เก็บเศษใจไกลจากบ้าน อ้ายซมซานน้ำตาหล่น หนีอุบลคนใจฮ้าย บอกฮักอ้ายแล้วเอ่ยลา
กลืนน้ำตาพาใจท้อ เจ็บหลายน้อขอใจอ่วย สาวคนสวยรวยหลอกล่อ ขอหนีพลากจากแม่มูล
หวังฮักพูลคือคูณไม้ ค้ำคูณไปใบแตกง่า เจ้าซ่างมาเฮ็ดอ้ายได้ ใบก้านส่อยจ่อยบ่เหลือ
ใจทาเกลือคักน้อเจ้า เว้าง๊ายง่ายหน่ายซังกัน จบกับฉันซะน้อเธอ น้องไปเจอผู้เขาใช่
สิฮักไผกะตามแหล่ว เจ๊กหรือแจวกะตามซ่าง สิขอห่างทางชิดไกล้ ขอไกลข้างออกห่างตา
บุญผลาบ่ได้ซ้อน สิเอาหมอนนอนเป็นหมู่ คนไร้คู่หัวใจฮ้าง ผู้เคียงข้างสิแม่นเงา ซาแหลวววววว
[Radio]jolo/Paya/Sky001.mp3[/Radio]
ขอบคุณทุกท่าน ผู้ที่ชื่นชอบ และ ชื่นชมในผลงานผมเด้อครับ
Bookmarks