ป่นกบใส่บักเขือ

**ฅนภูไท** · 25-10-2009, 12:30

ป่นกบใส่บักเขือ

ฅนภูไทห่างหายไปโดนบ่ได้เข้าครัวโดนเติบ มื้อนี้มีโอกาสกะเลยเอาสู่พี่น้องกิน เมนูมื้อกะเป็นอาหารตามฤดูกาล ยามนี้กบกำลังใหญ่ มื้อเช้าไปใส่แง๊บได้มาหลายเติบ เลยเอามาปุ่นใส่บักเขือสู่พี่น้องเฮากิน มาเบิ่งกันเลยครับ

ป่นกบใส่บักเขือกะเฮ็ดบ่ยากครับ ต้มน้ำให้เดือดแล้วกะจัดการเอากบกับบักเขือใส่หม้อ ใส่น้ำปลาแดกลงไปเพื่อความนั่ว

พอกบกับบักเขือสุกดีแล้วเปลื่อยได้ที่ กะจัดการเอาลงใส่ครก (อย่าลืมเอากระดูกแข็งๆออกนำเด้อครับ)

ตำให้แหลก สิเอาแหลกส่ำได่แล้วแต่มักเด้อครับ

พอแหลกดีแล้ว เฮากะใส่น้ำต้มปลาแดกลงไป ปรุงรสตามใจชอบ

ตักใส่ถ้วยเสริฟพร้อมผักพราย :-*

**ตรี ศรีเมืองใหม่** · 25-10-2009, 12:52

เยี่ยมยอดมากครับคนภูไท สูตรนี้ของแท้และดั้งเดิม สิให้เข้าสูตรต้องลวกดอกแคป่า หรือไม่ก็ดอกผักกระเดาอ่อนลวกจักหน่อย

**ข้าวปาด** · 25-10-2009, 14:04

เป็นตาแซ่บเนาะ เฮ้ดจั่งได๋ จั่งสิมีวาสนาได้กินป่นกบเพิ่นน้อ อิอิ

**สาวเมืองยศ** · 25-10-2009, 20:59

เฮ็ดหยังมากะเป็นตาแซบเบิดเนาะอ้ายคนภูไทนี่ จาแม่นเพิ่นเฮ็ดกับเข่าเก่งหลาย

**แหลวแดง** · 02-11-2009, 12:56

ฮ่วยๆๆๆ กบคือมันดีแท้อ้าย แบบนี้เฮ็ดหยังกะแซบเด้อ ยามฝนผักนำบ้านเฮาหลายอยู่แล้วเนาะ เลือกใส่เอาตั้วอยากกินเมนูได๋กะดาย แม่นสิป่นแต่กบสื่อๆ เอาหมากเขือมากินเป็นผักกะสุดยอดคับผม สิได้แล้วแลงอยู่พี้หละสั่นหนะ มาเทื่อได๋กะบ่เคยผิดหวังเลยเนาะคับอ้ายคนภูไท