สวัสดีจ้า มื่อนี่ไปเก็บแอปเปิ้ลค่ะ หลังจากที่เก็บไปแล้วเมื่ออาทิตย์ก่อน ผลออกมาคือ กินบ่ทันค่ะ เก็บมาหลายโพด
แอปเปิ้ลก่าเลยบ่สดค่ะ นิ่มนิดๆ บ่แซ่บค่ะ เลยเอาไปแบ่งไห่ม้ากินซอยจ้อย มื่อนี่ก่าเลยเก็บ
แค่พอกินค่ะ เสียดายถ้ากินบ่ทันก่าดาย
กินหมดค่อยไปเก็บเอาใหม่ กินสดๆแซ่บคักค่ะ ทั้งกรอบ หอม หวาน อยากไห่พี่ น่องใน
บ้านมหาได้กินนำคักค่ะ เสียดายอยู่ไกลกันโพดเนาะ
ต้นนี่ ค๊อก (cox) เก็บมาหมดแล้วจ้า ปีนี่บ่ค่อยดกเลย
เกลี้ยงต้นแล้วจ้า รอกินปีหน่า หวังว่าสิออกผลดกดีกว่าปีนี้เนาะ
ต้นนี่พันธ์หยังบ่ฮู้ค่ะ แต่ว่า กรอบ หวาน หอม ดีคักค่ะ
บ่กล้าเก็บไปหลายค่ะ ย่านกินบ่หมด เสียดาย โอ้ย..สะออนคักค่ะ สีสันสดใสแซ่บอีกตะหาก
เทิงต้นยังเหลือหลายอยู่ค่ะ คือสิได้กินดนเติบอยู่ดอก
พอแล่วค่ะ ได้มา เกือบเคิงกะตา คือสิกินทันอยู่ดอกค่ะเนาะ
Bookmarks