควมเหงา..คั่นมีเจ้าคอยปลอบใจ
    ควมได๋ยากคือสิง่าย..บ่ได่บ่ายแต่น้ำตา
    อดสาแม่นแน่ะเด้อจ้า..คนที่ว่า..นั่นแม่นนาง..สาธุ


    ลองแจมนำเด้ออ้าย
    มองต่าง..อย่างปลง

  8. #8
    ลานบุญ
    Guest
    โอ้น้ออ้ายเอ้ย....
    อ่านผญาบ่าวโจ่โลคนดี…คือมวนหูแท้อ้าย...คำชายเว่าจ่ายผญา(แมะ)
    แมนเป็นหยังน้อจ้าอ้าย...ความเว่านั่นคือคักแน่...
    ลานบุญอยากมาเป็นสายลมแก้...ย่ามอ้ายนั่นนั่งเหงา(สันดอก)
    อันแมนสายลมอ้อน...ออนซอนเพิ่นเว่าใส...(เด้น้อ)
    ลานบุญอยากเป็นคู่ซ้อน..บุญผลามาซอยยู้นางหล่าน้องแน่เด้อ
    อยากเป็นสาวคนนั่น....คนที่เหมาะสมกันกับอ้ายดอกคือวา(สั่นเหล่ว)
    ขั่นแมนชายหมายใจซ้อน นางหล่าสิแล่นนำ (พะนะฮ่าๆ)

  9. #9
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,883
    บล็อก
    1
    อ้างถึง:ว่าสิถอนแล้วความช้ำ..ฝากประจำดอกเบี้ยใจ
    ถ่ากำไรกะดนค้อย..สิจ่อยตายแม่นต้นทุน

    คันแหม่นถอนกลอนแก้ สิไคแหน่อยู่น้อคำ
    ฝากประจำทางใจ หม่อมพี่ชายจนเหมิดเกลี้ยง
    หว่าสิเสี่ยงทางหุ้น ลงทุนใจไปลองเบิ่ง
    บาดเถื่อเหิงก่ะย่านแย่ แชร์ใจเจ้าผู่บ่าวทวง
    บัญชีหวงสิตามใช้ บัญชีใจยอมถอนส่ง
    ปิดบ่ลงดอกน้อง เขาสิฟ้องล่มละลาย
    แก้ไขครั้งสุดท้ายโดย pcalibration; 19-10-2009 at 07:56.

  10. #10
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    คั่นแม่นนางแน่แท้ถ้วน..ตามกะบวนอ้ายจาสั่ง
    แม่นเป็นบุญผลาตั้ง..กุศลสร้างหวั่งคราวหลัง...พุ่นแหล้ว
    ย่านแต่เทียวมาหยั่นต้อย..เครือกุ้มน้อยให้ตื่นตาย
    ตกคลาดหมื่นฮักอ้าย..เพิ่นบาดฮ่ายบ่ายหน่าหนี
    คั่นบัญชีควมฮักหมั่น..ฝากประจำบ่ขอหล่วง
    สิบ่ทวงเลยดอกเบี้ย..บ่ให้เสียฮอดต้นทุน..อ้ายเอ๊ย
    มองต่าง..อย่างปลง

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •