ก้อยบักหอยปังไทอำนาจ....................

[บ่าวทิพย์คนอำนาจเจริญ]

หว่าสิโพสแต่โดนแล้วหละพี่น้อง ย้อนคายากเวียกกับคาคุยสาวเลยบ่มีเวลา วันหยุดมักสิหาแนวกินมาเฮ็ด ที่มันกินกับข้าวบ่ได้(กินเป็นกับแกล้มได้อย่างเดียว )ไปเลาะตลาดได้หัวหอยปังมาครับ มาจากกาสินบ้านเฮาพู้นหละ คะเจ้าหั่นหละกะต้มมาแล้ว แต่ก่อนที่เฮาสิปรุง กะเอามาต้มอีกเถื่อหนึ่งเผื่อความชัวร์

ผักกะหั่นไว้ครับ ผักกะคือผักเครื่องลาบนั่นหละครับ อย่าลืมใส่ตะไคร้นำมันสิหอมขึ้นมาอีก

ปรุงเลยครับตามมัก ขาดบ่ได้แหม่นข้าวคั่วเด้อหละกะต้องคั่วเองนำจั่งสิหอม ปรุงให้รสจัดๆเด้อครับจั่งสิแซบ

แล้วหละพี่น้องมาๆ มาชิมเบิ่งต้องมีบักสองซาวเป๊กนำเด้อจั่งสิเข้ากัน

[กำพร้าผีน้อย]

บ่อยู่เฮือนที่แท้กะหาเลาะซื้อแนวมาเฮ็ดกินตั๊วนี่...มาเที่ยวหน้ามาเฮ็ดสู่กินเด้อ...
เจ้าของผู้เฮ็ดกะฟ่าวมาเด้อ กินเบิดก่อนเด้..55

[lukhin_inter]

ป๊าดดดดดดดดดด ตะแซ่บแท้ จ้า
อิอิ มีหอย เจ บ่ อิอิ

[คนเมืองแปะ]

ใส่บักสองซาวเข้าไปเนาะคือสิวาบบบบบบบ เว้ามาละส้มปาก อิอิอิ

[พงศ์น้อย ส กสิน]

หย่ำดีๆนัวหลาย โอ้ยยยย น้ำลายแตก

[kapoloclikclik]

โอ้ยยยมาเป็นตาแซบแท้น้อ อยากกินนำเด้บาดนี่

[บ่าวน้อยยโส]

เห็นแล้วน้ำลายแตกซวดๆเลยครับกินกับยอดบักกอกเป็นตะเข้ากันอย่างคัก

[หน่อยเบล]

ป้าดดดดด อยากกินเด๊แต่คือสิหย้ำบ่ได้ดอกจ้า เจ็บแข่ว
เป้นตาแซบแท้ กับแกล้มเนาะ เข้ากันปานหยัง อิอิ

[ติ๋ม เปอร์โย]

ตาซังอ้ายทิพย์เว่ย ฮู้บ่ว่าทางนี่หายาก หิวข้าวเด้...เดิกดื่นเที่ยงคืน...สิไปหาหยังมากินแก้หิวหละหนี่...
ยาฆ่าพยาธิขวดนั่นบ่สู้นำดอกอ้าย...แบกไหไคแหน่ อิอิ

[ชายหล่ามาดามศรี]

เป็นตานัวลึกเด่เน้อ บักสองซาวตั้งเฮีองข้าง

ก้อยหอยคับก้อยหอย ฮิ้วๆๆๆๆๆๆ จ๊วดๆๆๆๆ

มีฮอดใบบักกอก เป็นตาแซบ น้ำลายไหลเด่เน้ออ้ายทิพ