ต้มเส้นก๋วยจั๊บเวียดนามเจ

[ขอโทษที่คิดถึง...เด็กดื้อ]

ต้มเส้นก๋วยจั๊บเวียดนามเจ

เมื่อวานนั่งคิดอยู่ว่าสิเมนูอีหยังกินดีนะมื้ออื่นเช้า กะเลยเห็นเส้นก๋วยจั๊บเวียดนามที่น้องเขมและชายหล่ามาดามศรีเอามาฝาก..รอให้คนฝากมาต้นให้กินอยู่จ้า (เฮ็ดบ่เป็นจ้า อิอิ) และมื้อที่น้องทองแพงมาแม็กกี้ว่าต้มให้กินอยู่ปรากฏว่าแนวหลายโพดเลยบ่ได้เฮ็ดให้กินจ้า พอดีเส้นก๋วยจั๊บที่ชายหล่าเอามา มันเป็นแบบบ่แห้ง เด็กน้อยกะเลยเอามาเฮ็ดเมนเจสำหรับกินเช้านี้จ้า เครื่องกะบ่มีอีหยังจ้า เพราะว่า อ้ายพลบ่ได้ไปตลาดกะเฮ็ดตามที่คิดได้จ้า ที่มีนั่นแมะ อิอิ


เครื่องปรุง เส้นก๋วยจั๊บเวียดนาม หน่อไม้ซิ่งของอีแม่ ซีอิ๊วขาว เต้าเจี้ยว เครื่องปรุงปุ้ยเก่งเจ น้ำมันพืช พริกไทป่น น้ำเปล่า

วิธีทำ หั่นหน่อไม้ซิ่งพอคำเอาผัดกับน้ำมันพืชปครื่องรสด้วยเครื่องปรุงปุ้ยเก่งเจ เต้าเจี้ยว และซีอิ๊วขาว แล้วกะเติมน้ำเปล่าพอสมควร ต้มไปจนน้ำเดือด กะใส่เส้นก๋วยจั๊บเวียดนามลงไปต้ม ต้มสุกแล้ว กะกินได้จ้า เวลากินกะเหยาะพริกไทยนิดหนึ่ง (พอกินได้จ้า ..บ่แซบปานใดเฮ็ดบ่เป็นแมะ อิอิ)

ถ้วยนี้ถ่ายตอนเฮ็ดแล้วเมื่อวานจ้า..อิอิ




ถ้วยนี้อุ่นแล้วกินเช้านี้จ้า อิอิ





ต้มถัวเขียวยามน้ำตาลมีหน่อย เลยใส่ทั้งน้ำตาลปี๊บและน้ำตาลทรายผสมกันจ้า แซบนะ อิอิ

[Sweet_M]

ขอชิมนำแน่เด้อ เอื้อยเด็กน้อย

[เพ็นนี]

กินนำแน๊พี่เด็กน้อย

[บ่าวเคน]

น่าสิใส่โปรตีนเกษตรแทนหน่อไม้ มันน่าสิเข้ากันกับก๋วยจั๊บเส้นแบบนี้กว่าหน่อไม้

[ตรี ศรีเมืองใหม่]

น้องเด็กน้อย... อ้ายแนะนําหลังจากเลิกกินเจแล้ว ให้อ้ายพล ไปตลาดซื้อเลือดหมู ตับหมู กระดูกหมู หรือซี่โครงไก่ก็ได้หรือสิเลือกเอาอย่งใดอย่างหนึ่ง เอามาต้มใส่เส้นก๊วยจั๊บแห้งที่เหลือ รับรอง แซบแน่นอน ฝีมืออ้ายพลจ่ายตลาด คริๆๆๆๆๆๆๆ

[กำลังใจ]

มาขอชิมด้วยคนเด้อ